[tlhIngan Hol] melkor Qun QeD, 'ay' wa'

[mayqel qunen'oS]

melkor po'wI' ghelta' taghwI'..

qatlh potlh yInvam ?

potlhbe' yInvam.. jatlhta' po'wI', jangtaHvIS.

HIQoy taghwI', jatlhta' je; wa' jaj van yInvam. Hoch chargh Hegh, 'ej
Sanvam narghlaH pagh. 'a, vanDI' yInvam lo'laHbe', ghIq tagh wa' latlh
DI'ruj, 'ej not van DI'rujvam. DI'rujvam Da'eltaHvIS, Dutlhej qa'lIj neH,
nItlhej tIqlIj DI'onmeyna' neH, vaj DI'rujvam Da'eltaHvIS watlhbe'chugh
qa'lIj, joHma' ngay' DaSIQlaHbe'..

potlh yInvam 'e' luHar pujwI'pu'. 'e' luHar nururbe'bogh nuvpu'.. 'ej
mujchu' nuvpu'vam. ramchu' yInvam, 'a potlhchu' wa' yInvam ngoQ; 'ej
ngoQvam'e' potlh law' Hoch potlh puS:

qa'lIj DaHurghnISchoHmoHchu'; qa'lIjvaD melkor ngay' SIla' DamojnISmoH..
qa'lIjvaD melkor ngay' DatlhuDnISmoHtaH. ngoQvam DachavmeH joHma' pong
DarItnIStaH, 'a vabDot jaSHa' bIvangchugh yapbe'.

joHma' ngay' DatlhuDmeH, Say'nISchu' tIqlIj; 'ej Say'chu'meH tIqlIj,
Hurghchu'ghach DaghepnIS, 'ej Hoch yutbogh Dochmey DalonnIS. yIqawtaH ! qul
qo' Da'eltaHvIS, nItlhej pagh qo'vam Dochmey; vaj qo' Qav Da'elpa', chIch
qo'vam Hoch DalonnISchu'pu'.

not yIlIj taghwI'.. bI'reS 'oH Hegh'e'; vanmeH wanI' 'oHbe'bej Hegh'e';
lojmIt'a' 'oH Hegh'e', 'ej lojmIt'a'vam DachIqpu'DI', ngugh tagh yInna'. 'a
yInna'vam DaSIQlaHmeH mItnISchoHpu' qa'lIj, naDev bIyIntaHvIS.

Hegh lojmIt'a'Daq bIQamchoHpu'DI', pagh 'eb cha'DIch tu'lu'. vaj
yImIt'eghchoHmoH..

~ mayqel qunen'oS
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20200313/645a35db/attachment.htm>