[tlhIngan Hol] ram.. QIbmey.. paQDI'norgh..

[mayqel qunen'oS]

ramvetlh, yIttaHvIS melkor pIn'a' ghojwI'Daj je, ghojwI' ghelta' pIn'a'..

- ghojwI', HIja'; nuchIwchu'bogh bo'Degh DaSov'a' ?
- HIja', jangta' ghojwI', owl 'oH.
- 'ej qatlh nuchIw bo'Deghvam'e' ? ghelqa'ta' pIn'a'.

'a tampu' ghojwI'..

vaj, jatlhqa'ta' pIn'a':

'op nuvpu' gheptaHvIS Hurghchu'ghach, vum nuvpu'vam.. qaStaHvIS
Hurghchu'ghach, leghchu' nuvpu'vam. qaStaHvIS Hurghchu'ghach, qa'chaj
DI'onmey 'angchu' nuvpu'vam.

eru illuvatar nepbogh mu'mey lajchu'ta'Qo' nuvpu'vam, 'ej eru tamghayqoq
ngeb lulajchu'ta'Qo' je. melkor Hurghchu'ghachmo', vemchu' rIntaH nuvpu'vam
qa'..

vay' DatlhojnIS ghojwI'; qIjbe' Hurghchu'ghach, maHvaD 'e' ghojmoH melkor..
'ej wovbe' eru illuvatar tamghayqoq; maHvaD 'e' ghojmoH je joHma'.

Heghpu'DI' jaj, 'ej qaSchoHpu' ram, qaStaHvIS ramvam Hurghchu'ghach,
Hurghchu'ghachvam bamvIpbe' owl, 'ej QIbmeyDaq 'oHtaHvIS owl'e', juHDajDaq
'oHtaH 'e' jem bo'Deghvam..

vaj, meqmeyvam nIbmo' nuchIwchu' owl..

mu'meyvam jatlhta' pIn'a', 'ej ghIq weQ qIj meQchoHmoHpu', jatlhtaHvIS..

'ach.. mu'mey 'Iq DIjatlhta', 'ej DaH qaSchoHpu' vummeH poH..

~ mayqel qunen'oS
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20200223/31739461/attachment-0015.htm>