[tlhIngan Hol] vay' vItlhojpu'mo', choHnIS ghu'. 'ej SIbI' ghu'vam vIchoH

[vISIruS]

"""
Sean Inman,

wa' chut 'ut ghaj QIn tetlhvam;

Hoch lupoblaH vay' mu'mey, tlhIngan Hol lo'taHvIS, 'a tlhIngan Hol neH
lubopnIS mu'meyDaj, DIvI' Hol lo'taHvIS.

tlhIngan QIn mughchugh vay' 'ej 'oHvaD DIvI' Hol QIn mojmoHchugh, pagh
DIvI' Hol QIn mughchugh vay' 'ej 'oHvaD tlhIngan Hol QIn mojmoHchugh,
vaj pagh QIn tetlh chut bIv nuvvam.

*pagh'e'*.

chutvam Daparchugh, vaj choH QIn tetlh chutvam 'e' yItlhob.

'a choHbe'taHvIS chutvam, chutvam yIvuv.

~ Qa'yIn"""


QInvam Daqaw'a'? DaH vuDlIj nuq?

------ Original Message ------
From: "mayqel qunen'oS" <mihkoun at gmail.com>
To: "tlhIngan Hol mailing list" <tlhingan-hol at kli.org>
Sent: 14 Aug 2020 113754
Subject: Re: [tlhIngan Hol] vay' vItlhojpu'mo', choHnIS ghu'. 'ej SIbI' 
ghu'vam vIchoH

>SuStel:
>>  tlhIngan Hol neH jatlhmeH laHlIj vItlh law' Hoch vItlh puS 'e' vIHar
>
>qatlho', jupwI'! choquvmoH! pab po'wI'na' SoHmo', potlhchu' vuDlIj. qatlho'!
>
>jIHvaD laHvam Danobta', 'ej meqvammo' tlho'na'wIj DaghajtaH.
>
>pIj nuv law' berghchoHmoH 'op qa'wIj DI'on.. pIj DI'onmeyvammo'
>muparqu' nuvpu', 'ej not naDev vIpawpu' chaq 'e' lujIn nuv law'.
>
>'ach, SuStel, not choyajHa'pu', not choqeHpu', 'ej reH jIHvaD
>QaHna'lIj Danobpu'. SoHmo' tlhIngan Hol vIlo'laH, 'ej ghojmoHwI'wI'
>SoHmo', jIDo'.
>
>'ej latlh vay' vIjatlhniS je.
>
>pIj naDev jI'IQchoHpu', pIj naDev muberghchoHmoHpu' 'op nuv, 'ej pIj
>mubelHa'choHmoHpu' 'op nuv. ngugh jIQubpu'; jIHvaD jIjatlhpu':
>
>< chaq tetlhvam vIlonnISchu'. >
>
>'ej SoH muQaHpu'bogh nuvpu' je tu'lu'be' net jalchugh, vaj pa'logh
>tetlhvam vIlonchu'pu'. 'ach SoHmo' 'op latlh nuvmo' je jIratlhpu', 'ej
>jIratlh.
>
>SuStel:
>>  'ach pab DarIchtaHvIS, yajHa'ghach DajunmeH, DIvI' Hol yIlo'. rut
>>  yapchu'be' tlhIngan Hol pab rIchmeH mu'mey.
>
>QIn wa'DIch vIqontaHvIS, DuHvam vIqelpu' je.. meqvammo', pab bopbogh
>QIn Qatlh vIqonnISchugh, vaj qeSlIj vIpab, 'ej DIvI' Hol vIlo'.
>
>~ Qa'yIn
>_______________________________________________
>tlhIngan-Hol mailing list
>tlhIngan-Hol at lists.kli.org
>http://lists.kli.org/listinfo.cgi/tlhingan-hol-kli.org