[tlhIngan Hol] vay' vItlhojpu'mo', choHnIS ghu'. 'ej SIbI' ghu'vam vIchoH

mayqel qunen'oS mihkoun at gmail.com
Fri Aug 14 08:37:54 PDT 2020


SuStel:
> tlhIngan Hol neH jatlhmeH laHlIj vItlh law' Hoch vItlh puS 'e' vIHar

qatlho', jupwI'! choquvmoH! pab po'wI'na' SoHmo', potlhchu' vuDlIj. qatlho'!

jIHvaD laHvam Danobta', 'ej meqvammo' tlho'na'wIj DaghajtaH.

pIj nuv law' berghchoHmoH 'op qa'wIj DI'on.. pIj DI'onmeyvammo'
muparqu' nuvpu', 'ej not naDev vIpawpu' chaq 'e' lujIn nuv law'.

'ach, SuStel, not choyajHa'pu', not choqeHpu', 'ej reH jIHvaD
QaHna'lIj Danobpu'. SoHmo' tlhIngan Hol vIlo'laH, 'ej ghojmoHwI'wI'
SoHmo', jIDo'.

'ej latlh vay' vIjatlhniS je.

pIj naDev jI'IQchoHpu', pIj naDev muberghchoHmoHpu' 'op nuv, 'ej pIj
mubelHa'choHmoHpu' 'op nuv. ngugh jIQubpu'; jIHvaD jIjatlhpu':

< chaq tetlhvam vIlonnISchu'. >

'ej SoH muQaHpu'bogh nuvpu' je tu'lu'be' net jalchugh, vaj pa'logh
tetlhvam vIlonchu'pu'. 'ach SoHmo' 'op latlh nuvmo' je jIratlhpu', 'ej
jIratlh.

SuStel:
> 'ach pab DarIchtaHvIS, yajHa'ghach DajunmeH, DIvI' Hol yIlo'. rut
> yapchu'be' tlhIngan Hol pab rIchmeH mu'mey.

QIn wa'DIch vIqontaHvIS, DuHvam vIqelpu' je.. meqvammo', pab bopbogh
QIn Qatlh vIqonnISchugh, vaj qeSlIj vIpab, 'ej DIvI' Hol vIlo'.

~ Qa'yIn


More information about the tlhIngan-Hol mailing list