[tlhIngan Hol] If pIqaD became Ca'Non..

[Hugh Son puqloD]

> On Apr 30, 2020, at 10:13, Jackson Bradley <j.monroe.bradley at gmail.com> wrote:
> 
> jIQochchu'. 'IH 'e' vIHar jIH. pImqu''a' 'oH, DIvI' Hol ghItlhmeH Ho'DoS je? ghobe'. qay'qu''a'? ghobe' jIjatlh.

'IHbe' jatlhpu'be' SuStel. Dal jatlhpu'. chaq 'IHbe' 'e' Dam je, 'ach Dal KLI pIqaD 'e' wIrIchDI' potlhbe' tu'qom bopbogh vuDDaj'e'. Dalbej ghItlhmeH Ho'DoSvam. vIlo'qu', 'ej vItIv, 'a Dalqu' 'e' vIDam.

wab naQ wab poD ghap 'oSmo' ngIq KLI pIqaD ngutlh, “alphabet” 'oH KLI pIqaD'e'. nap alphabet, 'ej napmo' Dal.

pIjHa' DajlaH 'op alphabet ngutlh, wa' tu'qom neH ghajbe'mo'. ghantoH: Say tIq Say run je tIqel. rut alphabet 'en lo'lu'taHvIS qaSlaH je wanI'vam, 'ach alphabet'e' qubqu'.

'op ghItlhmeH Ho'DoS'e', mu' 'oS ngutlh 'ej wab 'oSbe'. latlh'e', mu' wab joq 'oS ngutlh. latlh'e', 'InDogh 'oS ngutlh. latlh'e', wabmey poD neH ghItlhlu'. latlh'e', wabmey poD 'oS ngutlhna'mey 'ej wabmey naQ 'oS ghewmey (tlhavqop bIHbe').

Sarqu' tera' ghItlhmeH Ho'DoSmey. loQ rurchuq tlhIngan Hol DIvI' Hol je, bIH qollaHchu'mo' Humanpu' tlhInganpu' je, 'ach pImqu' QIch wabchaj, pabchaj, mu'tay'chaj je. pIm bIH net qelDI', tlhoS nIb DIvI' Hol ghItlhmeH Ho'DoS, KLI pIqaD je.
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20200430/56548488/attachment-0016.htm>