[tlhIngan Hol] We're here to help you

[Daniel Dadap]

> On May 22, 2019, at 03:48, mayqel qunen'oS <mihkoun at gmail.com> wrote:
> 
> DloraH:
>> ngugh bIjatlh... poH yIngu'.  ghorgh qaS?
> 
> DloraH, jIwuqpu' !
> 
> tuch, qaS lutvam. vaj, tuch, qaS poHvam.
> 

Dughelbe'law'pu' DIoraH poH Daper neHmo', 'a loQ taQmo' mu' «ngugh» Dalo'pu'DI'.

«ngugh» DaghItlhDI', laDwI'vaD poH le' DaqelmoH. vaj mu'tlhegh lIHchugh «ngugh» 'ach poH perbe'lu'law'chugh, taQ «ngugh». «ngugh» Dalo'chugh, poH yIper. poH Daper DaneHbe'chugh, «ngugh» yIlo'Qo'. ghantoH:

wejvatlh nem qaS Daw'. ngugh, Hargh Humanpu'…
valqu'choH tera' dogmey 'ej lotlhchoH. ngugh, Hargh Humanpu'…
jatlh tuch rItwI': 'opleS teHbej wanI' vIDebogh. ngugh, Hargh Humanpu'…

pIj ghItlh DalIHmeH «ngugh» Dalo' 'e' vItu', 'a pIj Dalo'DI' mItbe'. ghantoH:

ngugh jatlh Darth Sidious…

«ngugh» bIjatlh DaneHDI', yIghel'egh: «ghorgh?» mu'meylIj buStaHvIS 'IjwI' laDwI' joq «ghorgh?» janglaHbe'chugh, mItbe' «ngugh».