[tlhIngan Hol] cha' qorDu' lut napHa'

[Will Martin]

loQ lut naQ vIjatlh ‘e’ vIlIj.

pIj ral be’vam. maw’taHvIS be’vam, loDnalDaj vogh HablI’, loDnalDaj De’wI’ je Qaw’chu' be’vam.

mInDu’Daj neH lo’taHvIS, muraQ ‘e’ nID be’vam. mura’. jatlh <<naDev loDnalwI’ yIqem.>>

jIjatlh. <<Qo’.>>

qabwIjDaq puqbe’Daj (puqnI’be’wI’) qab SummoHmeH be’vam, puqnI’be’wI’ pep be’vam. mInDu’Daj lo’qa’. chaq muraQmeH, ghu’ DubmoHlaH puqbe’Daj ‘e’ pIHlaw’.

Qu’Hom QIpvaD puqpu'Daj lo'Qo’ Hoch Human SoS. Hoch Humanpu’ nIv law’, Depvam (be’qoqvam) nIv puS.

“No, charghwI’. Tell us what you REALLY feel."

charghwI’ vaghnerya’ngan

rInpa’ bomnIS be’’a’ pI’.




> On May 30, 2019, at 5:19 PM, Will Martin <willmartin2 at mac.com> wrote:
> 
> qorDu’ waDIch lut:
> 
> mIpchu’ta’ SuwISya’ngan. malja’ puS ghaj. ‘uy’mey DeQ ghaj. 
> ghIq *Peru’*ngan ‘IHqu' Saw. *Peru’* Dab loDnal be’nal je.
> ghIq bogh puqbe’chaj. 
> ghIq SawHa’. tlheD. SuwISya’ Dabqa’.
> ghIq Hegh SuwISya’ngan. 
> luj Hoch malja’meyDaj. 
> ghIq wa’ qach lughajpu’ be’nal, puqbe’, be’nal loDnI’, be’nal be’nI’ je. 
> ghIq lungev. 
> wa’ ‘uy’ vagh bIp DeQ Suq. mIpHa’choHlI’ qorDu’vam vumbe’mo’ Hoch.
> puqbe’vaD wa’ bIp vagh netlh nob SoS. SuwISya’Daq Huchvam pol beylI’.
> nenchoH puqbe’vam.
> vumbe’  qorDu’vam. reH ghIQ. Dat leng.
> 
> qorDu’ cha’DIch lut:
> 
> tlhoghchuq cha’ ‘amerI'qa’ngan. ghIq bogh wej puqpu’chaj (cha’ puqloD, wa’ puqbe’ je). ghIq tlhoghHa’chuq. ghIq be’vam vISaw.
> nenchoHDI’, vutwI’ moj puq cha’DIch. loD ghaH. mIpbe’ba’.
> 
> chen qorDu’ chu’. mIpbogh be’ ‘IH Saw be’nalwI’ puqloD. wa’maH wen bogh puqbe’chaj.
> naypu’DI’ be’vam ngoD pegh ‘ang be’: maw’.
> loDnalDaj HIv be’vam. tlheDDI’ loDnal, ghan’Iq rI’ be'vam. jatlh. <<muHIvpu’ loDnalwI’!>>
> tlheDchoHtaHvIS loD, SuS-yoDvo’ bIQ teqwI’ ghorchu’ be’vam. baS HoS ghorchu’. Doj. maw’bej.
> 
> nayHa’pu’DI’, reH ghIQ tIvlaHtaHmeH be’vam je’taH loDnalDaj ‘e’ pIHlaw’ be’vam. yap puq ghaq ‘e’ pIH.
> 
> Huch yajbe’ba’ be'vam. vutwI’ ghaH loDnalDaj. qo’ lengmeH Huch Hutlh loDnalDaj. yapbe’ba’ loDnal Huch.
> 
> vaj juHwIj Dabqa’ be’nalwI’ puqloD.
> 
> be’nalwI’ puqloD juH Dab be’nalDaj puqbe’Daj je.
> 
> ‘echletHom SuD Hutlhmo’ be', tugh *Peru’* ghoSnIS.
> 
> yInwIj nap vItIv. naptaH latlh yInmey ‘e’ vImaS je, ‘ach rut jIwIvlaHbe’. ra’ San.
> 
> charghwI’ vaghnerya’ngan
> 
> rInpa’ bomnIS be’’a’ pI’.
> 
> 
> 
> 
> _______________________________________________
> tlhIngan-Hol mailing list
> tlhIngan-Hol at lists.kli.org
> http://lists.kli.org/listinfo.cgi/tlhingan-hol-kli.org

-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20190531/bbf0aa15/attachment-0003.htm>