[tlhIngan Hol] pongwIj vIchoH 'e' vIwuq

[Daniel Dadap]

juppu'wI',

ghaytan wejHa' tlhIngan Hol pongwIj «De'nIl maqel puqloD DapDap tuq» luSov 'op nuvpu'. pongvam vIparHa', Dajmo' De' 'ej 'IHmo' Hatlh nIl, 'ach qen vIchoH 'e' vIwuq.

«Hugh Son puqloD DapDap tuq» 'oH tlhIngan Hol pongwIj chu' vIwIvta'bogh. mong 'och 'oSbe' mu' «Hugh». Sep Hol Sar pong 'oH'. ta' Hol jatlhlu'taHvIS 'ej mu' qollu'taHvIS «Qugh» qollu'. rap qa'vam Suchpu'bogh toQDuj HoD pong. 'ach vabDot ta' Hol vIjatlhtaHvIS pongvam vIqolmeH «Hugh» vIqol, vaj «Hugh» qol Hoch 'e' vIchup. 'ej ta' Hol ghItlhlu'taHvIS DIvI' ngutlhmey lulo'lu'taHvIS pong ghItlhmeH Hay ghItlhlu' Qay qa' 'e' vIchup je. 'ach «Qugh» qollu'chugh qoj ghItlhlu'chugh vIyajbej.

reH «Hugh» luqolHa'qu'taH DIvI' Hol jatlhwI'pu' 'ach meq vISovbe'chu'. 'ej «puqloD» 'oS «Son» 'e' luHarlaw'taH. taQbej.

pIqaD ngutlhmey lughItlhlu'taHvIS, pongvam ghItlhmeH «    » ghItlhlu'ba'.

pongwIj ngo' lo'lu'chugh qay'be'ba'.

Qapla'
- Hugh