[tlhIngan Hol] maghomchuqmeH...

Jeffrey Clark jmclark85 at gmail.com
Wed May 15 16:32:58 PDT 2019


tlhIngan Hol wIqeqnIS. vaj, maja’chuq.

Saj Daghaj’a’? yIDel. mIllogh yIcha’. SajlIj bopbogh lut’e’ Daghaj’a’? yIja’.

vIghro’ vIghajpu’bogh bop lut, ‘e’ vIja’:

qen vIghro’ qan vIghajpu’. lutu’ qa’naDa’ngan jupwI’, ‘ej tugh qa’naDa’ luchegh vaj luQorghlaHbe’. ropqu’ vIghro’, langqu’be’. loS Ho’Du’ neH ghaj. vIghro’ vIparHa’qu’mo’ vIghro’vam vIQorgh ‘e’ tlhob jupwI’mey

Qel wIghoS juH qochwI’ jIH je, ‘ej vIghro’vaD Hergh wISuq. Soj wInob. Sop, Sop, ‘ej Sopqa’ vIghro’vam. Soj’e’ SoplaHbogh vIghro’ wIwaH, SIbI’Ha’ Soj lugh tu’ juH qochwI’.

SIbI’Ha’ pIvchoH vIghro’vam, ‘a ‘IHqu’ vIghro’. latlh ghot Saj ‘oH vIHarqu’. wejHa’ ngaSwI’ qeQ lo’laH, juH qoD Dabpu’law’. maqoch Da, naHHa’qu’ ‘ej naSHa’qu’ je.

tugh {vIghro’vaD pong yIwIv} mujatlh juH qoch, loDnI’wI’ je. motlh, SajmeywIjvaD DajHa’bogh Dochmey vIpong, vIghro’vamvaD {vIghro’} vIpongtaH, ‘a luchawbe’. latlh pong lupoQ. vaj, Doqmo’, ‘ej maqoch Damo’, vIghro’vamvaD {Alexander Louise Armstrong} vIpong; ghIq pongDaj Hoch lo’lu ‘e’ vIqap (‘a {Major} neH lulo’).

{Indiana} vIDabchoHDI’ (tlhoS wa’ ben qaSpu’) mutlhejbe’pu’ vIghro’wIj. {Georgia} DabtaH. tay’ juH qoch, vIghro’ je’. tlhoy qan, ‘e’ vIHarpu’; ‘ej DaH vIQorghmeH poH yap vIghajbe’. wejHa’ mumaghpu’ vIghro’wIj: juHqoch qaq law’ jIH qaq puS ‘e’ wuq.

—jevreH


-------------- next part --------------
A non-text attachment was scrubbed...
Name: image1.jpeg
Type: image/jpeg
Size: 493962 bytes
Desc: not available
URL: <http://lists.kli.org/pipermail/tlhingan-hol-kli.org/attachments/20190515/00b3e818/attachment.jpeg>
-------------- next part --------------




Sent from my iPad


More information about the tlhIngan-Hol mailing list