[tlhIngan Hol] Hol Sarraj tlhIn tIDel

Ed Bailey bellerophon.modeler at gmail.com
Wed May 15 20:10:43 PDT 2019


'op Hol SarlIj tlhIn DaDelpu'bogh vIlo'Qo' 'a Hoch vIyajbej. bIQummeH
Da'lo'chugh mumISmoHbe'.

Hol SarwIj tlhIn'e', pIj mu'tlheghwIj vIlIHmeH qech'e' bopbogh mu'tlhegh
vIja'. mu'tlhegh vorgh 'oH ghantoH'e'.

rut jIjatlh <qorDu'wIj> 'ej rut, <qorDu'wI'>. <qorDu'wIj> jIjatlhchugh,
no'wI', yurpu'wI', Hopbogh latlh joq vIqel. be'nalwI' puqbe'wI' je neH
vIqelchugh jIjatlh <qorDu'wI'>.

DIpmey Hechlu'ba'bogh nop Hoch 'ach rut wot je vInop jIH vIHechba'chugh.
tlhegh vorghDaq mu'tlegh wa'DIch 'oH ghantoH'e'.

roD jIjatlh <'a> ngajmo' 'ach pIj <'ach> jIjatlh lughlaw'chugh. lughlaw'
DuH cha'DIch, mu' veb taghchugh qaghwI', ray', latlh vIlIjtaHbogh ghap.

~mIp'av
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20190515/1d04cbe0/attachment.html>


More information about the tlhIngan-Hol mailing list