[tlhIngan Hol] According to Matthew chapter 9

[mayqel qunen'oS]

There are parts which are easy and straightforward, and then there are
parts, which make you want to smash your computer against the wall.

Unfortunately, the latter are way more numerous than the former..

http://www.klingonwiki.net/En/GospelOfMatthew

'ay' Hut

1 'ej bIQ'a' Duj 'el *jesus*, Dop Dop jaH, 'ej vengDaj paw. 2 'ej
yIlegh, *jesus*Daq vIHlaHbe'chu'wI' luqem 'op nuvpu'; QongDaqDaq
ghaHtaH vIHlaHbe'chu'wI''e'. Harqu' vIHlaHbe'chu'wI' luqempu'bogh
nuvpu''e' 'e' tlhojDI' *jesus*, vIHlaHbe'chu'wI'vaD jatlh: >>> yIyoH,
puqwI' ! bIyempu'; DaqeHHa'lu'. <<< 3 'ej yIlegh, pa' chaHtaH 'op
*scribe*pu''e'; 'ej QubtaHvIS 'op *scribe*pu', tIqDu'chajDaq jatlh:
>>> Qun tIch. <<< 4 'ach mu'mey'e' Qubbogh *scribe*pu' tu' *jesus*,
vaj jatlh: >>> qatlh, tIqDu'rajDaq mu'mey mIgh boQub ? 5 > bIyempu';
DaqeHHa'lu' < mu'mey tu'lu', 'ej > yIHu' 'ej yIyIt < mu'mey tu'lu'
je'; 'op mu'mey ngeD law' latlh mu'mey ngeD puS. mu'meyvam
bongu'laH'a' ? 6 tera'Daq, yempu'bogh nuvpu' qeHHa'laH Human puqloD;
teblaw' ghaj 'e' botlhojmeH.. - ghIq vIHmoHlaHbe'chu'wI'vaD jatlh: >
yIHu', QongDaqlIj yIwoH, 'ej juHlIj yIjaH. < <<< 7 'ej, Hu', 'ej
juHDaj jaH. 8 wanI'vam luleghDI' Dojmey, Qun luHo' 'ej luquvmoH,
Humanpu'vaD teblaw'vam Dun nobmo' Qun.

9 'ej Daqvam chIqtaHvIS *jesus*, wa' loD legh; rupmeH ghogh'otmey
SuqmeH yaHDaq ba' loDvam,  'ej ghaHvaD *matthew* ponglu', 'ej
*matthew*vaD jatlh *jesus*: >>> HItlha'. <<< 'ej Hu' *matthew* 'ej
*jesus* tlha'choH. 10 'ej juH qoDDaq ba'taHvIS *jesus*, yIlegh, pa'
lupaw rupmeH ghogh'otmey Huch SuqwI'pu' yemwI'pu' je, 'ej *jesus*
ghojwI'pu'Daj tlhej nuvpu'vam. 11 'ej wanI'vam luleghDI'
*pharisee*pu', ghojwI'pu'DajvaD jatlh: >>> qatlh rupmeH ghogh'otmey
Huch SuqwI'pu' yemwI'pu' je tlhej ghojmoHwI'ra', SoptaHvIS nuvpu'vam ?
<<< 12 'ach, *pharisee*pu' QoyDI' *jesus*, chaHvaD jatlh: >>> Qel
lughajnISbe' pIvwI'pu', 'ach lughajnIS ropwI'pu'. 13 > pung vIneH,
'anmoHmeH ta' vIneHbe' < mu'meyvam QIjchu'ghach boghojmeH petlheD. jaS
vangnISbe' ghob nuvpu', 'ach jaS vangnISchoH yemwI'pu', vaj nuvpu'
Sarvam vIrItmeH, jIpawta'. <<<

14 ghIq, *jesus* lujaH jan ghojwI'pu', 'ej jatlh: >>> qatlh pIj 'op
Soj Sarmey DISopbe' maH *pharisee*pu' je, 'ach 'op Soj Sarmey
Sopbe'Qo' ghojwI'pu'lI' ? <<< 15 'ej chaHvaD *jesus* jatlh: >>> 'IQqu'
tlhogh nuvpu', nuvpu'vam tlhejtaHvIS tlhoghbogh loD; qIt'a' ghu'vam ?
'ach, tagha' qaSchoH jajmey, 'ej qaStaHvIS jajmeyvam, tlhogh nuvpu'vo'
yaH tlhoghbogh loD. ngugh, 'op Soj Sarmey Sopbe'choH nuvpu'vam. 16 Sut
ngo'Daq Sut chu' 'ay' chel pagh. Sut ngo'Daq Sut chu' 'ay' chelchugh
vay', vaj Sut ngo'vo' luH'egh 'ay' chu', 'ej 'argh Duy'. 17 'ej DIr
ngaSwI'mey ngo'Daq HIq chu' luqangbe' nuvpu'. DIr ngaSwI'mey ngo'Daq
HIq chu' luqangchugh, vaj ngaSwI'mey ngo'Daq qaSchoH Qarghmey, Qoy'
HIq, 'ej lI'be'qu'choH ngaSwI'mey. 'ach DIr ngaSwI'mey chu'Daq HIq
chu' luqang nuvpu', vaj taH ngaSwI'mey HIq je. <<<

18 chaHvaD, mu'meyvam jatlhtaHvIS *jesus*, yIlegh, paw wa' che'wI',
'ej *jesus* tlhopDaq tortaHvIS jatlh: >>> qen, Hegh puqbe'wI'; 'ach
yIghoS, ghaHDaq ghoplIj yIlan, 'ej yInqa'. <<< 19 'ej Hu' *jesus*, 'ej
che'wI' tlha'. che'wI' lutlha' je' *jesus* ghojwI'pu'.

20 'ej yIlegh, *jesus* 'emDaq chol wa' be'; qaStaHvIS wa'maH cha' DIS
regh be'vam, 'ej *jesus* Sut HeH Hot; 21 tIqDajDaq, jatlh be'vam: >>>
SutDaj vIHotchugh, vaj jIpIvchoH. jIpIvchoHmeH, qaSnIS wanI'vam neH,
'ej yap. <<< 22 'ej porghDaj tlhe' *jesus*, 'ej be'vam leghDI', jatlh:
>>> yIyoH, puqbe'; bIHar, 'ej DutoD HarmeH laHlIj. <<< ngugh, pIvchoH
be'.

23 che'wI' juH pawDI' *jesus*, Dov'agh chu'wI'pu' qev je legh.
jotHa'qu' Hoch 'ej 'IQ. 24 chaHvaD jatlh: >>> pemej ; Heghpu'be'
be'Hom. Qong. <<< 'ej *jesus* lunuSchoH. 25 juH lumejpu'DI' nuvpu',
'el *jesus*, be'Hom ghop 'uch, 'ej Hu' be'Hom. 26 'ej Sepvam HochDaq,
noychoH wanI'vam.

27 'ej Daqvetlh chIqtaHvIS *jesus*, lutlha' cha' leghlaHbe'chu'wI'pu',
jachtaH 'ej jatlhtaH: >>> maHvaD pung yI'agh, *david* puqloD. <<< 28
juH pawDI' *jesus*, ghaHDaq chol leghlaHbe'chu'wI'pu', 'ej chaHvaD
jatlh *jesus*: >>> ta'vam vIta'laH 'e' boHar'a' ? <<< ghaHvaD jang;
jatlh: >>> HIja', joH. <<< 29 ghIq, mInDu'chaj Hot, jatlhtaHvIS: >>>
SuHar; jaSHa' tlhIHvaD qaSjaj. <<< 30 'ej poSchoH mInDu'chaj. 'ach,
nuvpu'vam ra' *jesus*, 'ej ra'taHvIS yItlh; jatlh: >>> wanI'vam SovmeH
pagh, peyep. <<< 31 'ach, Haw'DI', Sepvam HochDaq *jesus* lunoymoH.

32 'ej Haw'taHvIS nuvpu'vam, yIlegh, *jesus*Daq loD qemlu';
jatlhlaHbe'chu' loDvam, 'ej SeHchu' wa' *demon*. 33 'ej *demon*vam
vujDI' *jesus*, jatlhchoH jatlhlaHbe'chu'wI'vam. 'ej Ho' Dojmey,
jatlhtaHvIS: >>> not, yISra'elDaq qaSpu' Sarvam wanI'. <<< 34 'ach,
jatlh *pharisee*pu': >>> *demon*pu' vujmeH nuvvam, *demon*pu' che'wI'
HoS lo'. <<<

35 'ej Hoch vengmeyDaq Hoch vengHommeyDaq je leng *jesus*,
chIrghmeychajDaq ghojmoH, wo' QaQbogh De' chu' maq, 'ej rop Sarmey
Hoch vor, roptaHghach Sarmey Hoch vor je.

36 Dojmey leghDI' *jesus*, pung SIQ; 'ej Dojmeyvam SaH, Doy'qu'mo'
nuvpu'vam, 'ej lulonlu'pu'mo'. QanwI' luHutlhbogh DI'raqmey rur
Dojmeyvam. 37 ngugh, ghojwI'pu'DajvaD jatlh: >>> law' Du' naH'e'
yobnISbogh vumwI'pu', 'ach puS vumwI'pu'; 38 meqvammo', Du'Daj naHmey
yobbogh vumwI'pu' ngeHmeH Du' joH, yItlhob. <<<

~ m. qunen'oS