[tlhIngan Hol] According to Matthew chapter 10

mayqel qunen'oS mihkoun at gmail.com
Fri Jun 28 06:10:34 PDT 2019


..'ej yIqaw !
..and remember !

be' DaparHa'bogh Daleghchugh, be'nallI' 'oHbe'chugh be'vam'e', 'ej
be'vam DaneHqu'chugh, vaj be'vam Dangagh'eghpu', vabDot
DaHotpu'be'chugh Dangagh'eghpu'; vaj ghe''orDaq yImeQ..

if you see a woman, you like her, but you're not married to her, then
you have committed adultery, even if you've never touched her; so
you'll burn in hell..

*middle ages* mu' ghajbe' tlhIngan Hol, 'ej 'IQ..
it's a pity klingon doesn't have a word for "middle ages"..

http://www.klingonwiki.net/En/GospelOfMatthew

'ay' wa'maH

1 'ej wa'maH cha' ghojwI'pu'Daj rItDI' *jesus*, qa'pu' mIgh vujlaHmeH
ghojwI'pu'Daj 'ej Hoch ropmey, Hoch pujmey je vorlaHmeH, chaHvaD
teblaw' nob. 2 wa'maH cha' nuv chaH *jesus* 'oSwI'pu''e': wa'DIch,
*simon* (*simon*vaD *peter* ponglu'), *andrew* (*peter* loDnI'), jemS
(*zebedee* puqloD), jan (jemS loDnI'), 3 *philip*, *bartholomew*,
*thomas*, *matthew* (rupmeH ghogh'otmey Huch SuqwI'), jemS (*alphaeus*
puqloD), *lebbaeus* (*lebbaeus*vaD *thaddaeus* pong noblu'pu'), 4
*simon* (*canaan* ngan), *judas iscariot* (*jesus* maghpu'bogh nuv'e')
je.

5 wa'maH cha' nuvpu'vam ngeHpu' *jesus*, 'ej qeSmeH jatlh: >>>
*jew*pu' chaHbe'bogh nuvpu''e' tIghoSQo'; lurghchaj taw yI'elQo', 'ej
*samaritan*pu' veng yI'elQo', 6 'ach yISra'el tuq DI'raqmey
luchIlpu'bogh tIve'. qaq. 7 Suve'taHvIS, nuvpu'vaD pemaq 'ej pejatlh:
> pawpu' chalmey wo'. < 8 ropwI'pu' tIvor, *leper*pu' tISay'moH,
HeghwI'pu' tIyInqa'moH, *demon*pu' tIvuj. DaH SuHevpu' 'ej
SuHevtaHvIS, pagh Huch bonobnISpu', vaj tuch SunobtaHvIS, pagh Huch
yIpoQ. 9 qoghmeyrajDaq, pagh qol'om, pagh SIrlIy, pagh Sorpuq je
tIghaj, 10 pagh leng buq, pagh Sut cha'DIch, pagh waqmey, pagh naQ je
tItlhap; SojDaj qotlh vumwI'. 11 veng vengHom ghap bo'elDI', quvwI'
yISam, 'ej pa' peratlh, vengvamvo' vengHomvamvo' ghap SutlheDpa'. 12
juH bo'eltaHvIS, juHvam yIvanmeH pejatlh: > juHvamDaq roj tu'lu'jaj. <
13 'ej quvchugh juHvam, vaj juHvam paw rojraj; 'ach quvbe'chugh, vaj
lIchegh rojraj. 14 'ej lIlajbe'chugh vay', 'ej mu'meyraj QoyQo', vaj
juHvamvo' vengvamvo' ghap SutlheDtaHvIS, qamDu'rajvo' Do'ol boteqmeH
qamDu'raj tItav. 15 tlhIHvaD vIt vIjatlh: > *sodom* *gomorrah* je
SepDaq SIQlaH vay', qaStaHvIS yoj jaj, 'ach vengvamDaq SIQlaHbe' vay'.
<

16 yIlegh, SangeH, 'ej *wolf*mey Sep chIqbogh DI'raqmey'e' borur;
meqvammo', gharghmey wuqmeH laH pov yIghaj, 'ach *dove*mey ghob yIghaj
je. 17 tlhIHvaD rIpmey jaHmoH nuvpu', 'ej chIrghmeychajDaq lIqIpmeH,
qIpmeH tlhegh lulo'; vaj peyep. 18 'ej jIHmo', che'wI'pu'vaD ta'pu'vaD
SepmeyvaD je SumaqmeH, che'wI'pu'Daq ta'pu'Daq je boqemlu'. 19 'ach,
chaHDaq boqemlu'DI', mu'mey bojatlhnISbogh tInabQo', jatlhmeH Ho'DoS
bolo'nISbogh yInabQo', 'ej pebItQo'; ngugh, tlhIHvaD mu'mey
bojatlhnISbogh lunoblu'; 20 SujangtaHvIS, Sujatlhbe' tlhIH'e', 'ach
jatlh lIDabbogh vavra' qa'. 21 HeghmeH loDnI'Daj, loDnI' magh loDnI',
'ej HeghmeH puqDaj, puq magh vav, 'ej vavpu'chajmo' SoSpu'chajmo' je
Daw' puqpu', 'ej vavpu'chaj SoSpu'chaj je HoH puqpu'vam. 22 'ej
pongwIjmo' lImuStaH Hoch. 'ach, SIQchu'pu'bogh nuv 'ej buppu'be'bogh
toDlu'. 23 vengvamvo' SuHaw'meH boraDlu'DI', latlh veng bojaHmeH
petlheD. tlhIHvaD vIt vIjatlh > Hoch yISra'el vengmey bochIqpu';
pawpa' Human puqloD, Qu'vam boturlaHbe'. <

24 pagh ghojwI' nIv law' ghojmoHwI' nIv puS, 'ej pagh toy'wI''a' nIv
law' joHDaj nIv puS. 25 tagha', ghojmoHwI'Daj rurchu'chugh ghojwI' vaj
ghojwI'vamvaD yap, 'ej tagha', joHDaj rurchu'chugh toy'wI''a', vaj
toy'wI''a'vamvaD yap. juH pIn'a'vaD *beelzebul* ponglu'pu'chugh, vaj
jaSHa' juHDaj nuvpu' lupongbe'lu' ? 26 nuvpu'vam tIbamvIpQo'; tagha',
Hoch vellu'pu'bogh 'anglu', 'ej tagha' Hoch So'lu'pu'bogh Sovlu'.

27 qaStaHvIS Hurghchu'ghach, mu'mey Sajatlhbogh, qaStaHvIS
wovchu'ghach mu'meyvam tIjatlh, 'ej qoghDaq vay' tlhuplu'chugh,
bebmeyDaq vay'vam yImaq. 28 'ej porgh luHoHbogh nuvpu' 'ach qa'
luHoHlaHbe'bogh tIbamvIpQo'. *gehenna*Daq qa' porgh je ngeHlaHchugh
vay', vaj vay'vam yIbamvIp. 29 wa' *assarion* 'oHbe''a' cha'
*sparrow*mey DIlmeH Huch'e' ? 'ach, yavDaq pum pagh *sparrow* 'e'
chaw'be'chugh vavra'. 30 tlhIH'e' vabDot nachDu'raj jIb toghlu'pu'. 31
vaj peHajQo'; tlhIH pIm law' *sparrow*mey law' pIm puS.

32 nuvpu' tlhopDaq, mulajchugh vay', vaj chal vavwI' tlhopDaq nuvvvam
vIlaj je. 33 'ach nuvpu' tlhopDaq, mulajQo'chugh vay', vaj chal vavwI'
tlhopDaq nuvvvam vIlajQo' je.

34 tera'Daq roj vIqaSmoHmeH jIpawpu' 'e' yIHarQo'; roj 'oHbe'
ngoQwIj'e'. taj 'oH ngoQwIj'e'. 35 nuvvaD vavDaj vIqaDmoHmeH,
puqbe'vaD SoSDaj vIqaDmoHmeH, 'ej tlhoghbogh be'vaD loDnalDaj SoS
vIqaDmoHmeH jIpawpu'. 36 'ej juHDaj nuvpu' chaH nuv jaghpu''e'.

37 mumuSHa'chugh vay', 'ach vavDaj SoSDaj joq muSHa'qu', vaj
muqotlhbe' nuvvam. 'ej mumuSHa'chugh vay', 'ach puqloDDaj puqbe'Daj
joq muSHa'qu', vaj muqotlhbe' nuvvam. 38 'ej joy'meH me'cheDDaj
tlhapbe'chugh vay', 'ej jIH 'emDaq tlha'be'chugh, vaj muqotlhbe'
nuvvam. 39 yInDaj toDchugh vay' Hegh nuvvam, 'ej jIHmo' Heghchugh
vay', vaj yInDaj Suq nuvvam.

40 mulaj lIlajbogh vay', 'ej mungeHbogh ghaH'e' laj mulajbogh vay'. 41
tuch rItwI' ghaHmo' nuv'e', nuvvam lajchugh vay', vaj tuch rItwI' pop
Hev, 'ej ghob nuv ghaHmo' nuv'e', nuvvam lajchugh vay', vaj ghob nuv
pop Hev. 42 'ej ghojwI'pu'wI' chaHmo' ramwI'pu'vam'e', wa'vaD wa'
HIvje' bIQ bIr nobchugh vay', vaj > tlhIHvaD vIt vIjatlh < popDaj
weSbe' vay'vam. <<<

~ hkjkhjhj


More information about the tlhIngan-Hol mailing list