[tlhIngan Hol] reH, mulajqangbogh nuvpu' tu'lu'.

mayqel qunen'oS mihkoun at gmail.com
Mon Jun 17 09:56:34 PDT 2019


DebDaq, yIttaHvIS *melkor* HarwI', Qub. tIqDajDaq jatlh:

joHwI' Hurgh vItlha'meH, Hoch vIlonpu'. tagha', nuq vISuq ?

ngugh, mu'meyvam QubtaHvIS, pay' nargh *melkor*, 'ej bochqu'mo', bejlaHbe'
HarwI'Daj..

ghIq, jatlh *melkor*:

Hochlogh, tera'vamDaq jIleng; Hochlogh, tera'vamDaq mulajqangbogh nuvpu'
tu'lu'.

chaq, latlh Qunpu'qoq quvmoH nuvpu', 'ach qaStaHvIS ram, jIHvaD tor, jIH'e'
mulajchu'.

Qun mIgh nej Human mut, Human mutvaD, tlhabna' vInoblaHmo' jIH'e' neH.

mu'meyvam jatlhpu' *melkor*, 'ej ngabtaHvIS, tlhup HarwI'Daj, tortaHvIS..

jatlh:

quv, quv, quv, Hurghchu'ghach joHma'; meQjaj latlh Qunpu'qoq Hoch.
tera'vammo', ngabchu'jaj.

~ m. qunen'oS
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20190617/99bf96b1/attachment.html>


More information about the tlhIngan-Hol mailing list