[tlhIngan Hol] According to Matthew chapter 8

mayqel qunen'oS mihkoun at gmail.com
Mon Jun 17 01:09:06 PDT 2019


http://www.klingonwiki.net/En/GospelOfMatthew

'ay' chorgh

1 'ej HuDvo' ghIrDI' *jesus*, lutlha' Dojmey. 2 'ej pelegh, paw
*leper*, 'ej *jesus* tlhopDaq tortaHvIS, jatlh: >>> joH, choSay'moHlaH
DaneHchugh .<<< 3 'ej ghIq, SIch *jesus* ghop, *leper* Hot, 'ej
*leper* HottaHvIS *jesus*, jatlh: >>> jIneH, yISay'choH .<<< 'ej SIbI'
ngab loDvam rop. 4 'ej ghaHvaD, jatlh *jesus*: >>> paghvaD, wanI'vam
Da'angnIS, vaj yIyep. 'ach Qun 'oSwI'vaD bI'agh'eghmeH, ghaH yIjaH,
'ej Say'chu'ghachlIj tobbogh nav DaHevmeH, nob Delpu'bogh *moses*
yInob. <<<

5 *capernaum* 'elDI' *jesus*, *jesus* jaH wa'vatlh mang ra'wI', 'ej
tlhobtaHvIS 6 jatlh: >>> joH, juHDaq QottaH puqwI', vIHlaHbe'chu'mo',
'ej bep vItlhmo' bechqu' .<<< 7 'ej jatlh *jesus*: >>> juHlIj vIjaH,
'ej puqlI' vIvor. <<< 8 'ej jangtaHvIS ra'wI', jatlh: >>> bebwIj bIng
Da'el 'e' vIqotlhbe', jIlo'laHbe'mo'. 'ach bIra'meH mu' yIjatlh, 'ej
pIvchoH puqwI'. 9 latlhpu' teblaw' vIlob, 'ach mangpu' vIra', 'ej
wa'vaD jIjatlh: > yIjaH <, vaj jaH mangvam, 'ej latlhvaD jIjatlh: >
HIghoS <, vaj mughoS, 'ej toy'wI''a'wI'vaD jIjatlh: > yIHeQ <, vaj HeQ
<<< 10 Qoypu'DI' *jesus*, Ho', 'ej tlha'wI'pu'DajvaD jatlh: >>>
tlhIHvaD, vItna' vIjatlh: > not, HarmeH laHvam vItlh vItu'pu', vabDot
not *israel*Daq HarmeH laHvam vItlh vItu'pu' <. 11 'ej tlhIHvaD
jIjatlh > chanvo' tIng 'evvo' je paw nuvpu' law', 'ej chalmey wo'Daq
nItebHa' ba' nuvpu'vam *abraham* *isaac* *jacob* je, 12 'ach Hur
Hurghchu'ghachDaq wo' puqloDpu' luvo'lu'; pa', SaQtaH, 'ej pe'vIl
qIpqu'chuqtaH Ho'Du'chaj .< <<< 13 'ej ra'wI'vaD jatlh *jesus*: >>>
yIjaH; bIHarpu', 'ej SoHvaD jaSHa' qaSjaj. <<< 'ej poHvetlh pIvchoH
puqDaj.

14 'ej *peter* juH pawDI' *jesus*, *peter* be'nal SoS legh; Qot be'vam
'ej ghurpu' porghDaj Hat. 15 'ej ghopDaj Hot *jesus*, 'ej motlhchoH
porghDaj Hat, 'ej Hu' be', 'ej *jesus* toy'choH. 16 DorchoHDI' pem,
*jesus*vaD nuvpu' law''e' SeHchu'bogh *demon*pu' luqemlu', 'ej
qa'pu'vam vujmeH *jesus*, wa' mu' lo', 'ej ropbogh Hoch vor. 17 vaj,
*isaiah* tuch rItwI' mu'mey lutoblu'; jatlhpu' *isaiah* tuch rItwI':
>>> pujmeymaj tlhappu' ghaH, 'ej ropmeymaj lelpu' ghaH. <<<

18 *jesus* luDech Dojmey law' 'e' leghDI' *jesus*, Dop Dop lujaHmeH,
ra'. 19 'ej *jesus*Daq chol wa' *scribe*, 'ej *jesus*vaD jatlh: >>>
ghojmoHwI', Hoch ghochlIj DaqDaq qatlha' .<<< 20 'ej ghaHvaD jatlh
*jesus*: >>> juHmey ghaj qeSHoSmey, ngunmeH Daqmey ghaj chal
bo'Deghmey, 'ach nach leSmeH Daq ghajbe' Human puqloD. <<< 21
*jesus*vaD, jatlh latlh *jesus* ghojwI': >>> joH, vavwI' vImolmeH,
jItlheD jIHvaD 'e' yIchaw', qatlha'choHpa'. <<< 22 'ach ghaHvaD jatlh
*jesus*: >>> HItlha', 'ej HeghwI'pu'chaj Qorgh HeghwI'pu' 'e' yIchaw'.
<<<

23 bIQ'a' Duj tIjDI' *jesus*, lutlha' ghojwI'pu'Daj. 24 'ej pelegh,
Qom bIQ'a', 'ej bIQ'a' Duj luvel yu'eghmey, 'ach Qong *jesus*. 25 'ej
*jesus*Daq chol ghojwI'pu'Daj, 'ej luvemmoH jatlhtaHvIS: >>> joH,
ghotoD, maHegh. <<< 26 ghIq, chaHvaD jatlh *jesus*: >>> qatlh nuchpu'
tlhIH, Harqu'laHbe'wI'pu' ? <<< ghIq Hu' *jesus*, SuSmey bIQ'a' je
qun, 'ej ghanHa'choH Hoch. 27 'ej Ho' Hoch, jatlhtaHvIS: >>> vabDot
lulob SuSmey bIQ'a' je; nuvvam Sar perlaH 'Iv ? <<<

28 Dop Dop, *gergesene*pu' Sep, pawDI' *jesus*, luqIH cha' nuvpu''e'
SeHchu'bogh *demon*pu'. molmeyvo' jaH, 'ej HajmoHwI'pu' chaHmo',
tawvetlh chIqlaH pagh. 29 'ej pelegh, jach jatlhtaHvIS: >>> chay'
marurchuq maH SoH je, *jesus* Qun puqloD ? jujoy'meH, naDev
Dapawta''a', qaSchoHpa' bIjmaj poH ? <<< 30 qaStaHvIS wanI'meyvam,
*pig*mey law' yughbogh ghom tu'lu'; Hop. 'ej *pig*meyvam je' 'op
nuvpu' 31 'ej *jesus* lutlhobtaH *demon*pu', jatlhtaHvIS: >>> nuvvam
wImej 'e' DaqaSmoHchugh, *pig*mey ghom wIjaH 'e' yIchaw'. <<< 32 'ej
chaHvaD jatlh *jesus*: >>> pa' yIjaH. <<< ghIq, Haw' *demon*pu', 'ej
*pig*mey ghom lujaH. 'ej pelegh, qoj jaHmeH *pig*mey ghom, nom qet;
bIQ'a'Daq pum, 'ej bIQmeyDaq Hegh. 33 mej *pigmey* je'bogh nuvpu',
veng lujaH, 'ej Hoch wanI'mey Del, vabDot nuvpu''e' SeHchu'bogh
*demon*pu' bopbogh wanI'mey Del. 34 'ej pelegh, *jesus* luqIHmeH veng
rewbe'pu' Hoch, veng luHaw', 'ej luleghDI', veHmeychaj mejmeH *jesus*,
lutlhob.

~ m. qunen'oS


More information about the tlhIngan-Hol mailing list