[tlhIngan Hol] According to Matthew chapter 5

mayqel qunen'oS mihkoun at gmail.com
Fri Jun 7 06:35:15 PDT 2019


When I was a beginner, people where telling me that translations are
an extremely difficult and complex work.

Now I know why..

http://www.klingonwiki.net/En/GospelOfMatthew

'ay' vagh

1 Dojmey leghDI' *jesus*, HuD toS, 'ej ba'DI', chol ghojwI'pu'Daj
(QoywI'pu'Daj), 2 'ej chaHvaD ghojchoHmoH *jesus* 'ej jatlh:
3 >>> Quchjaj nguqbe'wI'pu', wo'chaj 'oHmo' chalmey wo''e'.
4 Quchjaj 'IQwI'pu', chaH luyonmoHlu'mo'.
5 Quchjaj vIDbe'wI'pu', quHchaj 'oHmo' tera''e'.
6 Quchjaj ruv luneHqu'bogh nuvpu', chabalchaj luHevmo' chaH.
7 Quchjaj pung lu'aghbogh nuvpu', chaHvaD pung 'aghlu'mo' je.
8 Quchjaj qa' watlh nuvpu', Qun luleghmo' chaH.
9 Quchjaj rojwI'pu', chaHvaD Qun puqpu' luponglu'.
10 ruv luneH 'op nuvpu''e', 'ej meqvammo' nuvpu'vam lughImlu'..
Quchjaj nuvpu'vam, wo'chaj 'oHmo' chalmey wo''e'.
11 jIHmo', bonuSlu'chugh, boghImlu'chugh, 'ej bopumlu'meH neplu'chugh,
ngugh SuQuchjaj.
12 peQuch, 'ej pebelqu', chalmeyDaq law'mo' popmeyraj. Suboghpu'pa',
jaSHa' tuch rItwI'pu' lughImlu' net Sov.

13 tera' Hap na' tlhIH; na'be'choHchugh Hap na', vaj chay' na'qa'laH ?
na'be'choHchugh Hap na', vaj lo'laHbe'; HurDaq Hapvam polHa'lu' 'ej
Hapvam lugho' nuvpu'. ngoQvam neH chavmeH, lo'laH na'be'bogh Hap. 14
qo' tamghay tlhIH. HuD Daq jenqu'Daq 'oHtaHchugh veng'e', vaj
So'laHbe' vengvam. 15 'ej tamghay jan chu'lu'chugh, juvmeH 'unwat
bIngDaq janvam lanbe'lu'. 'ach raS wochDaq tamghay jan lanlu', 'ej juH
nuvpu' HochvaD boch. 16 jaSHa', Hoch nuvpu'vaD bochnIS ta'meyraj
tamghay, vaj tameyraj QaQ leghDI' nuvpu', chalmey Dabbogh vavra'
lunaDchoH nuvpu'.

17 chut'a' vIQaw'meH qoj tuch rItwI'pu' mu'mey vIQaw'meH, jIpawta' 'e'
yIHarQo'. QIH 'oHbe' ngoQwIj'e'. jInaQmoHmeH jIpawta'. 18 tlhIHvaD
vItna' vIDel; vanpa' chal tera' je', 'ej, rInpa' Hoch, choHbe' wa'
chut'a' ngutlh machqu' wa' chut ghItlhwI' ta' je. 19 chutmey
vIcherpu'; wa' chut potlh neH bIvchugh vay', 'ej jaSHa' nuvpu'vaD
ghojmoHchugh vay', chalmey wo'Daq ghaHvaD lo'laHbe'wI' ponglu'.
pabchugh vay' 'ej ghojmoHchugh vay', ghaHvaD chalmey wo'Daq DunwI'
ponglu'. 20 tlhIHvaD jIjatlhchu': > ghobraj law'qu' law' *scribe*pu'
*pharisee*pu' je ghob law'qu' puS; qaSbe'chugh ghu'vam, chalmey wo'
bo'elbe'qu'. <

21 tIQwI'pu'vaD jatlhlu'ta': > pechotQo'; chotchugh vay', vaj qaSDI'
yoj, DIv . < mu'meyvam DaQoypu'. 22 'ach, tlhIHvaD jIjatlh: >
loDnI'Dajmo' QeHchoHchugh vay', 'ej pagh meq tu'lu', vaj qaSDI' yoj,
DIv; < loDnI'DajvaD jatlhchugh vay': > QoH <, vaj qaSDI' loHwI'pu'
rIp, DIv. > QIpwI' < jatlhchugh vay', qul *gehenna*Daq nuvvam ngeHlu',
DIvmo'. 23 'anmoHmeH DaqDaq cha'noblIj DanobtaHvIS, 'ach SoHmo'
belHa'choHpu' loDnI'lI', pa' 'e' Daqawchugh, 24 ngugh, pa', 'anmoHmeH
Daq tlhopDaq cha'noblIj yIlan, wa'DIch loDnI'vaD yIroj, 'ej ghIq
yIchegh, 'ej cha'noblIj yInob. 25 nom, ghollI'vaD yIDochHa'choH,
vabDot bo'DIj bojaHtaHvIS, ghollI'vaD yIDochHa'choH; jaSHa'
bIvangbe'chugh, vaj chaq loHwI'vaD Dunob ghollI', yaSvaD Dunob loHwI',
'ej pe'vIl SoHvaD bIghHa' jaHmoH yaS; 26 SoHvaD vItna' vIDel,
jIjatlhtaHvIS: > Huch jengva' Qav Danobpu'pa', bIghHa' Damejbe' .<

27 tIQwI'pu'vaD jatlhlu'ta': > bItlhoghpu'DI', latlh yIngaghQo' .< 28
'ach tlhIHvaD jIjatlh: > be' neHqu'meH loD, be'vam bejchugh loDvam,
ngugh qa'DajDaq be'vam ngaghpu'bej loDvam .< 29 Dutlhu'moHchugh nIH
mInlIj, vaj mInvam yIlel 'ej yIpolHa'. wa' qIvonlIj polHa'lu' pagh
*gehenna*Daq porghlIj Hoch polHa'lu'; SoHvaD, qaq DuH wa'DIch. 30 'ej
Dutlhu'moHchugh nIH ghoplIj, vaj ghopvam yIchev 'ej SoHvo' yIvo'. wa'
qIvonlIj polHa'lu' pagh *gehenna*Daq porghlIj Hoch polHa'lu'; SoHvaD,
qaq DuH wa'DIch.

31 jatlhlu'pu': > loDnalDaj lonmeH be', be'vam raDchugh loDnalDaj, vaj
be'vamvaD tlhogh chevchu'ghach nobnIS loDnalDaj .< 32 'ach tlhIHvaD
jIjatlh: > latlh loD ngaghbe'chugh be'nal, 'ej be'nalvamvaD tlhogh
ghangchugh loDnalDaj, vaj be'nalvamvaD latlhpu' ngaghmoH loDnalDaj.
'ej tlhogh chevchu'ghach ghajchugh wa' be', 'ej be'vam tlhoghchugh
loD, vaj latlh loD tlhoghpu'bogh be' ngagh loDvam, 'a vanbe' be'vam
tlhogh vorgh. <

33 tIQwI'pu'vaD jatlhlu'pu', 'ej mu'meyvam rap boQoypu' je: >
bI'IptaHvIS yIlay'Ha'qangQo'; 'ach joHlI'vaD 'IplIj yIpab. < 34 'ach
jIjatlh > pe'IpqangQo'; 'IpvaD chal rItchugh vay', vaj muj wanI'vam,
Qun quS'a' 'oHmo' chal'e'; 35 tera' rItchugh vay', vaj muj wanI'vam,
Qun qamDu' leSwI' 'oHmo' tera''e'; yeru'Sala'yIm rItchugh vay', vaj
muj wanI'vam, voDleH Dun veng 'oHmo' yeru'Sala'yIm'e'; 36 nachDaj
rItchugh vay', vaj muj wanI'vam, pagh jIb chISchoHmoHlaHmo' 'ej pagh
jIb qIjchoHmoHlaHmo'. 37 {HIja'} {luq} je mu'mey bojatlhchugh, vaj
{HIja'}na' {luq}na' je bIHnIS mu'meyvam'e', 'ej {ghobe'} mu'
bojatlhchugh, vaj {ghobe'}na' 'oHnIS mu'vam'e'. latlh mu'mey
bojatlhchugh je, vaj 'ongwI'mo' mu'meyvam bojatlh .<

38 jatlhlu'pu' 'ej mu'mey boQoypu': > mInlIj rIQmoHchugh vay' vaj
mInDaj yIrIQmoH je, 'ej Ho'lIj rIQmoHchugh vay' vaj Ho'Daj yIrIQmoH je
< 39 'ach tlhIHvaD jIjatlh > mIghwI' yI'omQo'; 'ach nIH qevpoblIj
qIpchugh vay', vaj ghaHvaD latlh qevpoblIj yI'agh; 40 yIvbeHlIj
nge'meH vay', SoHvaD bo'DIj jaHmoH neHchugh nuvvam, vaj weplIj nge' je
nuvvam 'e' yIchaw'; 41 pagh vI' chorgh qelI'qam chuq chIqtaHvIS vay',
nuvvam DatlhejmeH DuraDchugh, vaj wa' vI' jav qelI'qam chuq chIqtaHvIS
nuvvam yItlhej; 42 ghaHvaD chabal DanobmeH Dutlhobchugh vay', vaj
ghaHvaD yInob, 'ej ghaHvaD chabal DanojmeH Dutlhobchugh vay', vaj
yIlaj. <

43 jatlhlu'pu' 'ej mu'mey boQoypu': > jIllI' yImuSHa', 'ej jaghlI'
yImuS. < 44 'ach tlhIHvaD jIjatlh: > jaghpu'ra' tImuSHa', tlhIHDaq
mu'qaDmey bachchugh nuvpu', vaj nuvpu'vam tInaD, lImuSbogh nuvpu'
tIQaHqu', lIQIHchugh 'ej lI'Irghqu'chugh nuvpu' vaj nuvpu'vam QaHmeH
Qun, Qun yItlhob; 45 SuHeQchugh, chalmey vavra' puqpu' tlhIHchoH. 'ej
qaS wanI'vam, mIghbe'wI'pu'vaD mIghwI'pu'vaD je jul bochmoHmo' Qun,
'ej maywI'pu'vaD maybe'wI'pu'vaD je SISmoHmo' Qun. 46 lImuSHa'bogh
nuvpu' bomuSHa'chugh, vaj qatlh tlhIHvaD pop nobnISlu' ? jaSHa'
vangbe''a' ghogh'otmey Huch SuqwI'pu' ? 47 'ej juppu'ra' neH
bovanchugh, vaj qatlh le' vangtaHghachvam ? jaSHa' vangbe''a'
ghogh'otmey Huch SuqwI'pu' ? 48 pov chalmey vavra'; vaj, jaSHa'
pepov'eghmoH.

~ m. qunen'oS
jesus christ, Qun puqloD, jIHvaD pung yI'agh


More information about the tlhIngan-Hol mailing list