[tlhIngan Hol] According to Matthew chapter 4

mayqel qunen'oS mihkoun at gmail.com
Mon Jun 3 08:24:14 PDT 2019


naHqun,

I went to the wiki to start adding the translation, and all I managed was this:
http://www.klingonwiki.net/En/TheGospelAccordingtoMatthew

So, if it's not much trouble, delete that page, create another one
(where you want me to be posting the translation) and send me the
link.

With this being said, here is the fourth chapter..

‘ay’ loS.

1 ghIq, *jesus* tlhu’moHmeH *devil*, *jesus*vaD Deb pawmoHmeH Qun qa’
quvqu’. 2 ‘ej qaSpu’DI’ loSmaH pem loSmaH ram je, ‘ej qaStaHvIS
jajmeyvam, ’op Soj SoptaHQo’, ghIq ghungchoH. 3 ngugh, ghaHDaq chol
tlhu’moHwI’, ‘ej jatlh: >>> Qun puqloD SoHchugh, tIr ngoghmey mojmeH
naghmeyvam, tIra’. <<< 4 ‘ach jang *jesus*; jatlh: >>> > taHlaHmeH
Human, tIr ngogh ghajnIS, ‘ach yapbe’; Hoch mu’’e’ jatlhbogh Qun
ghajnIS je < pa’logh, mu'meyvam lughItlhlu'ta'. <<< 5 ghIq, *jesus*
tlhap *devil*, ‘ej veng quvqu’Daq qem, ‘ej chIrgh beb HeHDaq QammoH 6
‘ej *jesus*vaD jatlh: >>> Qun puqloD SoHchugh, yavDaq yIpum’eghmoH,
mu'mey veb lughItlhlu’ta’mo’: > qamlIj rIQmoHbe’meH nagh, SoHvaD
*angel*pu’Daj ra’, vaj ghopDu’chajDaq nI’uch. < <<< 7 ghaHvaD jatlh
*jesus* >>> > joHlI', QunlI' yIqaDQo' < pa'logh, mu'meyvam
lughItlhlu'ta' je . <<< 8 *jesus* tlhapqa' *devil*, 'ej HuD jenqu'Daq
*jesus* qem *devil*, 'ej *jesus*vaD, qo' wo'mey Hoch, ngay'chaj je
cha' 9 'ej *jesus*vaD jatlh: >>> bItorchugh 'ej choquvmoHchugh, vaj
SoHvaD Hoch Daleghbogh vInob <<< 10 ghIq ghaHvaD jatlh *jesus*: >>> >
joHlI'vaD, QunlI'vaD yItor, 'ej ghaH neH yIquvmoH < pa'logh, mu'meyvam
lughItlhlu'ta'mo', jIH 'emDaq yIjaH *satan* ! <<< 11 ghIq, *jesus* lon
*devil*, 'ej pelegh, paw *angel*pu' 'ej lutoy'.

12 jan qoplu'pu'; *jesus*vaD ngoDvam SovmoHlu'pu'DI', *galilee* jaHmeH
*jesus* tlheD, 13 *nazareth* mejDI' *jesus*, *capernaum* jaH 'ej
vengvam Dab. *zebulun* tuq *napthali* tuq je veHmeyDaq bIQ'a' retlhDaq
'oHtaH *capernaum*'e', 14 vaj *isaiah* tuch rItwI' SoQ tob wanI'vam.
jatlhpu' *isaiah*: 15 >>> *jordan* HayDaq, bIQ'a' SumDaq, bIHtaH
*zebulun* tuq Sep'e' *napthali* tuq Sep'e' je; *jew*pu' chaHbe'bogh
nuvpu''e' *galilee* bIH Sepmeyvam'e', 16 jul tInqu' lulegh
Hurghchu'ghach luSIQbogh nuvpu''e'; Hegh Hegh QIb je Sep luDabbogh
nuvpu'vaD nargh tamghay Dun. <<< 17 ngugh, ghojchoHmoH *jesus* 'ej
jatlh >>> jaS pevangchoH; lIb chalmey wo'. <<<

18 yIttaHvIS *jesus* 'ej SumtaHvIS *galilee* bIQ'a, cha' loDnI'pu'
legh; *simon* (*simon*vaD, *peter* ponglu') *andrew* (*peter* loDnI')
je chaH loDnI'pu'vam'e', 'ej ghotI'mey SuqwI'pu' chaHmo', bIQ'a'Daq
tlhegh SIr'o' luvo'; 19 'ej chaHvaD jatlh *jesus* >>> HItlha', 'ej
tlhIHvaD, nuvpu' SuqwI'pu' vImojmoH. <<< 20 vaj, SIbI' tlhegh SIr'o'
lulon 'ej *jesus* lutlha'choH. 21 ghIq, yItqa' *jesus*, 'ej Daqvetlh
mejDI', cha' latlh loDnI'pu' legh; *james* (*zebedee* puqloD) *john*
(*james* loDnI') chaH loDnI'pu'vam'e'. bIQ'a' DujDaq chaHtaH
loDnI'pu'vam'e' 'ej loDnI'pu'vam tlhej *zebedee* (vavchaj). bIQ'a'
DujDaq chaHtaHvIS, tlheghmey SIr'o'meychaj leH, 'ej ngugh *james*
*john* je rIt *jesus*. 22 SIbI', vavchaj Dujchaj je mej, 'ej *jesus*
lutlha'choH.

23 'ej *galilee* HochDaq ve'taH *jesus*; ve'taHvIS, chIrghmeychajDaq,
chaHvaD QaQbogh wo' De'mey chu' ghojmoH, 'ej roghvaH rop Sarmey Hoch
vor. 24 'ej Surya' HochDaq noychoH *jesus*. 'ej ghaHDaq, nuvpu' Sar
law' lu'qemlu'.. rop 'op, ropmey Sarmo' 'oy' 'op, 'op nuvpu' qa'pu'
SeHchu' Deppu' mIgh, *epileptic*pu' chaH 'op nuvpu''e',
vIHlaHbe'chu'wI'pu' chaH 'op nuvpu''e'; 'ej Hoch nuvpu'vam vor
*jesus*. 25 'ej *jesus* lutlha'pu' Dojmey. *galilee* nuvpu',
*decapolis* nuvpu', yeru'Sala'yIm nuvpu', *judea* nuvpu', *jordan* Hay
nuvpu' je yugh Dojmeyvam.

~ m. qunen'oS
woe unto you scribes and pharisees


More information about the tlhIngan-Hol mailing list