[tlhIngan Hol] How would you express "root of a tree" ?

Daniel Dadap daniel at dadap.net
Mon Jul 15 05:32:46 PDT 2019


> On Jul 15, 2019, at 06:47, mayqel qunen'oS <mihkoun at gmail.com> wrote:
> 
> 'ej safe sex mu'mey QoytaHvIS 'op nuvpu', ngugh qaS lot ! 'InSep QanwI'mey qelnISmo'..

wejHa' jatlhlu', 'a chaq jatlhqa'nISlu': qay'be' mu'mey. qay' lo'chaj. rut mIt mu'meyvam: ropchoHlu' qoj bong yatlhchoHlu' net botmeH vay' ghojmoHlu' mItbej. 'a pagh ghojmoH QInvam.

bIghItlhpu'; bIjatlhpu':

> qaStaHvIS yInna', mu'qaDmey bach nuvpu', 'ej Qutbogh mu'tlheghmey lo'.


qaStaHvIS yInna'wIj, QInmey law'qu' vIlaD. tlhIngan Hol ngaS QInmey puSqu' vIlaDbogh. mu'qaD ngaS QInmey puSqu' vIlaDbogh. Hol Qut ngaS QInmey puSqu' vIlaDbogh. 'a naDev mu'qaD, Hol Qut je ngaS QInmey law' DaghItlhbogh. uSujqu'be' wanI', 'a vay' Suj 'e' vIjallaHchu'. vabDot nenpu'wI' mawlaH.

chaq SoHvaD motlhchu' mu'qaD, Hol Qut je 'ej SujawtaHvIS SoH juppu'lI' je roD pe'vIl mu'qaD SubachtaH 'ej qay'be'. 'a ghot DaSovbe'bogh DaqIHDI', pIj Hol Qut Dalo''a'? 'Iv chaH QIn tetlhvam vInDa'pu''e'? chaH DaSovchu''a'?

Sep tlhab vIDab. Hoch meq vIneHbogh vIrIchlaH net chaw'. 'a veH tu'lu'. vay' vImorgh vIneHchugh 'echletDaq mu'tlhegh vIghItlhlaH 'ej 'echletvam vI'aghlaH tawDaq jIyIttaHvIS 'ej jIjachqu'taHvIS. 'a mawbogh Hol Qut ngaSchugh mu'tlheghwIj, vIqoplu'chugh vImerbe'qu'lu'. vaj «Hoch» rIchlu' net chaw' tlhIngan Hol lo'lu'taHvIS 'e' maqchugh chutmey, 'ej Hol Qutmo' vay' vujlaH loHwI' 'e' maqchugh je, *Hochna''e'* rIchlu' net chaw'be'law'.

Hoch meq rIchlu' net chaw'. Qutlu' net tuch. meqmeylIj Dangu'bogh rIchlaH vay', Qutbe'taHvIS. Qutbe' porgh 'ay'Du' porghQeD mu'tay' je. Qutbe' ngaghmeH mIw, ngaghmeH QanwI' mu'tay' je. 'a QutlaHbej mu'tay'vam ngaSbogh mu'tlhegh'e'.

«Qut 'ej mawlaH QInlIj» jatlhDI' vay', ghaytan Qut 'ej mawlaH. maw pagh mawbe' QIn 'e' noHbe' QIn qonwI'. noH QIn laDwI'. qamaw 'e' vIHechbe', 'a Dumaw QInwIj 'e' DaHarbejchugh, vaj Dumaw. qamaw 'ej qamawqa'chugh 'ej jImev 'e' Datlhobchugh 'a chaballIj vIqImHa'chugh, vaj mun loHwI' 'e' DatlhoblaH 'ej jIqay' pagh jIqay'be' 'e' noHlaH loHwI'.

qay' QInmeylIj Dajatlhchugh nuvpu' vaj chaq qeSchaj DaqelnIS. Qapbe' nugh Hoch ta''e' neHbogh ta'chugh Hoch ghot. vaj majIjqangnISqu'.



More information about the tlhIngan-Hol mailing list