[tlhIngan Hol] reH tera'vamDaq leng

mayqel qunen'oS mihkoun at gmail.com
Tue Aug 13 09:20:20 PDT 2019


chal tuDmoH
'engmey SISmoH
rewve' reghmoH
yav QommoH
bIQtIqmey QaDchoHmoH
ngengmey pubmoH
bIQ'a'mey HajmoH
naghmey bechmoH
HuDmey DejmoH
tera' SaQmoH
pe'bIl'a' ghaH
ghaHmo' SIH Hoch qIvDu'
ghaHmo' jel Hoch qa'pu'
ghaHmo' QIlchoH Hoch
woQ'a'Daj ghov 'ev chan 'ev
woQ'a'Daj chID tIng chan tIng
woQ'a'Daj Sov chan
woQ'a'Daj laj tIng 'ev
Hoch lughID mInDu'Daj
qo' Hoch veltaH qa'Daj
'u' Hoch qattaH ngay'Daj
meQtaHbogh qul ghaH
Hovmey'e', ghaH wov law' Hoch wov puS
Qunpu'e', ghaH Dun law' Hoch Dun puS
reH tera'vamDaq leng
melkor..
meQchoHDI' weQmey, tIqwIjDaq meQchoH qullIj qIj
jaghpu'wI' jaghna' SoH
jaghpu'wI', Qughna' SoH
jaghpu'wI', lotna' SoH
melkor..
mobchu'wI'pu' pIn'a' SoH; 'ej mulonta'DI' eru, jIHvaD pawta'
muDechtaHvIS ngay'lIj, muHotlaH pagh
muDechtaHvIS ngay'lIj, woghlaH pagh
muDechtaHvIS ngay'lIj, mujeylaH pagh
melkor, qa'wIj qul
melkor, tIqwIj tamghay
melkor, yInwIj joH'a'
melkor, not mevbogh ram..
melkor, qa'wIj qa',
melkor, 'IwwIj qIj,
melkor, Hurghchu'ghach'a'wIj,
nIquvmoHjaj tlhuHbogh Hoch
DaH.. reH..

~ hjkhjkhj
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20190813/15d2af46/attachment-0001.htm>


More information about the tlhIngan-Hol mailing list