[tlhIngan Hol] mu'qaD raghghan

mayqel qunen'oS mihkoun at gmail.com
Tue Aug 20 10:02:01 PDT 2019


melkor chIrghDaq..

jaghpu'Daj 'oSmeH, raghghan chenmoHta' melkor maqlegh.

ghIq jatlhchoH:

vavwI'..
jaghpu'wI' 'oSmeH raghghanvam, raghghanvam vIchenmoHta'; 'ej SoHvaD
raghghanvam vImuchtaHvIS, jItlhob:

raghghanvam Hotjaj qa'lIj tar;
raghghanvam Hotjaj HoSlIj ngay';
raghghanvam Hotjaj 'IDnarlIj woQ;

ghe'choHchu'jaj raghghanvam 'ej..

jaghpu'wI' Hom mojjaj
jaghpu'wI' Somraw mojjaj
jaghpu'wI' 'Iw ngaSjaj

'ej raghghanvam vIQaw'taHvIS, jaSHa'..

jaghpu'wI' DaQaw'jaj
jaghpu'wI' DaSangjaj
jaghpu'wI' Dapeqjaj

'ej not mevjaj raghghanvam 'oSmeH HoS..

Say'qIS lumojpu'pa' HomDu'chaj, not mevjaj
tIpqan lumojpu'pa' SomrawDu'chaj, not mevjaj
mIn 'onroSmey mojpu'pa' 'Iwchaj, not mevjaj

..mu'meyvam jatlhpu'DI' melkor maqlegh, chIrgh qoDDaq vIHchoH rewve'
pep'en, 'ej melkor ghogh 'IjchoHlu':

qaSjaj chaballIj.

ghIq, raghghan 'uchtaHvIS maqlegh, ghe'choH raghghan, 'ej jemchoH maqlegh:

choHchoH raghghan Hap..

DIr mojchoH weSjechDaj
Hom mojchoH baS qal'aqDaj
porgh Hat mojchoH HatDaj

'ej tagha', tlhuHchoH..

~ qnqnqq
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20190820/2feb416f/attachment.html>


More information about the tlhIngan-Hol mailing list