[tlhIngan Hol] boQwI' jaj mu'
De'vID
de.vid.jonpin at gmail.com
Thu Apr 18 14:17:36 PDT 2019
On Thu, 18 Apr 2019 at 22:39, Daniel Dadap <daniel at dadap.net> wrote:
>
> > On Apr 18, 2019, at 13:57, SuStel <sustel at trimboli.name> wrote:
> >
> > ghuH vI'uyDI', chu''egh boQwI' 'ach jaj mu' cha'be'.
>
> nIqHom Seng Datu'law'pu'. Seng tetlhDaq Seng DaDelbogh vItu'be'. 'ach
> rurlaw'bogh Sengvam vItu':
>
> https://github.com/De7vID/klingon-assistant-android/issues/15
>
> pImbej SenglIj: qaSDI' ghu''e' Delbogh Daqvam, mu' muj cha' boQwI', 'ach
> qaSDI' ghu' DaDelbogh, pagh mu' cha'law'. 'ach mu' muj cha'laHchugh nIqHom,
> vaj mu' cha' net pIHba'.
>
ghaytan Sengvam rurbogh ghu' SIQ SuStel.
> De'vID, Qap jaj mu' ghuH 'e' DapIH'a'?
>
Qap, reH 'e' vIpIH. Qapbe' 'e' vIpIHDI' SIbI' vItI'laHchugh vItI'.
> > mughuHDI' nIqHom, Qap ghuH vIneH.
>
> jISIv: vay' ghuHlaH'a' ghuH? {-moH} chelnISlu'law'. ghuHDI' vay', vangrup
> 'e' vIHar. vaj ghuHlaHbe' ghuH. ghuHmoHlaH neH. qar'a'?
>
ghantoHmey:
{may' yIghuH!}
{tlhIngan quv DatIchDI' Seng yIghuH.}
{ropyaH yIghuHmoH!}
lughlaw' mu'tlheghvam: {nuv ghuHmoH ghuH}.
--
De'vID
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20190418/6a584cdd/attachment-0015.htm>
More information about the tlhIngan-Hol
mailing list