[tlhIngan Hol] boQwI' jaj mu'

[Daniel Dadap]

> On Apr 18, 2019, at 16:17, De'vID <de.vid.jonpin at gmail.com> wrote:
> 
> Qap, reH 'e' vIpIH. Qapbe' 'e' vIpIHDI' SIbI' vItI'laHchugh vItI'.

luq. rut mu' rapvaD mu' Segh pIm perlaHmo' boQwI', Hol 'ampaS je, qay'laH. (chaq jaj mu' SuqmeH Hol 'ampaS lo' boQwI' 'e' Sovbe' Hoch.) vaj mu' Segh nelchuqmoH 'e' nIDbe' «'epIl naH» boQwI'. qawHaqDaq jaj mu' nej neH, mu' Segh nelchuqmoH 'e' qa'. wa' mu' neH Samlu'pu'chugh, vaj jaj mu' 'uylu'DI', SIbI' mu'vam cha'lu'. 'ach wa' mu' neH Sambe'lu'pu'chugh, Hoch mu'mey Sampu'bogh lucha'lu'.

«lIr» 'oH jajvam mu''e'. «'epIl naH» boQwI' vIlo'taHvIS, jajvam mu' vI'uyDI', cha' mu' cha': «lIr», «lIr'el» je cha'. «qoqyoq» boQwI' mu' nelchuqmoHmeH mIw vISovbe', 'ach mISmoHlaH'a' ghu'vam? ghu' SIQbogh SuStel qaSmoHlaH'a'?