[tlhIngan Hol] The Serpent of the Haradrim

mayqel qunenoS mihkoun at gmail.com
Wed Oct 17 08:03:26 PDT 2018


QInvam vIghItlhchoHpa’, wa’ngoD vIQIjnISchu’; lord of the rings po’wI’
jIHbe’bej. lord of the rings muchmey neH vIbejta’, vaj po’wI’ jIHbe’ba’.

maj..

qen, instagram vInaw’taHvIS, haradrim cosplayer vIlegh; ‘ej joqwI’ ‘uch
nuvvam. haradrim ‘oS joqwI’vam, vaj joqwI’vamDaq wa’ Degh tu’lu’. Deghvam
vIparHa’qu’mo’, ‘Internet vInaw’choH ‘ej tugh De’ vIneHbogh vISam! haradrim
Degh vISam!

Deghchaj’e’, ghargh lulo’ haradrimpu’; tera’ mamba rur gharghvam, ‘ej Doq
joqwI’chaj. ‘Iw rur.

SIbI’ haradrim joqwI’ vIleghta’, jIQub: Dojbej Deghvam, ‘ej valqu’ haradrim
joqwI’.

vaj, DaH, chaq vIghellu’qang; qatlh val joqwI’vam ?

‘a, jIjangpa’ Deghmey bopbogh mu’mey puS’e’ vIghItlhnIS..

potlhqu’ Deghmey. tlhoy potlh bIH. tayqeq naQ DellaH wa’ Degh; qechmeyDaj,
qangtlhInDaj, ghobDaj DellaH je.

‘ej pIj, HarghtaHvIS tayqeqvam mangpu’, pIl’eghmoHmeH ‘ej taHlaHmeH,
tayqeqchaj Degh luleghnIS..

‘ach, wa’ DI’on potlhqu’ ghajnIS Deghvam ! napnIS.. napqu’nISbej. qatlh
napqu’nIS ? wa meqmo’..

HarghtaHvIS wa’ mang, Degh leghDI’, SIbI’ vInDa’pu’Daj qawnIS; SIbI’
pIl’eghnISmoH. ‘ach tlhoy Qatlhchugh Degh, vaj ngoQvam chavlaHbe’.

vaj, DaH, haradrim Degh wIqelqa’jaj..

wa’DIch: ‘IH. tera’ mamba rurbogh ghargh’e’..
cha’DIch: nap. ghargh neH ‘oH..
wejDIch: sauron lulajbogh nuvpu’’e’ chIwlaHbej..

‘ej meqmeyvammo’, Dojqu’ haradrim Degh.

~ channgan qIj
mordor DungDaq ‘al mIn Degh
wewqu’taH Hurghchu’ghach Qeb
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20181017/cf2ebe0f/attachment.html>


More information about the tlhIngan-Hol mailing list