[tlhIngan Hol] According to Matthew chapter 1

mayqel qunenoS mihkoun at gmail.com
Mon May 7 08:39:39 PDT 2018


mab chu'

new testament


*matthew* paq

according to matthew


'ay' wa'.

1. *jesus christ* *david* puqloD; *david* *abraham* puqloD. *jesus christ* no' paq. 2. *isaac* boghmoH *abraham*, *jacob* boghmoH *isaac*, *judah* loDnI'pu'Daj je boghmoH *jacob*, 3 *perez*, *zerah* (tamar ngan) je boghmoH *judah*, *hezron* boghmoH *perez*, *ram* boghmoH *hezron*, 4. *amminadab* boghmoH *ram*, *nahshon* boghmoH *amminadab*, *salmon* boghmoH *nahshon*, 5 *boaz* (rahab ngan) boghmoH *salmon*, *obed* (ruth ngan) boghmoH *boaz*, *jesse* boghmoH *obed*, 6 *david* ta' boghmoH *jesse*. *solomon* luboghmoH *david* ta' *uriah* be'nal je, 7 *rehoboam* boghmoH *solomon*, *abijah* boghmoH *rehoboam*, *asa* boghmoH *abijah*, 8 *jehoshaphat* boghmoH *asa*, *joram* boghmoH *jehoshaphat*, *uzziah* boghmoH *joram*, 9 *jotham* boghmoH *uzziah*, *ahaz* boghmoH *jotham*, *hezekiah* boghmoH *ahaz*, 10 *manasseh* boghmoH* *hezekiah*, *amon* boghmoH *manasseh*, *josiah* boghmoH *amon*, 11 *babylon* luDabtaHvIS *jew* (pa' chaH lughImlu'ta'mo') *jechoniah* loDnI'pu'Daj je boghmoH *josiah*. 12 *babylon*vo' cheghpu'DI' *jew*pu', *shealtiel* boghmoH *jechoniah*, *zerubbabel* boghmoH *shealtiel*, 13 *abiud* boghmoH *zerubbabel*, *eliakim* boghmoH *abiud*, *azor* boghmoH *eliakim*, 14 *sadoc* boghmoH *azor*, *achim* boghmoH *sadoc*, *eliud* boghmoH *achim*, 15 *eleazar* boghmoH *eliud*, *matthan* boghmoH *eleazar*, *jacob* boghmoH *matthan*, 16 *joseph* (*mary* loDnal) boghmoH *jacob*, yatlhtaHvIS *mary* *jesus* qeng; *jesus*vaD *christ* ponglu'.


17 bogh *abraham*, ghIq qaS wa'maH loS puq poH; qaStaHvIS puq poH wa'maH loSDIch, bogh *david*. bogh *david*, ghIq qaS wa'maH loS puq poH; qaStaHvIS puq poH wa'maH loSDIch, *babylon*Daq *jew* lughImlu'. *babylon*Daq *jew* lughImlu', ghIq qaS wa'maH loS puq poH; qaStaHvIS puq poH wa'maH loSDIch, bogh *jesus*.


18 chay' bogh *jesus christ* ? *joseph* nayta'DI' *jesus christ* SoS (*mary*), 'ej juH qach rap luDabchoHpa', *mary* yatlhchoHmoH Qun qa' quvqu'. 19 pung ghajmo' *joseph* (*mary* loDnal), *mary* nuS neHbe'. vaj Qub: *mary* vImejmoH, 'ej pegh wanI'vam; Sov pagh.  20 nabvam nabtaH; 'a najtaHvIS, ghaHDaq nargh joH'a' *angel* 'ej jatlh: *joseph*, *david* puqloD, *mary* (be'nallI') yIlajvIpQo'; Qun qa' quvqu'mo' yatlh. 21 bogh wa' puqloD, SoSDaj ghaH *mary*'e' 'ej puqloDDajvaD *jesus* yIpong. yembogh nuvpu'Daj toDmo' puqvam, ghaHvaD *jesus* yIpong. 22 joH'a'mo' 'op mu' jatlhta' wa' tuch rItwI', 'ej mu'meyvam toblu'meH qaS wanI'mey vorgh. jatlhta' tuch rItwI'vam: 23 pelegh ! chorDajDaq yatlhchoH ngaghbe'taHwI', 'ej bogh wa' puqloD; puqloDvamvaD *emmanuel* ponglu'. nutlhej Qun, 'e' maq pongvam. 24 vemDI' *joseph*, ra'ta'mo' joH'a' *angel*, be'nalDaj laj, 25 'ej *mary* ngaghbe' *joseph*. wa' jaj bogh ghubDaQ ghaHbogh *mary* puqloD'e'. 'ej puqloDvamvaD *jesus* pong.


~ nI'ghma


-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20180507/99ac7614/attachment.html>


More information about the tlhIngan-Hol mailing list