[tlhIngan Hol] HoS'a' Dop Hurgh

mayqel qunenoS mihkoun at gmail.com
Thu Mar 8 07:03:10 PST 2018


SuvtaHvIS wa' HoS'a' lo'wI', nom lo'wI'vam QaHlaH Dop Hurgh; 'e' chID
*jedi* pIn'a' *yoda*; 'ej tlhoy QaH; 'e' chID je *yoda*. qaStaHvIS *ruul*
tojchu'ghach, wej *jedi* 'omlaH *asajj ventress* (Qupbogh *jedi* Hurgh),
wa' HoHlaH 'ej wa' latlhvaD Dop Hurgh lajmoHlaH. *republic* 'avwI'pu'vo'
*nute gunray* toDlaHvIS *ventress*, velqa' mangpu' law'qu' HoHlaH
*ventress*, *tranquility* Qaw'laH, 'ej *luminara unduli*vo' *ahsoka
tano*vo' je narghlaH.

Dop Hurgh rItta'mo' *darth sidious*, nom wej *jedi* quprIp vInDa' peqlaH,
'ej vInDa' loSDIch HoHmeH, *anakin skywalker* QaH SuqmeH *anakin* ponlaH.
*darth vader* mojta'DI' *anakin*, qaStaHvIS *knightfall* Qu', 'ej qaStaHvIS
vebbogh HoH'a' *jedi*, nIteb *jedi* law'qu' HoHlaH *anakin*.

qaStaHvIS *darth vader* *luke skywalker* je may' Qav, *darth vader* jeymeH
*luke skywalker*, Dop Hurgh HoS lo'. laHmeyDaj vItlhmoHmeH *skywalker*,
QeHDaj lo'. ru'Ha'be' mIwvam wanI', 'ej qaStaHvIS poH ngaj neH, ghur
*skywalker* HoS, 'a ngoQDaj chav *skywalker*. *darth caedus* mojta'DI'
*jacen solo*, *luke skywalker* bamnIS. tlhoy po' *skywalker*, 'a
*skywalker* SuvtaHvIS *caedus*, *skywalker* HoS vItlh 'omlaH, vaj jeylaHbe'
*luke*.

qaStaHvIS may', ghob lu'aghQo' Dop Hurgh lo'wI'; vaj, chaq meqvammo' tlhoy
vaQchoHlaH. 'a, HoSchaj Dunqu' QIjlaHbogh latlh meq'e' tu'lu'.. 'ej Dop
Hurgh 'oH meqvam'e'; Dop Hurgh HoSmo' tlhoy HoSghajchoHlaH *sith*, 'ej
tlhoy qu'choHlaH.

'a, wa' pujna' ghaj Dop Hurgh.. roD, SuvchuqchoH joH Hurgh. vaj,
wanI'vammo', nIvchoHlaHlaw' *jedi*. not, jaghpu'chaj SanglaHchu' *sith*:
HoSDaj ghurmoHmeH wa' jaw Hurgh, tagha' latlh jaw Hurgh SuvchoH, 'ej Hoch
ghatlh, tagha' neHchoH. wanI'vam tu'choHlaHchu' vay', che'taHvIS pagh jaw
Hurgh.

tagha', *rule of two* chut cher *darth bane*; pujvam mevmeH *bane*, chutvam
chenmoH. chutvammo', tlhoy nup *sith*pu' mI', 'a chutvam rapmo'
HoSqu'choHlaH *sith*pu': pIn'a'Daj qa'meH wa' ghojwI', tlhoy HoSghajnISchoH.

'a, cha' meqmo', qay'choHlaH *rule of two* chut; cha' DuH'e' qelbe'pu'bogh
*darth bane*..

wa'DIch: wa' ghojwI' qeqmeH wa' *sith* joH, rut qaStaHvIS joHvam yIn
HochHom, nIDnIS joHvam. 'a, rut, tagha' luj ghojwI'vam.. 'ej qaSchugh
wanI'vam, latlh ghojwI' qeqlaHbe' *sith* joH: *darth zannah* qeqta' *darth
bane*, 'a tagha' luj *zannah*. 'e' HarDI' *bane*, latlh ghojwI' qeqnIS..
vaj, ngoQvam chavmeH, latlh poH SuqnISmo', jubchoHmeH *bane* nIDchoH.
'a mujchu' *bane*.. tugh, *bane* HoH *zannah*; 'a *rule of two* pujvam
lutobchu' *zannah* lubopbogh wanI''e'.

'a, latlh puj ghaj *rule of two*..  rut, Dop Hurgh lonchu' wa' *sith* jaw;
'ej latlh *sith* HoH jawvam. qaSchugh DuHvam, vaj taHlaHbe' *sith* 'obe'.
'ej, DuHvam qelbe' *bane*, *rule of two* chertaHvIS..

vaj, tagha', meqmeyvammo', *rule of two* bot *one sith*.

~ nI'ghma
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20180308/8f5fc51a/attachment.html>


More information about the tlhIngan-Hol mailing list