[tlhIngan Hol] According to Matthew chapter 3

[mayqel qunenoS]

'ay' wej


1 qaStaHvIS jajmeyvam, puHvamDaq nargh jan *baptizer*, 'ej *judea* DebDaq SoQmey jatlhchoH. 2 'ej jatlh: jaS pevangchoH, tlhIH lIghoSpu'mo' chal wo' 3 jan *baptizer* DelmeH tuch rItwI' *isaiah*, jatlh: DebDaq jach wa' nuv ghogh; joH'a'vaD taw yItI', chIqmeH joH'a', tawDaj tIwanmoH. 4 *camel* veDDIr Sut tuQ jan, 'ej Ha'DIbaH DIr qogh tuQ je. *locusts* *honey* tlhab je bIH SojDaj'e' 5 ngugh, ghaH lughoS yeru'Sala'yIm, *judea* Hoch, *jordan* bIQtIq luDech Sepmey Hoch'e' je ngan. 6 'ej *jordan* bIQtIqDaq, chaHvaD muvtay qaSmoH jan *baptizer*, DIStaHvIS chaH. 7 'a muvmeH pawchoHDI' 'op *pharisees* 'op *sadducees* je, 'ej legh *jan*, jatlh *jan*: gharghmey puqpu', tuch QeH'a' bonarghlaH, 'e' boHarba'; tlhIHvaD Sovvam 'ang 'Iv ? 8 peyembe'choH 'ej jaS pevangchoH. 9 SuDel'eghmeH SujatlhtaH: vavma' ghaH *abraham*'e'.. mu'meyvam tIjatlhQo', jatlh jan. 'ej taH: tlhIHvaD jIjatlh, puqpu' ghajmeH *abraham*, naghmeyvamvaD *abraham* puqpu' mojmoHlaH Qun. 10 Sormey 'oQqarDaq Sumpu' 'obmaQ; 'ej naH le' lIngbe'chugh Sor, pe'lu'chu', 'ej qulDaq woDlu'. 11 jaS SuvangchoHmeH tlhIHvaD muvtay vIqaSmoH, 'ej ngoQvam vIchavmeH bIQ vIlo'; 'a mucho' wa' nuv, 'ej nuvvam HoSghaj law' jIH HoSghaj puS. waqmeyDaj vI'uch; 'e' vIqotlhbe'. tlhIHvaD muvtay qaSmoH ghaH'e', Qun qa' quvqu' qul je lo'. 12 ghopDajDaq wIjwI' jan 'uch; Du'Daj Say'moHchu', polmeH pa'Daq Du' naH lan, qulDaq Du' naH QIv woD. 'ej paghlogh mev qulvam.


13 ghIq, *jesus*vaD muvtay qaSmoHmeH jan, *galilee*vo' *jordan*Daq paw *jesus*. 14 'a *jesus*vaD muvtay qaSmoHQo' jan 'ej jatlh: jIHvaD muvtay DaqaSnISmoH SoH'e', vaj qatlh jIH chojaH ? 15 jangmeH *jesus* jatlh: yIghoHQo'; wanI'mey neHbogh Qun'a' DIqaSmoHmeH, Qu''e' vIDelbogh wIqaSnISmoH. vaj HeQ jan. 16 'ej *jesus*vaD muvtay qaSmoHpu'DI' jan, bIQvo' SIbI' lel *jesus*. 'ej pelegh ! ghaHDaq poS'eghmoH chalmey, wa' bo'Degh chIS rurbogh Qun'a' qa''e' legh *jesus*, 'ej ghaHDaq ghIr. 17 'ej pelegh ! jatlh chalmey ghogh: puqloDwI' vImuSHa'bogh ghaH, ghaHmo' jIbelqu'.


~ nI'ghma
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20180617/6c14a3cd/attachment-0001.htm>