[tlhIngan Hol] jIQoS 'a jIpuQ

Daniel Dadap daniel at dadap.net
Tue Jun 26 09:08:28 PDT 2018


bIQoSnISbe'. Qochchugh vay', paqvam mughlaHbej ghaH. paqvam Damugh 'e' DanIDmo' qatlho', jIHvaD Dajmo'. (lalDanwIj 'oHbe' lalDanvetlh'e', 'a Hoch lalDanmey vIyaj 'e' vInIDtaH, 'ej muSeyqu'moH tlhIngan Hol.)

buQtaHbogh Qun quvmoH neHchugh vay', wIvDaj 'oH. vay' wIwIvlaH. DIbmaj 'oH. Qunvetlh vIquvmoHQo' je, 'a QaQbogh qangtlhIn puS ghaj lalDanDaj 'e' vIHar. ('ej qabbogh qangtlhIn puS ghaj je 'e' vIHar.)

> On Jun 26, 2018, at 10:29, mayqel qunenoS <mihkoun at gmail.com> wrote:
> 
> 'op Hogh ret, naDev jIghItlh:
> 
> jIqeqmeH, mab'a' chu' vImughqang. vaj paqvam vImughchoH..
> 
> QIt matthew paq vImughtaH, 'ej ngeD mIw, 'a tugh jIpuQchoH. reH buQ paqvam 'ej reH 'Irgh. vaj, tugh jISIvchoH.. qatlh 'Irghqangqu'bogh Qunqoq vIquvnISmoH ? qatlh paqDaj lo'laHbe' vImughnIS ?
> 
> Qun tu'lu'bej'a' ? Sovbej pagh; 'a Qun tu'lu'chugh vaj Hoch muSHa'nIS Qunvam.. buQqangchugh Qunvam, 'Irghqangchugh Qunvam, 'ej ghe''orDaq latlhpu' ngeHqangchugh Qunvam, vaj Qunna' ghaHbe'.. Qunqoq neH ghaH.
> 
> 'ej Qunqoqvam vIquvmoHQo'.
> 
> ~ nI'ghma
> 
> 
> _______________________________________________
> tlhIngan-Hol mailing list
> tlhIngan-Hol at lists.kli.org
> http://lists.kli.org/listinfo.cgi/tlhingan-hol-kli.org
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20180626/d701609f/attachment.html>


More information about the tlhIngan-Hol mailing list