[tlhIngan Hol] 'ej DaH, SoHvaD darth vader ponglu'..

mayqel qunenoS mihkoun at gmail.com
Tue Jul 10 09:22:56 PDT 2018


chalvo' ghIr jul, vaj pa' qoDDaq narghchoH QIbmey..


pa', *sith* pIn'a' ghojwI' je chaHtaH; Dop Hurgh Dalajqangchu''a' ? ghel pIn'a'.


tam ghojwI'; ngugh tIqDaj nuDtaH 'ej wa' vItna' Sovbej: pIn'a'Daj mu'mey lajchugh vaj ghaHvaD not Salqa' jul; ghaHvaD not Dor ram'a'.


'oy'choH tIqDaj, 'oy'choH je qa'Daj. chay' Hurghchu'ghach lajlaHchu' vay' ? chay' qa'DajvaD ram'a' tuQmoHlaH vay' ?


'a, ngugh, vIt qawqa'; vItvammo', *sith* pIn'a' ghojwI' mojta'. not QaH Dop wov; not toD Dop wov. reH, chutmeyDajmo' bech, vaj ghaHvaD reH bep 'oH Dop wov'e'.


vaj, *sith* pIn'a' tlhopDaq ghaHtaHvIS, ravDaq tor 'ej jatlh: DaH paQDI'norghlIj vIlajchu' rIntaH, 'ej QIt lurDu'Daj SuDchoH. qa'Daj tebchoHchu' Dop Hurgh.


ghIq, jang pIn'a'; pov.. pov.. vaj, DaH 'ej Hochlogh SoHvaD ponglu'.. (loQ yev..), 'ej ghIq taH: darth vader..


~ nI'ghma
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20180710/12059491/attachment.html>


More information about the tlhIngan-Hol mailing list