[tlhIngan Hol] HoS'a' Dop Hurgh

[mayqel qunenoS]

mIwHom wej: Dop HurghDaq jeghchu' *jedi*.

Dop Hurgh lajta'DI' *jedi*, bI'reS wIvvam QIjmeH meqmey Sar jatlh. 'a
QIj'egh, tugh 'e' nIDbe'choH. SaHbe'mo'..

pIj, Dop Hurgh lajchaj luQIjmeH 'op *jedi*, jatlh:

*sith* vIQaw'meH - meqvammo' neH- Dop Hurgh vIlajta'.. bangpu'wI'vaD Hegh
vInarghmoHmeH Dop Hurgh vIlajta'.. 'a, meqmeyqoqvam jatlhchoHDI' *jedi*vam,
charghchu'pu' Dop Hurgh.

'a, rut, wIvmeychaj qab tlhojlaH Dop Hurgh lulajta'bogh 'op *jedi*'e'; 'ej
*jedi*pu'vam DeltaHvIS *tolaris shim*, jatlh: *jedi*pu'vam toDlaH vay'.
ngeDbe' 'a qIt.

wa' ghantoH ghaH *jedi* pIn'a' *atris*'e'. 'op *sith* *holocron*mey ghajmo'
*atris*, luSIgh *holocron*vam, vaj tagha' Dop Hurgh laj. 'a *jedi* *exile*
Suvta'DI', Dop wovDaq cheghlaH.

latlh *jedi* tu'lu' je.. *exar kun* lururchu'bogh *jedi*'e'; tlhoy Dop
Hurgh luparHa'mo' *jedi*vam, Dop HurghDaq jegh'eghchu'. *nuv*pu'vam DelmeH
*tolaris shim* jatlh:

*jedi*pu'na' chaHbe' nuvvam'e'; ngebwI'pu' moj rIntaH, 'ej qalmoHchu'pu'
Dop Hurgh. vaj, -taH *shim*-, nuvpu'vamvaD wa' ngoQ neH lughajnIS *jedi*:

cheghmoH pagh HoH.

~ nI'ghma
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20180110/7b98cffa/attachment-0016.htm>