[tlhIngan Hol] dothraki Hol

demonchaux.aurelie demonchaux.aurelie at gmail.com
Tue Jan 23 09:40:19 PST 2018


Dothraki Hol vIqelDI', Qapqu' Holvam 'e' vInoH.



ngoQ 'oghwI'Daj chavchugh Hol chenmoHlu'bogh, vaj Qap Holvam.



teHlaw'meH Dothraki nugh, Dothraki Hol chenmoHpu' David Peterson.



Dothraki Holmo', Dothraki nuv chaH 'e' lughetlaHchu' {quS'a' Quj} ghetwI'pu'.



chaH ghetlaHmoHchu'mo' Dothraki Hol, {David Peterson} ngoQ chavchu' Holvam, vaj Qapchu' Holvam.



'ach Dothraki HolvaD loS ghu'mey DaDelbogh tu'lu' 'e' vItu'.



1/ noychoH Dothraki Hol

noyqu'mo' {quS'a' Quj}, Dat Dothraki Hol paq ngevchoHlu'. vabDot vIraSvaD paqvam mughlu'pu' 'ej DaH vIraSDaq ngevlu'taH (jISov vIleghpu'mo'; 'ej vIleghDI' vIje'nISqu'pu' ;) )



wej vIraSvaD tlhIngan Hol mu'ghom mughlu'pu'. vaj ghu' qaq SIQ Dothraki Hol. 



2/ wej qaS Dothraki Hol qepmey, 'ach ghurtaH ghojwI'pu' mI'. 'Internet {fansite}, wI'qIy, ja'chuqmeH Daq je ghaj Dothraki Hol jatlhwI'pu'. chaq tugh qepmey nablaH.



3/ Dothraki Hol chenmoHlaHtaH David Peterson. mu'mey chu' lo'nISchugh {quS'a' Quj}, mu'mey chu' lo'nISbogh chenmoH David Peterson'e'.



4/ David Peterson Dothraki Hol paq, (pab QIj paqvam), pdf mu'ghom naQ tu'lu'. bIH pablaw' ghojwI'pu'.  'InternetDaq David Peterson ghellu'chugh pIj jang. (Twitter tlheghDaj yIbej)



vaj Qapbej Dothraki Hol ('ej Holvam vIghoj vIneHba' ;) )

Aurélie aka ghItlhjaj
Envoyé depuis mon smartphone Samsung Galaxy.
-------- Message d'origine --------De : mayqel qunenoS <mihkoun at gmail.com> Date : 22/01/2018  17:37  (GMT+01:00) À : tlhingan-hol at kli.org Objet : Re: [tlhIngan Hol] dothraki Hol 
QapmeH Hol mutlhlu'ta'bogh, qaSnIS ghu' Sar. 'ej quqnIS ghu'meyvam..
tlhIngan HolvaD ghu'meyvam tu'lu'mo', Qap tlhIngan Hol:
1. Hov lengmo', noychoH tlhIngan Hol.2. qaS tlhIngan Hol qep'a'mey qepHommey je.3. tlhIngan Hol chenmoHtaH wa' nuv neH.4. 'oqranD ghantoHmey neH pabqangchu' tlhIngan Hol yej'an Hoch.
meqmeyvammo' noychoH tlhIngan Hol, 'ej meqmeyvammo' tlhIngan Hol wIlo'taHvIS mayajchuqlaH. qar'a' ?
*dothraki* HolvaD loS ghu'vam tu'lu''a' ? ghobe'. Do'Ha' -*dothraki*vaD-, qaSbe' ghu'meyvam..
qaStaHvIS tuch, *dothraki*vaD qaS'a' ghu'meyvam ?
Sov qeylIS neH.. 
'a, not tlhIngan Hol Qapla' ghaj *dothraki*. 'e' vIHarbej.
~ nI'ghma
On Jan 22, 2018 17:40, "André Müller" <esperantist at gmail.com> wrote:
HaSta jIHDaq Hol 'oghlu'ta'bogh Qoylu'DI', reH jIQuch. *Na'vi* Hol ghajmo' *Avatar*, *Sindarin* *Quenya* je ghajmo' «Qebmey joH», *Lang Belta* ghajmo' *The Expanse*, jIQuch je. 'opleS *Na'vi* Hol vIghoj vIneH, Holtej tIqwIj belqu'moH Holvam.
«quS Quj» («chuch qul je bom» joq) vIbejbe', jIHvo' Dajqu'be'mo', 'a Holmey pargh vIparHa'mo' *Dothraki* Hol pab mu'ghom je vIje'ta'.
'ach lujbej'a' Holvetlh? DaSovbe'bej, 'a «quS Quj» lumuSHa' qabDu' law'. lubej juppu'wI' law'. jav ben HaSta jIHDaq *Dothraki* Hol Qoylu'pu' qar'a'? DaH law'be' jatlhwI'pu'Daj, qar'a'? tera' DIS 1991 tlhIngan Hol jatlhwI'pu' law'qu''a'? chaq QIt ghur *Dothraki* Hol jatlhwI'pu' mI'... maSovbej.
«quS Quj»-Daq latlh Hol jatlhlu' 'e' DaSov'a'? 'oHvaD *High Valyrian* ponglu'. paq tu'lu'be', 'ach 'InternetDaq *Duolingo* nIqHom Dalo'chugh, pa' Holvetlh DaghojlaH. vInIDpu'be' jIH. tlhIngan Hol lu'otHa'pa' jIloSlI'.
pItlh.- André
On Jan 22, 2018 15:59, "mayqel qunenoS" <mihkoun at gmail.com> wrote:
wa' nuv Segh 'agh *game of thrones*, 'ej SeghvamvaD *dothraki* ponglu'.
maj..
'ej, qen jIghoj: *dothraki* Hol tu'lu'. Holvam chenmoHlu'ta', 'ej pab mu'tay je ghaj Holvam.
maj, jIjatlhqa'.
'a, *dothraki* Hol vIQubtaHvIS, wa' DI'ruj vItlhoj: lujbej Holvam. SanDaj 'oH.
'ej, qatlh luj *dothraki* Hol ?

wa' meq le'mo'.. meqvammo' Qappu' tlhIngan Hol, 'a meqvam rapmo' luj *dothraki* Hol:
jatlhwI'pu'Daj mI'mo'..
qatlh Qappu' tlhIngan Hol ? Hov lengmo'. tlhIngan Hol noymoH Hov leng. maj.. 'a wa' latlh meq tu'lu'. tlhIngan Hol lujatlhmo' nuv law'qu', nenchoHlaH. HachchoHlaH.
'a *dothraki* Hol lujatlh nuv 'ar ? *dothraki* lujatlh nuv puSqu' neH. vaj, HachlaHbe'.
'ej meqvammo', tagha' luj.
~ nI'ghma

_______________________________________________

tlhIngan-Hol mailing list

tlhIngan-Hol at lists.kli.org

http://lists.kli.org/listinfo.cgi/tlhingan-hol-kli.org




_______________________________________________

tlhIngan-Hol mailing list

tlhIngan-Hol at lists.kli.org

http://lists.kli.org/listinfo.cgi/tlhingan-hol-kli.org




-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20180123/246e1a37/attachment-0002.htm>


More information about the tlhIngan-Hol mailing list