[tlhIngan Hol] HoS'a' Dop Hurgh

[mayqel qunenoS]

mIwHom cha': toj'eghchoHlu'

moDtaHchugh *jedi*, nom Qaw''egh; 'e' Har *tolaris shim*. 'ej latlh ngoD
Har je:

nom ngoQmeychaj chavmeH 'op *jedi*, Dop Hurgh lu'lo'qang. 'ej Dop Hurgh
lulo'choHtaHvIS, Dop wovDaq lucheghmeH, tagha' chaHDaq nargh 'eb. 'e' luHar
*jedi*vam. 'a toj'egh.. 'e' Sov *tolaris shim*. vaj jatlh *shim*:

ngoQmey QaQ chav *jedi*, roD luneH. 'a, pIj ngoQmeyvam chavmeH Hoch wIvmey
lajqang, vabDot Dop Hurgh mIwmey lajqang. 'ej naDev, qay'choH ghu';
ngoQmeyDaj chavmeH wa' *jedi*, Dop Hurgh lajchugh, ghIq wanI'mey veb SaHQo'.

wa' ghantoH noy ghaH *anakin skywalker*'e'.

be'nalDaj toDmeH, Dop Hurgh lo'qang; 'ej Dop Hurgh lo'taHvIS, qalmoHlaHbe'
Dop Hurgh, 'e' Har *anakin*. 'a, Dop Hurgh lajmo', tagha' charghchu' Dop
Hurgh, 'ej tIqDaj SeHchu' Dop Hurgh.

vaj, nubwI'pu'Daj (*exar kun* *ulic qel-droma* je) rurchu' *anakin
skywalker*.

~ nI'ghma
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20180108/886df635/attachment.htm>