[tlhIngan Hol] naDev jIchu'

demonchaux.aurelie demonchaux.aurelie at gmail.com
Sun Feb 18 06:03:28 PST 2018


DeSDu', qavan !



jumuv 'e' vIlegh 'ej muQuchmoH wanI'vam :)



naDev tlhIngan Hol jatlhwI'pu' law' tu'lu'bej, vaj bIqeqmeH nIQaHlaH HochHom.



pab Dayajchu'meH, bIghelnISchugh vaj ghoghel! reH Dajanglu' ('ach rut maQoch 'ej mangach. tlhIngan Hol wIjatlhchu'qu' wIneHba'mo').



'ach QInlIj DaghItlhDI' loQ bIQaghpu': 

lughbe' {vIHaDqa'choH}. {vIHaDqa'} DajatlhnIS :) 



Qapla' !! :)



ghItlhjaj
Envoyé depuis mon smartphone Samsung Galaxy.
-------- Message d'origine --------De : Jackson Bradley <j.monroe.bradley at gmail.com> Date : 18/02/2018  14:18  (GMT+01:00) À : tlhIngan-Hol at kli.org Objet : [tlhIngan Hol] naDev jIchu' 
Savan!

DeSDu' 'oH pongwIj'e', naDev jIchu'. "yIlIH'egh" jatlh QInwIj vIHevbogh wa'DIch. vaj jIlIH'egh: meHghem ghojwI' jIH 'ach muvuQqu' je Holmey 'ej muvuQqu'bej tlhIngan Hol. quSDaq jIba'. qaStaHvIS DISwIj wa'maH vaghDIch tlhIngan Hol vIghojchoH 'ach nom jIjegh 'ej yorghDaq tlhIngan mu'ghomwIj vIlan. qaStaHvIS jav DIS yorghwIjDaq ratlhtaH mu'ghomvetlh. 'ach jav wen, wa' jaj mu'ghom vIwoHqa' 'e' vIwuq 'ej vIlaDqa'. qen tlhIngan Hol vIHaDqa'choH vaj pIj jIQaghba' 'ej rut ngem targhmey vItlha'laHchu'be' 'ej jIjatlhDI' jIyev pagh nom mu' vISamlaHbe' 'ach jIDub 'e' vInID 'ej DaH tlhIngan Hol vIqeqmeH latlh jatlhwI'pu' vIqIH 'e' vInID. QIn tetlh vIqI'ta'mo' jIQuchqu'! 

-DeSDu'






Envoyé de mon iPhone
_______________________________________________
tlhIngan-Hol mailing list
tlhIngan-Hol at lists.kli.org
http://lists.kli.org/listinfo.cgi/tlhingan-hol-kli.org
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20180218/a7a18871/attachment.html>


More information about the tlhIngan-Hol mailing list