[tlhIngan Hol] Was he a moron or something ?

SuStel sustel at trimboli.name
Sun Dec 2 08:27:27 PST 2018


On 12/2/2018 8:52 AM, mayqel qunenoS wrote:
> ardaDaq cha' nuv Sar chenmoHta' eru: elf Sar Human Sar je.
>
> maj.
>
> tagha' Hegh wa' Sar nuv (Humanpu').
> not Hegh latlh Sar nuv (elfpu').

HumanvaD nobHey 'oH Hegh'e' 'e' luHar elf. reH HoSghaj elf 'ej reH pIv, 
'ach qo' lumejlaHbe' elf, vabDot Doy'qu'choH qa'chaj. Hegh ghalchoH 
wa'netlh ben elf.


> wa'DIch, jubwI'pu' ghalchoH jubbewI'pu'; chay' net pIHlaHbe' ?
>
> tugh jubwI'pu' muSchoH jubbewI'pu'; chay' net pIHlaHbe' ?
>
> ej, tagha', jubwI'pu' HIv jubbe'wI'pu'; chay net pIHlaHbe' jay' ?

pIH 'Iv'e'? Hoch Sov Ilúvatar; qo''e' chenmoHpu'bogh Ilúvatar pupmoH 
qaSbogh Hoch. chaq bIyajbe' SoH'e'. Ilúvatar nab 'oH. Qun ghaH Ilúvatar'e'.


> the downfall of numenor vIlaDta'; 'ej vIlaDtaHvIS, lotlhbogh Humanpu' 
> vIyajlaHbejqu'..

lotlh, nepta'mo' Sauron. chaHvaD jatlh, «Aman bocharghchugh, SujubchoH. 
Sujub 'e' lubot Valar. Sujub 'e' boqotlh.» 'ach HoSghajqu'mo' Aman yIn, 
tugh Hegh Dabbogh jubbe'wI'. Aman ghoS Human vaj 'e' luchaw'be' Valar. 
chutvetlh luwem rIntaH Númenórean.


> 'ej vIlaDtaHvIS jISIvtaH: qatlh wanI'meyvam pIHbe' eru ?

pIHpu' Eru Ilúvatar. Hoch Sov. qo' pupmoH qaSbogh Hoch.


-- 
SuStel
http://trimboli.name

-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20181202/de70c051/attachment-0002.htm>


More information about the tlhIngan-Hol mailing list