[tlhIngan Hol] HoS'a' Dop Hurgh

[mayqel qunenoS]

      wa' latlh puj ghaj Dop Hurgh.. tlhoy DI'onmey Hurgh wuv joHpu' Hurgh. le'yo''a'chaj QeH'a'chaj ghIjmeH laHchaj je wuv *sith*pu', vaj roD HoSghajqu'choHlaH. 'a, HoSchoHmoHbogh DI'onmey rapmo', buSqu'laHbe' 'ej pIj yay teybe' luluj. DI'onmeychaj Hurghmo' tlhoy nguqchoH *sith*pu', vaj chaHvaD qay'qu'choH ghu'vam.


      *darth maul* *darth vader* je SuvtaHvIS *obi-wan kenobi*, qaStaHvIS may' HochHom, luHeDmoHlaH *darth maul* *darth vader* je, 'a tagha' cha' joHvam Hurgh jeylaH *obi-wan kenobi*. jaSHa', *darth malak* jey *revan*; *star forge* vItlhqu'bogh HoS Hurgh lo'taH *malak*, 'a QaplaHbe'. *count dooku* buQ *anakin skywalker*; 'e' Har *dooku*. 'a le'yo''a'Dajmo', *skywalker* HoSna' tlhojlaHbe' *dooku*, vaj Hegh *dooku*.


      vaj, pIQbogh 'ej vaQbogh wa' HoS Sar noblaHlaw' Dop Hurgh. 'a HoS Sar pIm nob Dop wov; HoS Sarvam'e', ralbe' 'ej buSmeH HoS yajmeH HoS je 'oH. HoS Sarvam luyajlaHbe'mo' Dop Hurgh lo'wI', luqelQo' 'ej ram 'e' luHar. vaj, tagha', meqvammo' Hegh.


      'a pujna' 'oHbe' pujvam'e'. ghItlhvaD ghItlhta'bogh *darth sidious*, QeH paq pongta' *sidious*. paqvamDaq, ghItlh *sidious*: SangmeH Dop Hurgh HoS vItlh lo'lu'chu'meH, 'ej nom ngoQvam chavlu'meH, tlhoy vaQ wa' Ho'DoS: QeH lo'. 'a lo'wI' yab mISmoHlaH QeH, vaj Dop Hurgh lo'laHchu'meH vay', QeH SeHnISlaH vay'. 'ej ngoQvam chavlaHmeH vay', cha' laH ghajnIS: yab HoSghaj yab valqu' je.


      'a, DaH, wa' ngoD potlhqu' wIghItlhnIS: tlhoy ral Dop Hurgh lo'wI'pu' qeqmeH Ho'DoSmey, 'ej DI'rujvam tobchu' *sith*pu'. vaj, *jedi*pu' SuvchoHpa' 'op Dop Hurgh lo'wI', Heghpu' Dop Hurgh lo'wI'pu'vam, pujmo', 'ej qeqmeH mIw luSIQlaHbe'. meqvammo', motlh Qapchu' *sith*pu': *jedi* qeqmeH mIw luSIQlaH pujbogh *jedi* law', 'ej ghIq *sith* HoSghaj SuvnIS *jedi*vam puj.


      'a, qaStaHvIS *sith*pu' *jedi*pu' je noHmey, *jedi*pu' yay law' law' *sith*pu' yay law' puS; wanI'vam pIHbe'lu', 'a qaSbej. 'ej wa' meqmo' qaS: qaStaHvIS noHmeyvam, *jedi*pu' SuvnISba' *sith*pu'.. 'a, tagha SuvchuqchoH *sith*, vaj luj..


~ nI'ghma



-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20180424/ed982685/attachment.htm>