[tlhIngan Hol] Enlightenment

Tue Sep 12 07:09:03 PDT 2017

'ej naDev, van lut..

loDnI'pu' mu'mey tlha'bogh wanI'mey'e' 'aghbe' mortal kombat legacy cha'.
chaq tagha' Suvchuq, chaq Suvbe'chuq..

'a potlhbe'. lut jallu'bogh 'oH mortal kombat'e', vaj ram bertlhamDaj. 'a
paQDI'norgh potlh ghaj lut vIghItlhta'bogh.. paQDI'norghvammo', QInvamvaD
enlightenment vIpong. 'ej DaH paQDI'norghvam wIpojnIS.

Heghpa' liu kang be', liu kang DevHa'lu'; boqwI'pu'na' chaHbe'bogh nuv'e'
voq liu kang. tagha' lulonbogh nuv.. 'ej liu kang yIn Qaw'pa' Qugh,
boqwI'pu'na'Daj ghovlaHbe'. 'a tagha', 'agh'eghchu' vIt, vem liu kang, 'ej
*enlightened*choH ghaH. meqvammo', QInvamvaD enlightenment vIpong.

qaStaHvIS yInmaj, pIj maHDaq nargh ghu' Sar. 'ej pIj, wIv lugh bIHlaw'
ghu'vam'e'. 'a bIH'a' ? vIt wItu'meH, liu kang wIrurnISlaH; qangtlhInmaj
ngo' wIlonnISlaH, maDub'egh wIneHchugh. qangtlhInmaj ngo' wIQaw'nISlaHchu',
mapovchoH wIneHchugh.

pIj, DaqDaq lutuchlu'ta'bogh, vIt tu'lu'; 'ej pIj pa' HoSna' tu'lu' je. 'a
mapujchugh, machoH'eghqangbe'chugh, nuch maHchugh, vaj reH nepwI'pu'
toy'wI''a' maH.

wa' jaj, qa'na'maj wItu'jaj. 'a DI'rujvam wISIQmeH, nepwI' tojwI' ghu'mey
notlh je DISangnISlaH. qaSDI' wanI'vam neH, matlhabchoHchu'. chaq
maQuchchoHchu'be', 'a matlhabbej.

rIn.

qunnoq jan puqloD

On Sep 10, 2017 2:36 PM, "mayqel qunenoS" <mihkoun at gmail.com> wrote:

> ('ej DaH taH lut..)
>
> vaj, jatlh shang tsung 'ej ghIq mej. 'a mejpa'
> choH'egh liu kang tIq 'ay'. shang tsung mu'mey laj, 'ej tagha' tIqna'Daj
> 'agh liu kang: tera' qo' SuvwI' ghaHbe'. qo'vetlh muSchu'. DaH, qaStaHvIS
> tuch Hoch, outworldvaD Suv.
>
> 'ej tugh, Daq HopDaq, latlh qo'Daq luplu'. 'ej pa', tera' San wuq wa'maH
> may'.. pa', tugh, loDnI'Daj ghom. pa', tugh, loDnI'Daj qaD. pa', tugh,
> Suvchu' ghaH loDnI'Daj je.
>
> 'a ghomchuqDI', merqu' kung lao; loDnI'Daj legh, 'e' pIHbe'mo'..
>
> vaj qaDravDaq, Qam cha' loDnI'..
>
> liu kang ? jatlh kung lao mIS.. qatlh choSovmoHbe''a' ?
>
> qatlh qaSovnISmoH ? jang liu kang.
>
> qaStaHvIS pa'logh, loDnI'pu' maH, jatlh kung lao.
>
> poH law' ret, qaStaHvIS DI'ruj pIm.. jang liu kang.
>
> wa' jaj, white lotus Dachegh, 'e' vIpIH. bIcheghmeH bIHoS, 'e' vIHar.
> jatlh kung lao. 'ej taH: mIghchoHbe'chu' tIqlIj !
>
> 'a jang liu kang: jIwuq rIntaH, 'ej jIchoHlaHbe'.
>
> qatlh shang tsung Dalajchu' ? shang chung boqwI'pu' San DaSovbej ! jach
> kung lao.
>
> vaj, ngugh, loQ 'IQchoH liu kang.. 'a jang, 'ej jangtaHvIS QeHchoH..
>
> qaStaHvIS wa'maH DIS vorgh, Dochmey DaHarqangbe'bogh vIta'. Dochmey mIgh..
> 'a reH, Dochmeyvam vIta'DI', wa' vIt vItlhojchu': jIlughchu'. 'ej lugh
> Dochmey Hoch vIwuqbogh: lo'laHbe' Human Segh. tlho' lu'aghlaHbe' Human.
> Human luQanlu'; 'e' luqotlh.. 'e' DaHarchugh vaj bImujchu' !
>
> ghIq, jang kung lao: not povchoH Human Segh. 'a lo'laH ghobDaj
> qangtlhInDaj je. luQannISlu' !
>
> a', SIbI', ghel liu kang..
>
> white lotus ghInDaq, qaStaHvIS ramvetlh, cholonchu'taHvIS, ghobvam
> qangtlhInvam je Da'agh'a' ?
>
> 'ej mu'meyvam, jatlhta'DI' liu kang, jangchoHlaHbe' kung lao..
>
> (rInbe', tugh vItaHmoH..)
>
> qunnoq
>
> On Sep 5, 2017 12:03, "mayqel qunenoS" <mihkoun at gmail.com> wrote:
>
>> ('ej DaH taH lut..)
>>
>> vaj, jatlhDI' liu kang, tera' qo' vIQanmeH, -meqvammo' neH-, jISuvqang,
>> jatlh shang tsung..
>>
>> chong ! DI'on le' Daghaj ! 'e' vISovbej.. 'ej ngugh taH shang tsung:
>>
>> teH, Huch neH lubopbe' mu'wIj.. latlh meqmo' outworldvaD bISuvnIS..
>> bortaS'e' !
>>
>> tera' qo' luQan kung lao white lotus nugh je; 'e' lumaq. 'a pImqu' vIt,
>> 'ej qo'lIj Qaw'wI'pu' Qan ! HeSwI'pu, HoHwI'pu', pe'vIl be'pu' ngaghbogh
>> nuv'e'.. QanwI'pu'chaj vuvbe'bogh nuvpu''e'.. veQ Humanvam QantaH kung lao
>> white lotus je.
>>
>> Qatlhqu'choH qo'raj.. chutmey bo'DIjmey je.. yIn motlh chIwbe' DI'rujvam !
>>
>> qo'vamvaD bISuvqu'ta' ! qo'vamvaD yInlIj DaSuDta' ! 'ej nItlho'meH chay'
>> vang ? banglIj luchotqu' ! 'ej bortaS DaSuqnISDI' -DIblIj'e' 'oHbogh
>> bortaS'e' !-, chay' vang ? nIghImqu' kung lao white lotus je !
>>
>> DaH.. chaq ngoDvam DaHarqangbe', 'a, qaStaHvIS pa'logh, reH demigod
>> jIHbe'. wa'logh Human jIH.. wa'logh qarur.. Hegh je bangpu'wI'..
>>
>> qaStaHvIS tuch Hoch, paghlogh nuyajlaH kung lao, paghlogh yInmeymaj 'oy'
>> SovlaH. vaj DabIjqu'nIS !
>>
>> qo'vam Say'lu'nIS. 'e' DaSovchu'. vItvam DajunlaHbe'. 'ej DaH, lujchu'
>> raiden ! lIb SoD, liu kang.. 'ej arkDaq qarIt.
>>
>> damn, this was beautiful !
>>
>> (rInbe', tugh vItaH..)
>>
>> qunnoq
>>
>> On Sep 1, 2017 11:54 AM, "mayqel qunenoS" <mihkoun at gmail.com> wrote:
>>
>>> ('ej DaH taH lut..)
>>>
>>> liu kang raSDaq ba'DI', jatlh shang tsung:
>>>
>>> tugh, qaSpu' cha' Hogh, tera' qaD outworld. ghomuv !
>>>
>>> ghIq, jang liu kang:
>>>
>>> jIHvaD Dajbe' mu'meylIj; qaStaHvIS wa'maH DIS vorgh, boqwI'pu'lI'
>>> DalajQo''a' ? DalajQo'chugh -qaSchugh wanI'vam neH-, SoHvaD jISuvqang.
>>>
>>> 'a, loQ mon shang tsung, 'ej jatlh..
>>>
>>> ghobe', boqwI'pu'wI' vIlajQo'. 'a boqwI'pu'lI''e' DalajQo' ! vIt yIlaj,
>>> liu kang ! Huch neH neHbogh HoHwI''e' SoH !
>>>
>>> jItaHmeH jIvang ! jang liu kang.
>>>
>>> jIH je ! jatlh shang tsung, 'ej taH: outworldvaD wa'maH SuvwI' Dajeychu'
>>> vIneH; 'ej Huch 'Iq qanob.
>>>
>>> Huch vIneHbe'. jatlh liu kang; tera' qo' vIQanmeH jISuvqang. ghu'
>>> Dachupbogh vIlajQo'.
>>>
>>> (rInbe', tugh vItaHmoH..)
>>>
>>> qunnoq
>>>
>>> On Aug 28, 2017 15:51, "mayqel qunenoS" <mihkoun at gmail.com> wrote:
>>>
>>>> ('ej DaH taH lut..)
>>>>
>>>> vaj, white lotus ghInvo' tlheD liu kang.. 'ej qo' muSmo', 'ej Huch
>>>> SuqmeH, assassin moj.
>>>>
>>>> 'a tugh, lIbchoH latlh mortal kombat tournament. vaj, SuvwI'pu'Daj
>>>> wIvnIS Hoch qo'. SuvwI'pu'Daj wIvnIS tera', 'ej SuvwI'pu'Daj wIvnIS
>>>> outworld je.
>>>>
>>>> meqvammo', wa' 'oSwI' lo' Hoch qo': raiden lo' tera', 'ej shang tsung
>>>> lo' outworld. SuvwI'pu' SarDaq ghoS Hoch 'oSwI', 'ej tournamentvaD muvmoH
>>>> 'e' nID.
>>>>
>>>> vaj, wa' jaj, Do Qe'Daq SoptaHvIS liu kang, nargh shang tsung 'ej liu
>>>> kangDaq ghoS. tagha', raSDajDaq ba'..
>>>>
>>>> (rInbe', tugh vItaHmoH..)
>>>>
>>>> qunnoq
>>>>
>>>> On Aug 27, 2017 14:35, "mayqel qunenoS" <mihkoun at gmail.com> wrote:
>>>>
>>>>> ('ej DaH taH lut..)
>>>>>
>>>>> 'a jang liu kang, DaH white lotus jIHbe'; bISovbe''a' ?
>>>>>
>>>>> vaj, qatlh naDev SoHtaH liu kang ? ghel kung lao. qaqeHHa'
>>>>> DaneHbe'ba'..
>>>>>
>>>>> choqeHHa''a' SoH'e' ? jang liu kang; choyajlaH chaq vIneH.. jIHvaD,
>>>>> loQ pung Dacha'laH, chaq vIneH.
>>>>>
>>>>> 'a ngugh jatlh kung lao:
>>>>>
>>>>> 'op poH ret, yIn motlh DayInmeH, white lotus Dalon, vaj HelIj le'
>>>>> DawIvta'. 'a wa' Doch DaSovnIS: QuchchoHlu'DI' ghIq tugh bechchoH je. bel
>>>>> tlhej 'oy'. 'ej DaH, nIteb wIvlI' 'oy' DaSIQnISchu'. vaj yImob'eghmoHchu' !
>>>>> naDevvo' yItlheD 'ej not yIchegh !
>>>>>
>>>>> .. 'ej ghIq, mu'meyDaj naQmoHDI' kung lao, liu kangvaD DubDaj tlhe',
>>>>> 'ej ghaHvo' yItchoH.
>>>>>
>>>>> 'a qoy'meH liu kang, DeSDaj 'uch 'ej jatlh: qaqoy'.
>>>>>
>>>>> 'ach, pe'vIl liu kang ghopvo' DeSDaj teq kung lao, 'ej loDnI'Daj lon..
>>>>>
>>>>> (rInbe', tugh vItaHmoH..)
>>>>>
>>>>> qunnoq
>>>>>
>>>>> On Aug 26, 2017 13:12, "mayqel qunenoS" <mihkoun at gmail.com> wrote:
>>>>>
>>>>>> ('ej DaH taH lut..)
>>>>>>
>>>>>> vaj, jatlh kung lao: 'op ben, qo'vam DaQan; 'ej nganpu'Daj tlhabDaj
>>>>>> qangtlhInDaj je DaQan je..
>>>>>>
>>>>>> yInDaj qotlhbogh lam'e' vIQan, jang liu kang.
>>>>>>
>>>>>> banglI' HoHlu'ta' - jatlh kung lao -, jaSHa' bechbe''a' latlhpu' ? 'a
>>>>>> ralwI'pu'vaD noDQo' HoSwI'na'. ralwI'pu' Dachugh HoSwI', vaj qo'vaD qaS
>>>>>> pagh pung ghu' 'ej DI'rujvammo' bechqu'taH Hoch.
>>>>>>
>>>>>> 'ej ngugh, loDnI'Daj naDHa'meH, nachDaj tav kung lao 'ej jatlh: chaH
>>>>>> DaHoHnISbe' !
>>>>>>
>>>>>> qatlh ? ghel liu kang.
>>>>>>
>>>>>> ghobmo', harmonymo', SeH'eghlu'meH laHmo', ralnISchoHlu'Qo' ! -jang
>>>>>> kung lao-. 'ej taH: SallaH qa'lIj DaneHchugh, 'ej tlhabchoHchu' qa'lIj
>>>>>> DaneHchugh je, vaj DI'onvammey DachIwnISchu' ! DI'onmeyvammo' neH, qo'maj
>>>>>> Qaw'wI'pu' DIrurbe'. DI'onvam lulajlu'Qo'chugh vaj outworld SuvwI'pu'
>>>>>> lururlu'chu'. white lotus SoHtaHvIS, DI'onmeyvam DachIw 'e' Da'Ip..
>>>>>> bIqaw''a' ?
>>>>>>
>>>>>> (rInbe', tugh vItaHmoH..)
>>>>>>
>>>>>> On Aug 24, 2017 13:13, "mayqel qunenoS" <mihkoun at gmail.com> wrote:
>>>>>>
>>>>>>> lojmIt poSmoH monk, 'ej 'el liu kang.
>>>>>>>
>>>>>>> ghIn vaS'a' 'el liu kang, 'a ngugh qeq kung lao. vaj mev, 'ej
>>>>>>> leghchuq cha' loDnI'.
>>>>>>>
>>>>>>> Hegh be'wI', jatlh liu kang
>>>>>>> vISovmoHlu' 'ej jIQoSqu', jang kung lao
>>>>>>> bIQoS'a' ? jatlh liu kang
>>>>>>> HeghDI' be'lI', qaghombe'; - jatlh kung lao-. 'ej ghIq taH: qaghom
>>>>>>> net jalchugh, vaj ghu' vI'arghvIpmoH.
>>>>>>>
>>>>>>> 'a ghIq jangbe' liu kang, vaj liu kang 'Iw leghtaHvIS kung lao, ghel:
>>>>>>>
>>>>>>> liu kang, chay' bIvangpu' ?
>>>>>>> karma.. jang liu kang, be'wI' HoHwI'pu'Daq karma vIqaSmoHta'.
>>>>>>> karma DaqaSmoHta''a' ?! jatlh kung lao. Qu'lI' 'oHbe' karma'e' ! Qun
>>>>>>> SoHbe' !
>>>>>>>
>>>>>>> be'wI' luHoH ! jach liu kang
>>>>>>> 'ej DaHoHta''a' ? jang kung lao
>>>>>>>
>>>>>>> qo'vamvo', veQ vIlelta' ! jatlh liu kang. 'ej taH: mortal kombat
>>>>>>> tournamentDaq jIHtaH net jalchugh vaj chay' pIm ghu'vam ?
>>>>>>>
>>>>>>> (rInbe', tugh vItaHmoH..)
>>>>>>>
>>>>>>> On Aug 23, 2017 11:38 AM, "mayqel qunenoS" <mihkoun at gmail.com>
>>>>>>> wrote:
>>>>>>>
>>>>>>>> ('ej DaH, taH liu kang lut)
>>>>>>>>
>>>>>>>> ..vaj, chay' liu kang mung cha' mortal kombat legacy ?
>>>>>>>>
>>>>>>>> bI'reS, nuv motlh ghaH liu kang'e'. be' muSHa', be' vav Qe'Daq vum,
>>>>>>>> 'ej tugh be'vam Saw.
>>>>>>>>
>>>>>>>> 'a wa' jaj, Qe' lu'el nIHwI' 'ej HeStaHvIS, liu kang be' luHoH.
>>>>>>>>
>>>>>>>> jajvetlh ram, be'DajvaD tlhogh Qeb nob; 'e' nab..
>>>>>>>>
>>>>>>>> liu kang tIq Qaw'chu' 'oy'.. 'ej tugh noD. HoHwI'pu' Sam 'ej HoH.
>>>>>>>>
>>>>>>>> DaH, loDnI' ghaj liu kang: kung lao. SuvlaHbogh monk ghaH kung
>>>>>>>> lao'e', 'ej ghIn pIn ghaH je. white lotus nugh ghIn pIn ghaH.
>>>>>>>>
>>>>>>>> 'a HeghDI' liu kang be', liu kangDaq jaHbe' kung lao. 'oy'lIjmo'
>>>>>>>> jI'IQqu'; loDnI'DajvaD mu'meyvam jatlh net pIH. 'a jatlhbe'.
>>>>>>>>
>>>>>>>> vaj, wa ram, white lotus ghInDaq Qam liu kang. qaSchoHmo' ramvetlh,
>>>>>>>> be'Daj HoHwI'pu' HoH. qabDajDaq 'Iw tu'lu', 'ej ghIn lojmIt qIpchoH..
>>>>>>>>
>>>>>>>> (rInbe', tugh vItaHmoH..)
>>>>>>>>
>>>>>>>> qunnoq
>>>>>>>>
>>>>>>>> On Aug 22, 2017 12:38 PM, "mayqel qunenoS" <mihkoun at gmail.com>
>>>>>>>> wrote:
>>>>>>>>
>>>>>>>>> De'vID:
>>>>>>>>> > You can't use {ghobe'} like this. It's only for answering
>>>>>>>>> "yes/no" questions.
>>>>>>>>>
>>>>>>>>> I had completely forgotten about this ! Thanks for reminding me.
>>>>>>>>>
>>>>>>>>> qunnoq
>>>>>>>>>
>>>>>>>>> On Aug 22, 2017 12:35 PM, "De'vID" <de.vid.jonpin at gmail.com>
>>>>>>>>> wrote:
>>>>>>>>>
>>>>>>>>>> On 22 August 2017 at 11:30, mayqel qunenoS <mihkoun at gmail.com>
>>>>>>>>>> wrote:
>>>>>>>>>> > maj. 'a qo'meyvam Sarmey vInuD vIneHbe'. ghobe'. SuvwI'pu'
>>>>>>>>>> vInuD vIneH, 'ej
>>>>>>>>>> > wa' SuvwI' le' vInuDnISqu': liu kang.
>>>>>>>>>>
>>>>>>>>>> You can't use {ghobe'} like this. It's only for answering
>>>>>>>>>> "yes/no" questions.
>>>>>>>>>>
>>>>>>>>>> For this sense of "I refuse (to do something)", the expression is
>>>>>>>>>> {Qo'}.
>>>>>>>>>>
>>>>>>>>>> --
>>>>>>>>>> De'vID
>>>>>>>>>> _______________________________________________
>>>>>>>>>> tlhIngan-Hol mailing list
>>>>>>>>>> tlhIngan-Hol at lists.kli.org
>>>>>>>>>> http://lists.kli.org/listinfo.cgi/tlhingan-hol-kli.org
>>>>>>>>>>
>>>>>>>>>
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20170912/3bc7e8ec/attachment-0017.htm>