[tlhIngan Hol] hol kag org mu'tay' qaD

mayqel qunenoS mihkoun at gmail.com
Sun Sep 17 00:34:21 PDT 2017


ghunchu'wI', jIHvaD memrise qaD Da'aghta'mo', qatlho'.

'a, qaDvam vInuDchoHDI', wa'DIch jIparHa', 'a tagha', qaDvam lubopbogh 'op
Doch'e' vItu'. 'ej Do'Ha' qay' Dochmeyvam.

klcp 1 mu'mey neH ngaS qaDvam. 'ej jeSwI'vaD DIvI' Hol mu' lugh
ghItlhmoHbe' qaDvam. vaj naQbe' qaDvam (Hoch tlhIngan mu'mey ghajbe'mo'),
'ej jeSwI' mu'tay Sov tobbe'mo'.

'a, wa' Doch vIparHa'; memrise pIqaD qaD. Do'Ha', DaH, maghIQmo' jIH be'wI'
je, ghogh HablI'wIj neH vIghaj. vaj, raS De'wI' vIlo'laHbe'mo', weQmoQnaQ
vInaw'laHbe'chu' 'ej pIqaD qaD vIwaHlaHbe'chu'.

tugh, yaHwIjDaq jIHqa'taHDI', memrise pIqaD qaD vIwaHqang.

ghunchu'wI', qaDvam Da'aghta'mo', qatlho'.

qunnoq

On Sep 16, 2017 22:06, "Alan Anderson" <qunchuy at alcaco.net> wrote:

ghaytan Memrise qaD mIw DamaS.
https://www.memrise.com/course/25764/klcp1/ yIHotlh.

-- ghunchu'wI'



On Sat, Sep 16, 2017 at 11:25 AM, mayqel qunenoS <mihkoun at gmail.com> wrote:

>
> ...tlhoy QaQbe', latlh chovmeH mIw tu'lu'mo'. nIvmo', qaq mIwvam:
> wa'DIch: narghnIS wa' tlhIngan mu', 'a ghIq narghbe'nIS DIvI' Hol loS mu'.
> De'wI' jIHDaq DIvI' Hol mu' lugh ghItlhnIS jeSwI'.
> qaSchugh mIwvam neH, le'choHbej mu'tay' qaD.
> qaSbe'chugh mIwvam, vaj motlh, mu' lugh tu'laH jeSwI', wej mu' lajmo'. 'a
> mu'mey muj lajlaH jeSwI'; net tobnISbe'. mu' lugh Sov jeSwI'; net tobnIS.
>
>
_______________________________________________
tlhIngan-Hol mailing list
tlhIngan-Hol at lists.kli.org
http://lists.kli.org/listinfo.cgi/tlhingan-hol-kli.org
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20170917/78de18d3/attachment-0003.htm>


More information about the tlhIngan-Hol mailing list