[tlhIngan Hol] Saint George yIn

Thu Sep 28 09:19:50 PDT 2017

vaj, paw *athanasius*, 'ej tar lungaSbogh cha' DabqI' ngaSwI''e' 'uch.
ngaSwI' wa'DIch tar tlhutlhlu'chugh vaj maw'choHlu' 'ej ngaSwI' cha'DIch
tar tlhetlhlu'chugh vaj Heghlu'.

SIbI', diocletianDaq athanasiusDaq je george st lunarghmoH. 'ej tar wa'DIch
tlhutlhmeH george st, ra' diocletian. 'a baw'Ha'be' george st. tar tlhutlh,
'ach tlhutlhpa' prayed 'ej jatlh:

jesus christ joH, Qun'a'ma', bIjatlh: tlhIHvaD, jochchoHlaH pagh, vabDot
nuvpu' motlh HoHlaHbogh Dochmey'e'; pung Daghajmo' qaquvmoH.

ghIq, ngaSwI' wa'DIch tar tlhutlh, 'ej 'oy'moHlaHbe' tar. wanI'vam leghDI'
diocletian, ngaSwI' cha'DIch tar tlhutlhmeH george st, athanasius ra'
diocletian. vaj tarvam tlhutlh je george st, 'a qaSqa' pagh. 'ej
wanI'vammo' yay'choH Hoch.

'a qaptaH diocletian: 'IDnar ghajmo' george st, Heghbe' ! 'a wa' Doch
Sovchu' 'IDnar pIn'a' athanasius.. HoSghajqu' tarmey chenmoHta'bogh. vaj,
george st tlhopDaq tor athanasius 'ej ghIq wa' Qun'a'na' laj. 'a SIbI'
athanasius muHlu'meH ra' diocletian. vaj athanasius muHlu'.

qaStaHvIS wanI'meyvam, paw diocletian be'. ghaHvaD *alexandra* lupong. 'ej
pawDI', wa' Qun'a'na' laj je. 'a wIHmo' diocletian, 'ej mIghmo', bIghHa'Daq
ngeH, 'ej muHwI'pu'Daj ra' : jaj veb, porghDajvo' nach yIchev ! 'a
bIghHa'Daq ghaHtaHvIS alexandra, 'ej prayingtaHvIS, Qun'a' ghopDu'Daq
qa'Daj nob.

qunnoq

On Sep 27, 2017 17:33, "mayqel qunenoS" <mihkoun at gmail.com> wrote:

>
> vaj, yavDaq QemjIq jaQ luchenmoH muHwI', 'ej pa' burnt lime lulanta'DI',
> QemjIq qoDDaq george st lulan. ghIq QemjIqDaq yuvtlhe' lulan.
>
> qaSpu'DI' wej jaj, QemjIq ngaQHa'moHmeH, mangpu' ngeH diocletian. 'a
> yuvtlhe' luteqta'DI' merqu'choH. burnt limeDaq Qam george st 'ej praying
> ghaH. Sumbogh ghom'a' vuQ wanI'vam, 'ej Seyqu'choH nuvpu' Hoch. vaj
> jachchoHtaH Hoch: Dunqu'bej george st Qun'a' ! Dunqu'bej george st Qun'a' !
>
> vaj, george st ghel diocletian: chay' 'IDnar Daghojta' ? chay' 'IDnar
> Dalo'laH ? 'ej jang george st: wanI'meyvam qaSmoHbe' 'IDnar; wanI'vammey
> qaSmoHlaH Qun'a' neH.
>
> 'a Qay'qa' diocletian.. vaj, muHwI'pu'Daj ra'qa': baS waq tItlhap,
> qoDchajDaq Hut'Inmey tIlan, 'ej qulDaq tIlan. meQchoHDI', 'ej Hat vItlhmo'
> wew, ngugh george st qamDu'Daq tIlan. ghIq yIyItmoH !
>
> diocletian mu'mey tur muHwI'pu', 'a praying george st, vaj ghaHvaD
> jochlaHbe' waqmey..
>
> wanI'vam leghDI' diocletian, bIghHa'Daq george st ngeHqa'. 'ej qechmey
> chu' tu'meH rIpDaj rIt. rInDI' qep, george st lujoy'qa'. *whip*mey
> lo'taHvIS, luqIptaH, vaj porghDaj Hoch lurIQqu', lupe'qu', 'ej Datvo'
> ghIttaH 'Iw..
>
> ghIq, diocletianDaq lunarghmoH. 'a, wewtaHmo' george st, 'ej angel rur,
> merqu'choH diocletian. vaj, Qubqa'choH diocletian: 'IDnarDajmo', taHtaH
> george st.
>
> 'ej 'IDnarvam qaSHa'moHmeH diocletian, 'IDnar pIn'a' rIt. 'IDnar
> pIn'a'vamvaD athanasius lupong.
>
> mayqel
>
> On Sep 26, 2017 19:54, "mayqel qunenoS" <mihkoun at gmail.com> wrote:
>
>> pIvqa'pu'DI' george st, diocletian latlhpu'Daq je nargh george st; ngIq,
>> idolsDaq cha'nob much diocletian. 'ej george st luleghDI', SIvchoH
>> diocletian latlhpu' je.. chay' yIn ? chay' pIv ? QoghIjchajDaq mu'meyvam
>> QubtaH. 'op jatlh, george st ghaHbe' loDvam'e', george st rurbogh loD'e'
>> ghaH loDvam'e' ! 'ej jatlh latlhpu', george st ghaHbe' loDvam'e', nIyma
>> ghaH !
>>
>> 'ej wanI'vam luja'chuqtaHvIS, voDleHDaq nargh cha' yaS: *protoleon*
>> *anatolius* je bIH pongchaj'e'. 'ej tlhej wa' SaD mangpu'. ghIq, christ
>> lajchaj lumaq. vaj, Qay' diocletian, 'ej lumuHlu'meH ra'.. vaj, SIbI',
>> nuvpu'vam lumuHlu'.
>>
>> ghIq, ra' diocletian: burnt limeDaq george st yIlan, 'ej pa', qaStaHvIS
>> wej jaj yIratlhmoH ! ngoSchu'meH george st porgh, mu'meyvam jatlh
>> diocletian..
>>
>> mayqel
>>
>> On Sep 26, 2017 11:03, "mayqel qunenoS" <mihkoun at gmail.com> wrote:
>>
>>> QeHqu'mo' diocletian, mangpu'Daj ra': bIghHa'Daq george st yIlan, 'ej
>>> nItebHa' 'uSDu'Daj bobaghDI', pe'vIl nItebHa' tIQeymoH. ghIq, DubDajDaq
>>> yIlan, 'ej roDajDaq tInqu'bogh 'ej 'ughqu'bogh nagh yIlan.
>>>
>>> po veb, george st yu'meH, ra' diocletian: jIHDaq yIqem. bI'reS,
>>> bochmoHwI' Da diocletian. 'ej george st ponmeH, ghaHvaD tev law' lay'. 'a
>>> lalDanDaj lajQo'Qo' george st, 'ej QI'tu' tevmey boptaH mu'meyDaj.
>>>
>>> QeHchoH diocletian.. QeHqu'qa'.. vaj muHwI'pu'Daj ra': george st porgh
>>> bope'meH, rutlh'a'Daq yIbagh. 'ej george st toDuj'a' nuS 'ej ra'qa': idols
>>> tIlaj ! 'a Qun'a' tlho' george st; tugh, Qun'a'vaD bechmo', 'ej christ
>>> lajDaj tobchu'mo', Qun'a' tlho'. 'ej 'oy' lIb Sovchu': rutlh'a' Dechbogh
>>> DaqDaq, jejqu'bogh 'etlh law' tu'lu'. 'ej Dat porghDaj lupe' 'etlhvam. 'a
>>> george stvaD quv'a' 'oH 'oy'vam'e'.
>>>
>>> 'a vIHchoHDI' rutlh'a', 'ej george st porgh lupe'choH 'etlh, chalvo'
>>> ghogh'a' Qoylu'. 'ej jatlh ghoghvam: george st, joy'wI'pu'lI' tIbamvIpQo',
>>> qatlhejmo'. 'ej SIbI', rutlh'a'vo' george st baghHa' angel, tlhabmoH, 'ej
>>> porghDaj pIvqa'moH.
>>>
>>> mayqel
>>>
>>> On Sep 24, 2017 16:38, "mayqel qunenoS" <mihkoun at gmail.com> wrote:
>>>
>>>> bI'reS, wo'Daj DubmeH vum diocletian. ngoQvam chavmeH, boQwI'pu' law'
>>>> muvmoH. ghIq, wo'Daj jaghpu' jey, 'ej veHmeyDaj rach. ngoQmeyvam qasmoHDI',
>>>> wo' qoD lubopbogh wanI''e' DIghchoH. Do'Ha', idolatry qaSqa'moHmeH
>>>> christianity HIv.
>>>>
>>>> vaj, christ bov, tera' DIS wej-pagh-wej, roman wo' chan veng wa'DIchDaq
>>>> wej yejquv qaSmoH. pa', Sa'pu'Daj boQwI'pu'Daj je rIt, 'ej george st rIt
>>>> je; qaStaHvIS noH law', noy'eghmoHmo' george st, rIt diocletian.
>>>> yejquvmeyvam ngoQ 'oH wa''e' neH: christianity QIHna'.
>>>>
>>>> wa'DIch, jatlh diocletian, 'ej ra': christianity boSangchu'meH pevang !
>>>> 'ej SIbI' jang Hoch: roman wo'vo' christianity wIlelmeH, maSuvbej.
>>>>
>>>> 'a ghIq, Qam george st yoH, 'ej jatlh: voDleH chuQun je, ghIt nuvpu'
>>>> quv 'Iw qatlh boneH ? idols tlhopDaq tor christians, 'ej idols quvmoH;
>>>> qatlh boneH ? 'ej ghIq, christianity vItna' christ's godhood je Delchu'.
>>>>
>>>> 'a rInDI', mISchoH Hoch, 'ej QeHchoHchu' diocletian.. vaj, mu'meyDaj
>>>> choHmeH george st, lupon 'e' lunID Hoch; 'ej diocletian lujotqa'moHmeH,
>>>> lalDanDaj lajQo'meH lupon 'e' lunID.
>>>>
>>>> 'a yoHchu'taHvIS george st, HeQQo', 'ej christianity lajQo'Qo'..
>>>>
>>>> mayqel
>>>>
>>>> On Sep 22, 2017 19:13, "mayqel qunenoS" <mihkoun at gmail.com> wrote:
>>>>
>>>>> bov le' tu'lu'; rInDI' decius voDleH bov 'ej taghpa' diocletian voDleH
>>>>> bov, qaS bovvam le'. 'ej qaS bovvam, qaStaHvIS christ bov bov veb, 'ej
>>>>> qaSpa' tera' DIS pagh-cha'-chorgh-wej.
>>>>>
>>>>> qaStaHvIS bovvam le', qaStaHmo' roj, tlhoy Sach christ's church.
>>>>> ngugh, qum patlh law' ghajchoH christianpu', qum DuSaQ law' chenmoH
>>>>> christianpu', church luqum 'ej charity lunob.
>>>>>
>>>>> qunnoq
>>>>>
>>>>> On Sep 22, 2017 4:42 PM, "mayqel qunenoS" <mihkoun at gmail.com> wrote:
>>>>>
>>>>>> qaStaHvIS QIn tlheghvam, george st yIn lubop wanI''e' vIghItlh.
>>>>>>
>>>>>> vaj..
>>>>>>
>>>>>> cappadociaDaq, qaStaHvIS christ bov cho'wI' tera' DIS
>>>>>> pagh-cha'-soch-vagh, bogh george st, 'ej christianpu' chaH vavDaj'e'
>>>>>> SoSDaj'e' je. 'a yInDaj DIS wa'maHDIch SIQtaHvIS george st, christ
>>>>>> temQo'mo' vavDaj, vavDaj HoHlu'. ngugh, palestiniangan ghaHmo' SoSDaj'e',
>>>>>> 'ej pa' yer ghajmo', palestine lujaH george st SoSDaj je. tagha', qaSDI'
>>>>>> qoSDaj wa'maH chorghDIch, roman mangghom muv.
>>>>>>
>>>>>> roman mangghom muvDI', Qup george st; 'a, Qu'meyDaj turlaHchu', 'ej
>>>>>> luHo' Hoch. vaj, meqvammo', nom numlu', patlhmey nIv chav, count moj, 'ej
>>>>>> naDqu' diocletian voDleH.
>>>>>>
>>>>>> qunnoq
>>>>>>
>>>>>
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20170928/68b045af/attachment-0016.htm>