[tlhIngan Hol] hol kag org mu'tay' qaD

mayqel qunenoS mihkoun at gmail.com
Sat Sep 16 08:25:54 PDT 2017


qen, hol kag org Daq le' vItu': hol kag org mu'tay' qaD.

pa', nargh wa' tlhIngan mu', 'ej mu' bIngDaq DIvI' Hol loS mu' tu'lu'. ghIq
DIvI' Hol mu' lugh wIvnISlu'.

'a tlhoy QaQbe' qaDvam. 'ej DaH meq vIpoj.

qaDvam vIwaHtaHvIS, rut tlhIngan mu'mey vISovbe'bogh vIlegh. 'ach loS DuH
vIlaDDI', wej DuH vIlajlaH, 'ej vIlajmo', tagha' mu' lugh vItu'.

chaq, vIghellu': vaj, qatlh tlhoy QaQbe' qaD ?

...tlhoy QaQbe', latlh chovmeH mIw tu'lu'mo'. nIvmo', qaq mIwvam:

wa'DIch: narghnIS wa' tlhIngan mu', 'a ghIq narghbe'nIS DIvI' Hol loS mu'.
De'wI' jIHDaq DIvI' Hol mu' lugh ghItlhnIS jeSwI'.

qaSchugh mIwvam neH, le'choHbej mu'tay' qaD.

qaSbe'chugh mIwvam, vaj motlh, mu' lugh tu'laH jeSwI', wej mu' lajmo'. 'a
mu'mey muj lajlaH jeSwI'; net tobnISbe'. mu' lugh Sov jeSwI'; net tobnIS.

qunnoq
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20170916/699d042e/attachment-0001.htm>


More information about the tlhIngan-Hol mailing list