[tlhIngan Hol] Why there are no beginners

mayqel qunenoS mihkoun at gmail.com
Fri Nov 17 12:39:21 PST 2017


pIj jIQub..

cha' ben, naDev vIpawta'; 'ej naDev vIpawDI', wa' Doch vIpIH: tlhIngan Hol
vIghoj.

maj..

qaStaHvIS cha' DIS, bIvumtaH 'ej tagha' tlhIngan Hol vIlo'laH.

'a qaStaHvIS cha' DISvam, naDev lupaw Saghbogh pagh taghwI'pu'.

DaH, chaq jatlhqanglu': bImuj ! qaStaHvIS cha' DISvam, naDev lupaw 'op
taghwI'.

chaq..

'a potlh wa' Doch neH.. chaq naDev lupaw 'op taghwI'; 'a tlhIngan Hol
lughojta' taghwI' 'ar ?

wa' ? cha' ? wej ? loS ? 'ar ?

'ej Do'Ha' -tlhIngan HolvaD-, Hol ghojta' pagh..

vaj, chaq maghel'eghnIS; qatlh wanI'vam SIQ tlhIngan Hol ? qatlh taghwI'pu'
tu'be'lu' ?

meq law'mo'..

'ej meqmeyvam Hoch vIDelqangbe' (poH yap vIghajbe'mo'..). 'a wa' meq
vIghItlh vIneH.

Hov leng lubej nuv law', 'ej tlhIngan Segh lulegh. 'op nuv vuQ tlhIngan
vaj, vaj tlhIngan Hol lughoj luneH.

'a Do'Ha' mujbogh vay' luHar: Hol mutlhlu'ta'bogh 'oHmo' tlhIngan Hol'e',
ngeD..

vaj, tlhIngan Hol luHaDchoH, 'a ghojmeH tlhoy vumnISmo', tagha' bup.

taghwI'pu' tu'be'lu', Sun luHutlhmo' nuvpu' HochHom. vIt neH 'oH..

~ nI'ghma
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20171117/ebcfb784/attachment.htm>


More information about the tlhIngan-Hol mailing list