[tlhIngan Hol] wa' Doch potlh

[Ed Bailey]

beervaD tIr HIq perlaH vay'.

tIr HIq DatlhutlhmeH Hat DamaS vISov. tay'taH chuch bIQ je 'e' chaw'bogh
Hat 'oH.

HIq tlhutlhmeH tIgh law' tu'lu' 'ej  HIq SarvaD Hat Sar lo'lu'. DaSvo' beer
tuj Datlhutlhchugh qaqIchQo'. 'a jIH'e' jat mumbe'moHlaH HIq tlhoy
bIrchugh. HIq 'ey vImaS vaj vItIvmeH vImumnIS. chaq 'op HIqvaD QaQ chuch
Hat 'ach latlh HIqvaD QaQlaH wutlh Hat.

HIq tIvlu'chugh lughba' Hat.

~mIp'av

On Wednesday, July 12, 2017, mayqel qunenoS <mihkoun at gmail.com> wrote:
> 'ej DaH, wa' Doch potlhqu' wIqelnIS..
> 'a jItaghpa', vIt vIchIDnIS: beer po'wI' jIHbe'. DoyIchlangan jIH net
jalchugh, vaj beer po'wI' jIHbej. 'a DoyIchlangan jIHbe'mo' beer po'wI'
jIHbe'bej.
> 'ej vItvam wIDelta'mo', DaH mataHlaH..
> vaj..
> qaStaHvIS qImroq tujqu', wa' Doch potlhqu' wIqaSnISmoH: maSoptaHvIS reH
beer bIrqu' wItlhutlhnIS.
> 'a chaq jatlhruplu':
> {beer bIrqu'} DaghItlhta'; vaj beer Hat yIper !
> vaj jIjangqang.. beer Hat pup vIperlaHbe' 'a bIrqu'moHmeH mIw
vIDellaHchu'.
> vaj, peqIm !
> wa'DIch, bIrmoHmeH janvo' beer bolelnIS. 'ej ghIq SIbI', taDmoHmeH janDaq
beervam bolannIS. qaStaHvIs wejmaH tup, taDmoHmeH janDaq beervam bolonnIS.
'ej ghIq taDmoHwI'vo' beer yIlel.
> 'a SuyepnIS.. qaStaHvIS poH nI'qu', taDmoHwI'Daq beer bolonchugh, ghIq
chuch moj vaj botlhutlhlaHbe'.
> qaStaHvIS qImroq tujqu', beer bIrqu' tlhutlhbe'lu'chugh, vaj HeSlu'; 'ej
beer bIrqu' tlhutlhlu'Qo'chugh vaj HeSqu' ! qaStaHvIS pa'logh 'e' vIHar.
'ej DaH vIHar je.
> qunnoq
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20170713/05070633/attachment.htm>