[tlhIngan Hol] Rendered fat

[SuStel]

On 2/19/2017 3:19 AM, Rhona Fenwick wrote:
> qaStaHvIS Hoch pemvam, De'wI'wIjDaq jIDachtaH, vaj ja'chuqtaHghachvam 
> QeH'e' vIleghbe'pu', 'ach naDev bIwogh SoH'e' 'e' vIHar jIH, mIp'av. 
> pab bopbogh vay' tlhoblu'bogh, wIjangmeH *De' DISovbejbogh neH* 
> wIlo'laH. De' pegh wIwuvlaHbe'; maybe'. bIjatlhpu' SoH, mIp'av: "it's 
> immediately obvious to some this combination nominalizes the same way 
> as "-ee" in "employee"". qatlh? Qochba' SuStel, 'ej vuDlIj'e' moHtaH 
> DIvI' Hol SovlIj 'e' Qub 'e' QIjchu' SuStel, 'ej QochmeH tlhIngan Hol 
> De' neH lo'pu'. po' SuStel. tlhIngan Hol jatlh qaStaHvIS DISmey law'. 
> pIj maQoch je jIH ghaH je, 'ach vuDDaj vIvuvtaH. naDev lughchu' ghaH 
> 'e' vIQub jIH. vuDDaj DalajQo' DaneHchugh SoH'e', vaj yIruch, 'ach 
> marq 'oqranDvo' vuD DaneH 'e' DajatlhDI' quSDaq bIba'. marqvo' 
> tlhIngan Hol pab bopbogh Hoch'e' wIghoj wIneHba' net Sov. 'ach qaSpa', 
> latlh nuq DaneH? vuDmeymaj neH DInoblaH. pojmeymaj DInoblaH. 'ej poj 
> nIv Daghajchugh, vaj gho'ang. 'ach pojna' tu'lu'be'chugh - DIvI' Hol 
> "-ee" 'oSlaHchu' {-lu'wI'} 'e' DaQubchugh - vaj yItob.

meqwIj DaQIjchu'pu', QeS. vuDwIj vIchoHqangbej 'ach latlh vuD qar law' 
vuDwIj qar puS net tobnISchu'. naDev puq QIpvaD SoQ vIjatlhbe'; 
meqlaHbogh valwI'vaD Hol QeD vuDwIj vIQIj. meqchoH mIp'av 'e' vItul.

-- 
SuStel
http://trimboli.name

-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20170219/f85b92d8/attachment-0016.htm>