[tlhIngan Hol] HoS'a' Dop Hurgh

Sat Dec 23 05:59:26 PST 2017

Dunqu'bej Dop Hurgh HoS; meqvammo', Dop Hurgh SIr'o'Daq Sumchugh nuv, vaj
SIbI' nuvvam qalmoHlaH Dop Hurgh.

HoS'a' jemlaHbe'chu' *tobin of onderon* 'ech. 'a SaHtaHvIS *darth nihilus*,
'ej HoS'a' Hurgh tlhuDtaHmo' *darth nihilus*, maw'choH *tobin* 'ej choH
*tobin* DI'onmey: Dop Hurgh lo'taHwI' rurchoH *tobin*.

DaH, wa' ngoD potlh wIDel: porgh Qaw'laH Dop Hurgh. 'a porgh taHmoHlaH Dop
Hurgh. wanI'vam qaSmoHlaH je Dop Hurgh.

HoSmey Sar, HoSmey law', ghaj Dop Hurgh: HoSmey mIgh, HoSmey nong, HoSmey
qu' je bIH HoSmeyvam'e'. HoSghajqu'mo' HoSmeyvam, Hegh lubotlaH.
naQchoHchugh yIn poH, 'ej IIb Hegh, Dop Hurghmo' taHlaH vay'. vaj,
qaStaHvIS vatlh law' DIS, taHlaH nuv motlh..

qaStaHvIS wejvatlhHey DIS, yInlaH *korriban* ta' *adas*.

qaStaHvIS *sith* noH'a' *jedi civil war* je, bechqu' *darth sion*; 'ej
bechqu'mo' *sion*, yItbogh lom rur *sion*. wa'logh, *sion* nuD *republic*
yaS Qel, 'ej ja' Qelvam: *sion* porghDaq Dat Qargh law'qu' tu'lu', Dat
taqqu' porghDaj, 'ej qal'aqDaj SaD law' DaqDaq HomDaj lughorlu'pu'.

vaj, chay' taHlaH *darth sion* ? wanI'vam taQ QIjmeH *darth traya*, jatlh:
taHmeH *darth sion*, 'ej jubchoHmeH *sion*, Dop Hurgh rIt joHvam Hurgh.
muSmeH HoSmo' taHlaH *darth sion*.

'ej *darth vader* tu'lu' je..

*darth vader* porghvo' 'uSDu'Daj lupe'lu'. ghIq yIntaHvIS *vader* 'ej
meQtaHvIS *vader*, taghDu'Daj meQ *mustafar* qulmey. *vader*vaD lIb Hegh;
'a munmo' pIn'a'Daj (darth sidious), tagha' taHlaH *vader*. vormeH laHmey
Hurgh ghaj *sidious*, 'ej laHmeyvammo' yInlaH *vader*.

'a choH *vader* 'ej qoq rur. 'ej naQchoHDI' choHDaj, QapmeH Dop Hurgh
wuvtaH.

~ nI'ghma

On Dec 21, 2017 6:02 PM, "mayqel qunenoS" <mihkoun at gmail.com> wrote:

> qab porgh je DI'onmey SIghlaH Dop Hurgh; 'a qaStaHvIS poH nI'qu', Dop
> Hurgh lo'lu'chugh, vaj porgh laHmey SIgh je Dop Hurgh. 'ej porghvam qalmoH
> Dop Hurgh..
>
> 'ej ghantoH law' tu'lu':
>
> qaStaHvIS yInDaj HochHom, *sith* 'IDnar pIn'a' ghaH *king ommin of
> onderon*'e'. Dop Hurgh lo'taHvIS *king ommin*, SIghtaH HoS'a' Hurgh, 'ej
> tagha' Dop Hurghmo' vIHlaHbe'. vaj, taHmeH qal'aq pargh qoDDaq lan'eghnIS.
>
> qabbej *king ommin* choH; 'a *darth nihilus* choH qab law' *king ommin*
> choH qab puS..
>
> 'ej *darth nihilus* choH qab law' Hoch choH qab puS.. *darth nihilus*
> natlhchu' Dop Hurgh; qabDaj natlh 'ej porghDaj natlh je. vaj, tagha' taQwI'
> moj, 'ej wa' ngoQ neH chavmeH taH *darth nihilus*: yIn natlhmeH taH..
>
> porgh SIghlaH Dop Hurgh; 'a yab SIghlaH je. 'ej pIj, yab choH Sagh law'
> porgh choH Sagh puS:
>
> pIj, Dop Hurghmo', latlhpu' voqlaHbe' *sith*, 'ej nom QeHchoH. *darth
> vader* mojDI' *anakin skywalker*, Dat QuS legh; *darth vader* luHoHmeH QuS
> be'nalDaj *obi-wan kenobi* je 'e' Har *darth vader*. 'ej tagha',
> QeHchoHchu'mo' 'ej pIHchoHchu'mo', be'nalDaj voQmeH HoS'a' Hurgh lo'.
>
> pIj, jaS choH latlh *sith*pu'. Dop Hurgh lulo'taHchugh 'op *sith*, tagha'
> maw'choHchu'. 'ej ghantoH law' tu'lu': *dark jedi boc aseca*, *alema rar*,
> *joruus c'baoth*.. 'a nuvpu'vam boptaHvIS mu'meymaj, wa' ngoD potlh
> wIqawnIS:
>
> nuvpu'vam choHchoHpa' Dop Hurgh, yab rIQ lughaj nuvvam. choHmey mIgh
> qaSmoHbe' HoS'a' Hurgh; nuvpu'vamDaq DI'onmey mIgh tu'lu'bogh, 'arghmoH neH
> Dop Hurgh.
>
> ~ nI'ghma
>
> On Dec 19, 2017 18:11, "mayqel qunenoS" <mihkoun at gmail.com> wrote:
>
>> SIbI' HoS'a' Hurgh lo'wI' qab porgh je SIghbe' Dop Hurgh; 'a Dop Hurgh
>> lo'lu'taHchugh, vaj choHchoH porghDaj DI'onmey, 'ej tlhetlhtaHvIS poH, Sab
>> ghu'vam.
>>
>> Dop Hurgh luSIQ *darth tyranus* *galen marek* je porghmey, 'a Sabbe'
>> porghmeychaj DI'onmey. 'a QeHchoHtaHvIS joHpu'vam Hurgh, *yellow*choH
>> lurDu'chaj. choHvam neH luSIQ.
>>
>> lo'wI' porghvaD, pIj pagh wanI' qaSmoH Dop Hurgh: *darth vader* mevmoHmeH
>> *luke skywalker*, QeHqu'choH. 'a choHbe' *luke skywalker* porgh. *kyle
>> katarn*vaD jaSHa' qaS; *jerec* *desann* je SuvtaHvIS *kyle katarn*, pIlmoH
>> Dop Hurgh. 'ej not choH porghDaj.
>>
>> 'a, qaStaHvIS *dathomir* may', wa' *nightsister* HoHmeH *teneniel jo*,
>> Dop Hurgh rIt; 'ej SIbI', qabDajDaq ghor wa' 'aD. vaj *nightsister* DI'on
>> Suq..
>>
>> Dop Hurgh lulaj ghot law'; 'a Dop Hurghmo', wanI'mey pIm SIQ ghotpu' pIm:
>>
>> lurDu' rItlh choH neH SIQ *darth malak*, 'ej loQ chISchoH DIrDaj. 'a pagh
>> latlh choHmey SIQ. qaStaHvIS wa' DIS, Dop Hurgh lo' *darth caedus*, 'ej
>> ghaHvaD qaS wa' choH neH: choH mInDu'Daj rItlh. qaS pagh latlh wanI'.
>>
>> 'a, *darth sidious* rurlu'chu'chugh, 'ej wa'na' lumoj Dop Hurgh ghaH je,
>> vaj choHchu' qabDaj porghDaj je.
>>
>> 'a, DaH, wa' Doch potlh wItu'nIS: SuvtaHvIS *darth sidious* *mace windu*
>> je -qaStaHvIS wanI'vam neH- qaS *sidious* qab porgh je choHmey potlhqu'.
>> *sidious* *force lightning* way'meH *windu*, yanDaj lo'. ghIq,
>> tonSaw'vammo', qaS HoS'e' SeHlaHbe'bogh vay', 'ej *sidious* porgh DI'onmey
>> choH HoSvam.
>>
>> ~ nI'ghma
>>
>> On Dec 18, 2017 4:38 PM, "mayqel qunenoS" <mihkoun at gmail.com> wrote:
>>
>>> meqmey le' ghaj Dop Hurgh lulajchu'bogh Hoch'e'; 'a wa' meq potlh law'
>>> Hoch potlh puS. ghu'mey Qatlh qaDmey Qatlh je bampu' Dop Hurgh Hoch
>>> lo'wI'pu', 'ej ghu'meyvam qaDmeyvam bamtaHvIS Dop Hurgh lo'wI'pu', chaH
>>> QaHQo' Dop wov. vaj Dop Hurgh lulajchu'. yInmeymo' ghu'meymo' je
>>> SIQpu'bogh, choH chaH 'ej tagha' Dop Hurgh lo'wI'pu' moj chaH.
>>>
>>> peQnagh rur Dop Hurgh. yab SIgh, 'a Dop Hurgh lo'wI' porgh SIghlaH je.
>>> 'ej HoS'a' Dop Hurgh lo'lu'taHchugh, vaj Dop Hurghmo' choH porghDaj, 'ej
>>> SabchoH.
>>>
>>> pIj, choH Dop Hurgh lo'wI'pu' lur rItlh, 'ej *yellow* moj; no'negh rur.
>>> DIr'e' *pale*choH, 'ej paw'aDmey leghlaH vay'. chISchoHmo' jIb, nom
>>> qanchoHlaw' Dop Hurgh lo'wI'. 'ej choH je ghogh; 'eSchoH wabDaj 'ej
>>> mIghchoH.
>>>
>>> ~ nI'ghma
>>>
>>> On Dec 15, 2017 5:07 PM, "mayqel qunenoS" <mihkoun at gmail.com> wrote:
>>>
>>>> mIgh Dop Hurgh; 'e' luHar 'op *sith*. 'a qaStaHvIS qun poHmey Qatlh,
>>>> 'ut Dop Hurgh; 'e' luHar je. *sith*vam rur *darth caedus* *darth revan* je.
>>>>
>>>> HoS'a' Hoch Sang *darth traya*; neH ghaH. 'ej ngoQvam chavmeH Dop Hurgh
>>>> lajchu'. HoS'a' naQ yajlu'chu'meH HoS'a' Dopmey Hoch lajnISlu'chu'. 'e' Har
>>>> *darth traya*.
>>>>
>>>> 'ej latlhpu' tu'lu'.. *aurra sing* lurur nuvvam. *jedi* Suv *aurra
>>>> sing*; neH ghaH, 'ej meqvammo', Dop Hurgh lulaj *aurra sing* lururbogh
>>>> *sith* je.
>>>>
>>>> HoS'a' luqIHtaHvIS latlhpu' law', chaHvaD wa'DIch Dop Hurgh lIHlu'; vaj
>>>> not nuvpu'vam SIgh Dop Hurgh. chaHvaD Dop Hurgh laj qaSmoHlu'. *darth
>>>> talon*, *darth bane*, latlhpu' je chaH nuvvam'e'.
>>>>
>>>> latlhpu'vaD qaSDI' Qugh'a', nuvpu'vam rIt Dop Hurgh: HeghDI' *anakin
>>>> skywalker* bang, Dop Hurgh lajchu' ghaH.
>>>>
>>>> 'ej SottaHvIS latlhpu', boqwI'pu' moj Dop Hurgh nuvpu'vam je. ghantoH
>>>> chaH *exar kun*'e' *darth krayt*'e' je.
>>>>
>>>> latlhpu' rItmeH Dop Hurgh, wa' latlh mIw 'oH mIw veb'e': SumDI' HoS'a'
>>>> Hurgh HoSHal, vaj Sumbogh nuvpu' rIt Dop Hurgh. Dop Hurgh HoSHal noy bIH
>>>> *malachor* vagh'e', *korriban* joHpu' Hurgh ngech'e' je.
>>>>
>>>> ~ nI'ghma
>>>>
>>>> On Dec 14, 2017 4:59 PM, "mayqel qunenoS" <mihkoun at gmail.com> wrote:
>>>>
>>>>> chay' Dop Hurgh lajchoHlu' ? Sov pagh 'ej pagh tamey tu'lu'. 'a bej
>>>>> wa' Doch; Dop Hurgh lulajchu' 'op nuv, 'ej lajta'ghachvamvaD enlightenment
>>>>> lupong *sith*.
>>>>>
>>>>> peQnagh'a' rurchu' Dop Hurgh 'ej tlhoS Dop Hurgh temlaHbe'chu' vay'.
>>>>> Dop Hurgh rItDI' HoS'a' jemlaHwI', ghaHvaD HoS vItlh qemmo' Dop Hurgh, Dop
>>>>> Hurgh wuvchoH rItwI', 'ej Dop Hurgh rItqa'DI' ghIq Dop Hurgh wuvqu'choH.
>>>>> 'ej vay' SIghlaHchu'mo' Dop Hurgh, nom vay'vam qalqu'moHlaH. ghIq vay'vam
>>>>> SeHlaHchu' Dop Hurgh.
>>>>>
>>>>> HoS vItlh Suqlu'meH, qIgh 'oH Dop Hurgh'e'. 'ej HoS SuqmeH mIw'e',
>>>>> qIghvam Qob law' Hoch Qob puS. 'e' luHar *jedi*. 'a latlh meq law'mo',
>>>>> HoS'a' Hurgh lulajchu' Dop Hurgh lo'wI'..
>>>>>
>>>>> Doch puS neH nobqang Dop wov, 'a Doch law'qu' nobqang Dop Hurgh. 'e'
>>>>> luHar Dop Hurgh lo'wI'. HoSna' nobtaHQo'vIS Dop wov, HoSna'vam nobqangbej
>>>>> Dop Hurgh. 'e' luHarmo' *dark jedi* law', qaStaHvIS jedi order schisms,
>>>>> latlh *jedi* pum *dark jedi* 'ej chaHvaD jatlh: HoS'a' DI'onmeyna', HoS'a'
>>>>> DI'onmey Hurgh, bolajqangbe'mo', qoH tlhIH !
>>>>>
>>>>> Sovmo' Dop Hurgh lulaj latlh; *anakin skywalker* 'oH ghantoH'e'.
>>>>> be'nalDaj puqpu'Daj je toD; neH ghaH. 'ej ngoQvam chavmeH, Sov Suq neHmo',
>>>>> tagha' Dop Hurgh lajchu'.
>>>>>
>>>>> ~ nI'ghma
>>>>>
>>>>> On Dec 12, 2017 17:57, "mayqel qunenoS" <mihkoun at gmail.com> wrote:
>>>>>
>>>>>> Hurghlaw'bogh HoS'a' Dop tu'be'lu'; 'e' luHar 'op nuv. ngoQmey Hurgh
>>>>>> neH tu'lu'; 'e' luHar je nuvvam. 'ej qangtlhInvam lughaj, cha' meqmo':
>>>>>>
>>>>>> wa'DIch: HoS'a' Hurgh lulajta'pa' HoS'a' Hurgh lo'wI'pu', DI'onmey
>>>>>> mIgh ghaj qa'chaj.
>>>>>>
>>>>>> cha'DIch: 'op nuv tlhu'moHmo' woQ patlhmey je, tagha' toy'wI''a'pu'
>>>>>> moj. vaj pIch ghajbe' Hurghlaw'bogh HoS'a' Dop.
>>>>>>
>>>>>> 'a Qochchu' *jedi* pIn'a' *yoda*; 'ej Qochchu' je *sith* joH *darth
>>>>>> plagueis*.
>>>>>>
>>>>>> jatlh *darth plagueis*: pImchu' Dop wov Dop Hurgh je, 'ej pImchu' je
>>>>>> Hoch Dop lo'meH mIw.
>>>>>>
>>>>>> ~ nI'ghma
>>>>>>
>>>>>> On Dec 8, 2017 18:05, "mayqel qunenoS" <mihkoun at gmail.com> wrote:
>>>>>>
>>>>>>> ngoQmey mut neH chavmeH vay', HoS'a' Dop Hurgh lo'laH vay'; 'e'
>>>>>>> luHar HochHom. meqvammo', motlh HoS'a' Dop Hurgh lo'wI'pu' pum nuv law',
>>>>>>> 'ej chaHvaD mutwI' lupong. 'a, Hub'eghmeH HoS'a' Dop Hurgh lo'wI'pu',
>>>>>>> jatlh: HoS'a' Dop Hurgh 'oH wa' mIw'e' neH, 'ej ngoQmeymaj DIchavmeH
>>>>>>> HoS'a'vam Hurgh wI'lo'.
>>>>>>>
>>>>>>> wa' ghantoH noy ghaH *anakin skywalker*'e'; leSSov SIQtaHvIS,
>>>>>>> be'nalDaj Hegh legh. vaj, be'nalDaj toDmeH, HoS'a' Dop Hurgh lajchu'. 'ej
>>>>>>> meqvammo', *jedi* 'obe' lon.
>>>>>>>
>>>>>>> nuv law'vaD peQ'a' Da HoS'a' Dop Hurgh. 'ej HoS'a' Dop Hurgh
>>>>>>> lulo'taHchugh, HoS'a' Hurghvo' narghlaHbe'. HoSghaj HoS'a' Hurgh lo'wI'pu';
>>>>>>> 'ej raghtaHvIS porghmeychaj, HoSghajqu'choH.
>>>>>>>
>>>>>>> yIn HoS'a' Dop Hurgh; motlh 'e' luHar nuvpu', HoS'a' Dop Hurgh
>>>>>>> luDIghtaHvIS. 'ej ngoQmeyDaj le' ghaj HoS'a' Dop Hurgh; motlh 'e' luHar je
>>>>>>> nuvpu'.
>>>>>>>
>>>>>>> 'ej HoS'a' Dop wov luDIghtaHvIS, ngoDmey rap Har nuvpu'.
>>>>>>>
>>>>>>> ~ nI'ghma
>>>>>>>
>>>>>>> On Dec 6, 2017 19:04, "mayqel qunenoS" <mihkoun at gmail.com> wrote:
>>>>>>>
>>>>>>>> qaSpa' qIb poH 24500 *bby*, pagh buQqu' HoS'a' Dop Hurgh. 24500
>>>>>>>> *bby*, qaS *jedi* 'obe' yol'a' wa'DIch, 'a HoS'a' Dop Hurgh lo'wI'pu' jey
>>>>>>>> *jedi* 'obe' nuvpu'; vabDot *lettow xandor* Sa' lujey *jedi* 'obe' nuv.
>>>>>>>>
>>>>>>>> *xandor* HarwI'pu'vaD, *legions of lettow* ponglu'; paQQo'
>>>>>>>> nuvpu'vam, 'ej jotQo'. vIq neH luSaHqang, 'ej may' neH lubuS. tugh,
>>>>>>>> nuvpu'vam paQDI'norgh lajchoH *jedi'* 'obe' nuv law', 'ej HoS'a' Dop Hurgh
>>>>>>>> lulajchu'. vaj, 7000 *bby*, tagh wa'vatlh DIS HurghtaHghach.
>>>>>>>>
>>>>>>>> tagha', *dark jedi* lujeylu', 'ej lughImlu'; 'a wa' ghu' le' qaSmoH
>>>>>>>> wa'vatlh DIS Hurghchu'ghachvam, 'ej ghu'vam le'mo' bogh HoS'a' Dop Hurgh
>>>>>>>> 'obe'. taHlaHtaH 'obe'vam Hurgh, 'ej *sith* nubwI'pu' moj ghImwI'pu'.
>>>>>>>>
>>>>>>>> ~ nI'ghma
>>>>>>>>
>>>>>>>> On Dec 5, 2017 17:30, "mayqel qunenoS" <mihkoun at gmail.com> wrote:
>>>>>>>>
>>>>>>>>> lupu'DI' infinite empire, 'ej qaSpu' poH nI'qu', qaSchoH qIb poH
>>>>>>>>> 25000 *bby*. ngugh, qIbDaq qum chu' cherchoHlu' 'ej qumvamvaD galactic
>>>>>>>>> republic ponglu'.
>>>>>>>>>
>>>>>>>>> 'a qaSpa' poHvam, yuQ *tython*Daq ghomchuq tejpu', SuvwI'pu,
>>>>>>>>> lalDanmey 'oSwI'pu', meHghem nuvpu' je; wa' meqmo' ghomchuq: qIb HochDaq
>>>>>>>>> HoS motlhbe' tu'lu', vaj HoSvam lunuDmeH 'ej luja'chuqmeH ghomchuq.
>>>>>>>>>
>>>>>>>>> ja'chuqchoH, 'ej HoS motlhbe' lunuDchoH.. 'ej tugh *ashla* lutu';
>>>>>>>>> qaStaHvIS DISmey veb, noychoH *ashla*, 'ej HoS'a' Dop wov luDelmeH nuv,
>>>>>>>>> *ashla* pong lulo'.
>>>>>>>>>
>>>>>>>>> 'a, yuQvetlhDaq -tython-, HoS latlh Sar lutu'.. *bogan*; HoS'a'
>>>>>>>>> Dop Hurgh 'oH *bogan*'e', 'ej tugh lo'Daj luneHchoH tu'wI'Daj.
>>>>>>>>>
>>>>>>>>> tugh, *python*Daq cha' ghom lutu'choHlu': *ashla* lo'qangbogh ghom
>>>>>>>>> 'oH ghom wa''e', 'ej *bogan* lo'qangbogh ghom 'oH latlh ghom'e'.
>>>>>>>>>
>>>>>>>>> tagha', SuvchoH cha' ghomvam, vaj tagh noH. qaStaHvIS wa'maH DIS
>>>>>>>>> qaStaH noHvam, 'ej noHvamvaD *tython* HoS'a' noH ponglu'.
>>>>>>>>>
>>>>>>>>> mevDI' noH, *jedi* 'obe' lucher *ashla* lo'wI', 'ej ngablaw'
>>>>>>>>> *bogan* lo'wI'pu'.
>>>>>>>>>
>>>>>>>>> ~ nI'ghma
>>>>>>>>>
>>>>>>>>> On Dec 4, 2017 5:35 PM, "mayqel qunenoS" <mihkoun at gmail.com>
>>>>>>>>> wrote:
>>>>>>>>>
>>>>>>>>> wa' HoS'a' Sar 'oH Dop Hurgh'e', 'ej latlh qo' HoS 'oH HoS'a''e';
>>>>>>>>> nItebHa' qIb 'ay' Sar mutlh HoS'a'.
>>>>>>>>>
>>>>>>>>> HoS'a' Dop Hurgh lulo' Segh Sar, 'ej *rakatans* tIQ chaH HoS'a'
>>>>>>>>> Dop Hurgh SeHlaHbogh Segh wa'DIch'e'. qaStaHvIS 30000 *bby*, qIb HochHom
>>>>>>>>> luchargh *rakatans* tIQ.
>>>>>>>>>
>>>>>>>>> HoS'a' Dop Hurgh luSeHlaHmo' novwI'vam, cham chav'a'mey chavlaH:
>>>>>>>>> hyperdrive.. starforge.. chav'a'meyvam chavta', 'ej Dojqu' Serchaj.
>>>>>>>>>
>>>>>>>>> 'a, tagha' HoS'a' Dop Hurghvo' *rakatans* chevlu', vaj ghang
>>>>>>>>> *rakatan* wo'.
>>>>>>>>>
>>>>>>>>> ~ nI'ghma
>>>>>>>>>
>>>>>>>>> On Dec 2, 2017 16:37, "mayqel qunenoS" <mihkoun at gmail.com> wrote:
>>>>>>>>>
>>>>>>>>>> cha' Sar ghaj HoS'a', 'ej wa' Sar 'oH Sar Hurgh'e'. HoS'a'
>>>>>>>>>> lujemlaH 'op nuv, vaj nuvpu'vamvaD HoS'a' jemlaHwI' ponglu'. 'ej HoS'a' Dop
>>>>>>>>>> HurghvaD *bogan* *boga* joq lupong HoS'a' jemlaHwI' tIQ.
>>>>>>>>>>
>>>>>>>>>> cha' Sar chaH HoS'a' Hurgh lo'wI''e':
>>>>>>>>>>
>>>>>>>>>> *sith" Sar noy law' Hoch noy puS. 'a latlh Sar tu'lu'.. HoS'a'
>>>>>>>>>> Hurgh DIvI' lumuvQo' 'op nuv; vaj, nuvpu'vamvaD *darksiders* *dark jedi*
>>>>>>>>>> joq ponglu'.
>>>>>>>>>>
>>>>>>>>>> HoS'a' Dop wov lulo' *jedi*; 'ej meqvammo', jedi rurbe'chu'
>>>>>>>>>> *sith* *dark jedi* je. HoSghajchoHchu'meH *sith* *dark jedi* je, chIch qa'
>>>>>>>>>> DI'onmey Hurgh lo': QeHchu'mo', naHchu'mo', mIghchu'mo', HoSghajchoHlaH.
>>>>>>>>>> HoSna'chaj 'oH nongchu'ghachchaj'e'.
>>>>>>>>>>
>>>>>>>>>> ~ nI'ghma
>>>>>>>>>>
>>>>>>>>>> On Dec 1, 2017 15:06, "mayqel qunenoS" <mihkoun at gmail.com> wrote:
>>>>>>>>>>
>>>>>>>>>>> qaStaHvIS poH 'Iq, tlhIngan Hol vIqeqbe', 'a DaH choH ghu'vam !
>>>>>>>>>>>
>>>>>>>>>>> vaj, QIn mIrvam vItaghmoH, 'ej qaStaHvIS mIrvam, HoS'a' Dop
>>>>>>>>>>> Hurgh lubop mu'wIj.
>>>>>>>>>>>
>>>>>>>>>>> maj.. DaH jIbelchoH. vaj, tugh QIn mIrvam vItaHmoH..
>>>>>>>>>>>
>>>>>>>>>>> ~ nI'ghma
>>>>>>>>>>>
>>>>>>>>>>
>>>>>>>>>
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20171223/29370d33/attachment-0016.htm>