[tlhIngan Hol] The necessity of backup

mayqel qunenoS mihkoun at gmail.com
Sat Aug 12 04:43:33 PDT 2017


tera' DIS cha'SaD Soch, jar wa'maH wa', raS De'wI'wIj wa'DIch vIje'..

ngugh, De'wI' taghwI' jIHbej. vIghellu'chugh: chay' weQmoQnaQ Danaw' ?
jIjang, tlhoy' *socket*Daq baS SIrgh vIrar. 'ej vIghellu'chugh: router
Dalo'nISbe''a' ? ngugh jIjang: router ? router 'oH nuq'e' ?

vaj, ngugh taghwI'na' jIH. 'a De'wI'vetlh vIlo'choHDI', tugh Doch law'
vIghoj; potlhqu'bogh Dochmey. vaj tugh jIghoj: potlhqu' De' velqa'.. ej
tugh jIghoj: weQmoQnaQ Danaw'taHvIS, De' potlh DaleghDI', vaj SIbI'
weQmoQnaQvo' De'vam DalI'nIS.

'ej De'wI'lIjDaq De' potlh DaSuqDI', vaj SIbI' latlh qawHaqDaq DalannIS.

qaStaHvIS DIS law', pIj QapchoHHa' qawHaq Sar; 'a, Do', De' velqa'
vIchenmoHta'mo', not Heghchu' De'wIj potlh.

qunnoq
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20170812/01fbef90/attachment.htm>


More information about the tlhIngan-Hol mailing list