[tlhIngan Hol] bommey 'IQ

mayqel qunenoS mihkoun at gmail.com
Wed Aug 2 08:59:12 PDT 2017


reH, muSIvmoH wanI'vam..

bI'IQchoH DaneH'a' ? vay' Daghelchugh vaj ghaytan jang, ghobe'.

'a, pIj bommey 'IQ parHa' nuv. 'ej vIparHa' je. 'e' vIchID. qatlh ?
jISovchu'be'.

wa'Hu', yaHwIjDaq jIHtaH, 'ej bom 'IQ vI'IjchoH. bomvammo' jI'IQchoH, 'a
bomvam vImevbe'.

chaq, maHvaD 'op ghu' qawmoH 'op bom. 'ej le'mo' ghu'meyvam, bomvam DI'Ij.
'ej bomvammo' ma'IQchoHDI', maqawnISmo' bomvam DImevQo'.

'a taQ. chaq rut ma'IQchoHnIS.

'ej jIHvaD Hov leng lut qawmoH wanI'vam. Dep qIH jemS tIy qIrq. 'ej ghaHvaD
jatlh Depvam. jatlh, 'oy'lIj vInge'. 'a ghIq jang qIrq 'ej jatlh:

Qo' ! 'oy'wIj vIparHa' ! 'oy'wIjmo' le' qa'wIj !

vaj, chaq, meqvammo' bom 'IQ DIparHa'. maHvaD wanI'mey le' qawmoHmo';
qa'maj luSIghqu'pu'bogh wanI''e'.

qunnoq
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20170802/8dedf54f/attachment.htm>


More information about the tlhIngan-Hol mailing list