[tlhIngan Hol] Vanitas Vanitatum et Omnia Vanitas

[mayqel qunenoS]

wa'Hu', QIn vIghItlhta', 'ej 'oHvaD "the illusion of uniqueness" vIpongta'.

'ach qatlh QInvetlh vIghItlhta' ? QInvetlh vIghIlthta'; jIHvaD 'e' qaSmoH nuq ?

qen, bong, paris catacombs bopbogh De''e' vIlaDpu'. chaq De'meyvam
boSovbe' 'ej meqvammo' naDev De'meyvam vIghItlhqa'.

tera' DIS wa'-Soch-chorgh-jav, buy'choHmo' paris molmeH Daq, HomDu'vaD
Daq chu' luSuqnIS *paris*nganpu'. toH paris bIngDaq, *catacombs*Daq,
HomDu' lanchoH.. tagha', *catacombs*vamDaq jav 'uy' nuv HomDu'
lanta'..

HomDu' millogh vIleghta'DI', jI'IQqu'choH.. jav 'uy' nuv.. 'ej SIbI'
jIQub: 'op ret yIn nuvpu'vam Hoch wa'. ngugh tullaH nuvvetlh. ngugh
najlaH nuvvetlh.. 'ach tagha' *catacombs*vamDaq
ratlh HomDu'Daj neH. 'ej DaH ghaH qaw pagh.

Do'Ha' nuvpu'vam DIrur. mapIm, chaq 'e' wIHar, 'ach tagha' ratlh HomDu'maj neH.

SKI: Vanity of vanities, all is vanity.

qunnoH