[tlhIngan Hol] Dop Hurgh lo'laHghach

[mayqel qunenoS]

Dochmey mI' yajHa' nuvpu' ; 'ej Dop Hurgh 'oH wa' Doch'e'..

mu'mey' {Dop Hurgh} DajatlhDI' 'ej luQoylu' ngugh SIbI' Qub ghaH:
Dochmey mIgh bop mu'meyDaj..

'ach DaH maghel'eghnIS: mIgh'a' Dop Hurgh ? 'ej mu'tlheghvam wIjangmeH
latlh mu'tlhegh wIqelnIS: nuq 'oH Hurghchu'ghach'e' ?

Do'Ha', Dop Hurgh DellaHchu' pagh; lubop ghantoH neH wInoblaH.

bImob; 'e' Dajal.. nIlonta' Hoch 'ej bIwunchoH. chaq bI'IQ, chaq
bI''It, ej bItaHmeH boqwI' DaSuqnIS.. 'ach ngugh SoHvaD DubDu'chaj
tlhe'ta' Hoch.

toH, nIteb QIHna' Dabam. 'ej nImaghta'mo' Hoch, QIt bIQeHchoH..
meQchoH 'IwlIj, pubchoH 'IwlIj. SoHvaD bIjatlh: HeghwIj vIbam, muSuv
Hoch. 'ach jIluj vIneHbe', jIHegh vIneHbe' ! jIHoSnISchoH !

'ej ngugh, raSDaq pe'vIl ro'lIj DamupmoH !

tupvetlh lupvetlh je 'oH Dop Hurgh'e'.. tupvetlh lupvetlh je 'oH
Hurghchu'ghach'e'. QeH'a' lupvetlh, 'ach tlhabna' lupvetlh.

qaStaHvIS lupvetlh, QeH'a'lIjmo' bIHoSchoH 'ej bIHoSchoHmo' tagha' bItaHlaH.

toH, tagha', Dop Hurgh lo'laHghach wIleghlaH. mIghbe' Dop Hurgh; chaq
naHchoHlaH 'ach mataHmeH 'ut. mataHmeH wIghajnIS.

nuvvaD, HoS'a' noblaH Dop Hurgh; HoS'a' tlhab'a' je. meqvammo'
wIlajnIS 'ej wIquvnISmoH.

SKI: no SKI. if you want to understand learn klingon.

qunnoH jan puqloD