[tlhIngan Hol] A thought on the irrealis construction

[Ed Bailey]

{net jalchugh} bop'a' mu'meylIj Qav? 'angpu'chugh matlh, vaj jIjIv.

ngoD laj vaj, 'ach qaSbe'bogh wanI'qoq buSHa' SuvwI' neH 'e' DaHarchugh,
bImuj. jallaHqu' tlhIngan tej 'ach wanI'qoqmeyvam SaHbe' je 'e' vIHar.
toj'egh neHbe' 'ej poH natlh neHbe'. qaSbe'bogh wanI'qoq qelmeH qaSpu'bogh
wanI'na' buSHa'nIS, 'a wanI'na' buSHa'qangbe'. meqvammo' loQ wIHnIS. QapmeH
loQ wIHnIS tera'ngan tej je, vaj tlhIngan tej rurnIS. wanI'na' wanI'qoq je
jojHeyDaq majoqtaHvIS, mapay pagh mabIt'eghmoH 'a DI'ruj wIbambe'. yab
Sengvammo' tlhIngan vonbe'lu', vaj nughojmoHlaH tlhIngan.

tlhoy jalQo'meH tlhIngan, latlh meq tu'lu', 'a chaq Doghlaw'. qo'
jallu'bogh luDab tlhIngan, vaj nuq lujal tlhIngan? qo'Hommey jal'a'?
qo'HomHommey jal'a' qo'Homngan? ghorgh Dor mIwvam? 'a jIDachchoH.

meqmey law'mo' tlhIngan vIjal 'ej 'e' vItIv. DaH meqmeywIj wa' vIja'.
maDogh Human mut 'e' lu'anglaH tlhIngan. wanI' DuHbe' wIjalmeH poH wInatlh
'e' lu'ang tlhIngan. maHvaD neSlo' lumuch tlhIngan.

~mIp'av
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20161106/6d75101a/attachment-0017.htm>