[tlhIngan Hol] And because of this reason cars should have phasers

[mayqel qunenoS]

motlh, pu'DaH ghaj logh Duj, net Sov.

'ach DaH latlh mu'tlhegh wIqelnIS; qatlh tera'Daq pu'DaH ghajbe' puH Dujmey
?

jISov.. chaq DaH SuQubtaH: maw''a' ghaH ? qatlh chabalvam ghaj ? 'ach meq
vIghajbej..

pIj, tera'Daq Sor bIngDaq puH DujDaj verghlu'. 'ej puH DujDajvo'
tlheDtaHvIS, wa' Doch tlhojlaHbe': SorvetlhDaq bo'Degh tu'lu' ! toH,
malja'Daj HuqtaHvIS, puH DujDaj lulammoHtaH bo'Degh jay'.

wanI'vam lajlu'Qo' ! cherghlu'Qo' !

'op ben, athensDaq jIyIntaHvIS, Sor bIngDaq puH DujwIj vIverghta'. ghIq
juHwIjDaq vIjaHta'. po veb, puH DujwIj vIleghpu'DI', jIQay'qu' !
bo'Deghmeymo', 'upchoH puH DujwIj ! Dat DujDaq,  lam tu'lu', vabDot 'orwI'
lojmIt; vabDot lojmItvetlh jI'ev !

toH, tagha', puH Duj Say'moHlu'meH, wejmaH *euro*mey vInob 'ej vInobtaHvIS
bo'Deghmey vI'IghmoHtaH..

'o mu'qaDmey.. bo'DeghmeyvaD mu'qaDmey vIbachta'bogh.. qaSpu' DISmey 'ach
mu'qaDmeyvam vIqawtaH !

jajvetlh, wa' Doch vItlhoj: pu'DaH ghajnISbej tera' puH Dujmey.. HoHmeH pu'
ghajnIS 'e' vImeqbe', 'ach DoHmoHmeH pu' ghajnISbej..

SKI: no SKI. if you want to understand learn klingon.

qunnoH
ghoghwIj HablI'vo' vIngeHta'
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20161109/1db4f971/attachment.htm>