[tlhIngan Hol] [tlhIngan-Hol] juH

[mayqel qunenoS]

> juHvo' yaHwIj vIjaHtaHvIS taw Hutvagh vISIQlaH'a'?

SuStel, jIHvaD bIqawmoH..

HaqwI' vImojmeH jIqeqtaHvIS, *athens* vIDab. vengvam vIDab, qaStaHvIS Soch DIS.

poHvam qaStaHvIS, pIj - Hoch jar -, Qu' poHvam vIvum :

Sochvatlh wejmaH rep jIvumchoH 'ej wa'maH loSvatlh wejmaH rep - jaj veb - jImev.

qaStaHvIS wejmaH wa' rep, jIQonglaHbe'.

DaH, ropyaH qach vImejDI', Soch qelI'qam puH DujwIj vI'ornIS. (Soch
qelI'qam 'oHmo' ropyaH qach-juHwIj chuq).

'ach qabqu' *athens* Hutvagh..

Soch qelI'qam jI'ormeH, qaStaHvIS wa' rep wejmaH tup jI'ornIS !

'ej qaStaHvIS rep law'qu' jIQonglaHbe'mo', jItlhuch'eghpu'..

toH -pIj-, jI'ortaHvIS jIQongchoH.

tagha' juHwIjDaq vIpawta'DI', jIHDaq bIQ vIghayta', 'ej jIQongta'..

jIHvaD, ghe''or bIHbejpu' DISmeyvam'e'..

qunnoq


On Wed, Jun 8, 2016 at 4:28 PM, Lieven <levinius at gmx.de> wrote:
> Am 08.06.2016 um 15:14 schrieb SuStel:
>>
>> wa'leS juHwIj wa'DIch vIje'! loQ jIbIt;
>
>
> majQa'. juHlIjDaq poH Dun DatIvjaj. juH ghajlu'taHvIS wanI' Dun law', Hoch
> Dun puS.
>
>> qay''a' DIlmeH laHwIj qaStaHvIS cha'maH DIS?
>
>
> bImIpjaj. chaq wa' jaj Huch DaHutlh, 'ach reH yIqaw: DorDI' DIlmeH poH,
> Huchvetlh Daghajqa'.
>
> --
> Lieven L. Litaer
> aka Quvar valer 'utlh
> Grammarian of the KLI
> http://www.facebook.com/Klingonteacher
> http://www.klingonwiki.net
>
> _______________________________________________
> tlhIngan-Hol mailing list
> tlhIngan-Hol at lists.kli.org
> http://lists.kli.org/listinfo.cgi/tlhingan-hol-kli.org