[tlhIngan Hol] yIn wanI'mey - paj

[Alan Anderson]

tera' DIS wa'-Hut-chorgh-wa', rIn DuSaQ'a' DIS wa' 'ej Summer len
vItagh. General Motors ghunwI' ghIgh ru' vISuq. vIta' 'ej DuSaQ'a'Daq
jIHaDqa'. Summer veb ghIgh rap vISuqqa'. vIta'qu' 'ej DuSaQ'a'Daq
jIHaDqa'qu'. tera' DIS wa'-Hut-chorgh-wej jISaw, juH wIchenmoH jIH
be'nalwI' je, 'ej ghIgh rap vItaghqa', taH Qu' 'ej Qu''a'wIj ru'Ha'
moj.

rut puS repmey jIvumtaHvIS. rut poHwIj DIl malja' pIm, jIvumtaHvIS.
vaj Huj Qu'wIj poHpu'ghach. wejmaH vagh ben naDev jIvumtaH, 'ach
wejmaH malja' DIS lutoghlu'.

toH, qen wejmaH DIS vumpu'ghach vIlopta'mo', jIpaj. wej Hogh pIq
jIvumbe'choHta'. qIm! jIbupbe' jay'. jIpajqu'. jav wen ngoDvam vImaq,
'ej 'op Qu'wIjvaD cho'wI' ponglu'. 'ach jImejDI', ghaytan qaSbe'choH
'op Qu'Hommey potlh. jIboQqangbej, 'ej murI' ratlhwI'pu' 'e'
vIchaw'bej.

DaH tagh leSpoH'a'. jIDo'chugh, nI' leSpoHvam Qav.

-- ghunchu'wI'

SKI: I'm retiring.