[tlhIngan Hol] 'op Human be'..

[Alan Anderson]

On Wed, Jun 15, 2016 at 4:09 AM, mayqel qunenoS <mihkoun at gmail.com> wrote:
> tlhIngan Hol vIghoj DaneHbe'mo', jIDub reH 'e' vInID ! hahaha

Holvam Daghoj DaneHchugh, qatungbe'. HIvbe' SoQmeylIj 'e' vIjIn neH.
chenHa'moHmeH Holvam Dalo'be' 'e' vIjIn.

> wa' meqmo' neH, naDev jIH.. tlhIngan Hol vIghojmeH naDev jIH.
> ...
> klingonska vIHaDta'DI', 'ej tetlhvamvo' Hoch De'mey vISuqnISbogh
> vInatlhta'DI', ngugh jImej.

wejpuH.

taghwI'vaD poHmaj wInob. wIghojmoH. wIDev 'ej QaghHommeyDaj wIlughmoH.
HaDwI' qu' wInaD. jomaj wIghaqmo', jatlhwI' po' wISuqmeH 'e' wIpIH.
yapDI' ngaqmaj, latlhpu'vaD ngaq noblaH ghaH 'e' wIpIH. wa' Dol nIvDaq
matay'DI' maQap, qar'a'?

'ach bIpo'choHDI' SoH, maHvaD 'IQmoHbogh mu'mey Damaq. juja':
SaSaHbe'! SapoQbe'! Sanatlhta'DI' SawoD.

tlhIngan chelwI' mu' vIneH. chay' "ROI" vIQIj?

-- ghunchu'wI'